2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
HEGO NAFARROA KIROL MANKOMUNITATEA
2018ko lan egutegia
Mankomunitateko buruak 3/2017 Ebazpena eman du abenduaren 20an. Hona hemen:
Kontuan harturik abuztuaren 30eko 251/1993 Legegintzako Foru Dekretuan xedatutakoa, zeinaren bidez onesten baita Nafarroako Administrazio Publikoen Zerbitzuko langileen estatutuaren testu bategina; eta martxoaren 24ko 1/1995 Legegintzako Errege Dekretua, Langileen Estatutuaren Legearen testu bategina onesten duena, 34.6 artikuluan ezartzen baitu enpresak urtero prestatu behar duela lan egutegia.
Abenduaren 26ko 26/2012 Foru Legean (4. artikuluan) ezarritakoari jarraikiz, haren bidez aldatu baitzen Nafarroako Administrazio Publikoen zerbitzuko langileen arloan presako zenbait neurri hartzeari buruzko ekainaren 21eko 13/2012 Foru Legea, Nafarroako Administrazio Publikoetako funtzionarioen urteko egiazko lanordu kopurua 1.592 ordukoa izanen da.
Kontuan harturik Toki Araubidearen Oinarriei buruzko apirilaren 2ko 7/1985 Foru Legearen 21.1.h) artikuluak eta Nafarroako Administrazio Publikoen Zerbitzuko Langileen Estatutuaren 84. artikuluak ematen didaten eskumena.
EBATZI DUT:
Lehenbizikoa.–Onestea Hego Nafarroa Kirol Mankomunitatearen zerbitzuko langileek 2018an izanen duten aste barreneko jaiegunen egutegia, honen ondotik ematen den bezala:
Urtarrilaren 1a: Urteberri eguna.
Urtarrilaren 6a: Errege eguna.
Martxoaren 29a: Ostegun santua.
Martxoaren 30a: Ostiral santua.
Apirilaren 2a: Pazko bigarrena.
Maiatzaren 1a: Langileen Eguna.
Uztailaren 23a: Santa María Magdalena (Ablitasko herriko jaieguna).
Uztailaren 25a: Santiago eguna.
Abuztuaren 15a: Ama Birjinaren Jasokundea.
Urriaren 12a: Jai Nazionala.
Azaroaren 1a: Omiasaindu.
Abenduaren 3a: Frantzisko Xabierkoaren eguna.
Abenduaren 6a: Konstituzioaren eguna.
Abenduaren 8a: Andre Maria Sortzez Garbia.
Abenduaren 25a: Eguberri.
Bigarrena.–Baliogabeak izanen dira, 2018an epeak kontatzeari dagokionez, larunbat eta igande guztiak, eta aipatutako jaiegunak.
Hirugarrena.–Gainera, ez dira lanegunak izanen honako egun hauek:
A) Egiazko lanordu gehiegi izateagatik:
–Irailaren 8a eta urriaren 13a.
B) Opor egun gisa kontatuko dira:
–Uztailaren 21a (Ablitasko zaindariaren festak).
–Irailaren 4a, 5a, 6a eta 7a (Ablitasko festak).
Laugarrena.–Urteko lanorduen banaketa.
Urteko lanordu kopurua egiazko 1.592 lanordukoa izanen da eta honela banatuko da:
a) Eguneroko lanaldiak 7 ordu eta 20 minutu iraunen du, 7:40tik 15:00ak arte, astelehenetik ortziralera.
b) Artikulu honetan aurreko apartuetan ezarritako lanaldiaren banaketa ez zaie aplikatuko, zerbitzuko beharrak direla-eta, lanaldi berezia dutenei.
Borzgarrena.–Lan egutegi hau aldatzen ahalko da zerbitzuaren beharren arabera, langilearen baldintzen gainean gaur egun indarra duen araudiari jarraikiz.
Seigarrena.–Jendea hartzeko ordutegi orokorra hau izanen da: 12:00etatik 15:00ak arte.
Zazpigarrena.–Ebazpen hau Nafarroako Aldizkari Ofizialean eta Mankomunitatearen iragarki oholean argitaratzea, eta horren berri Batzar Orokorrari ematea, egiten duen lehen bilkura arruntean.
Argitara ematen da, orok jakin dezan.
Ablitasen, 2017ko urtarrilaren 9an.–Mankomunitateko burua, Saúl Huguet Nuño.
Iragarkiaren kodea: L1800463
