Iragarkia

28. ALDIZKARIA - 2018ko otsailaren 8a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

132/2018 EBAZPENA, urtarrilaren 25ekoa, Osasuneko zuzendari nagusiak emana, toki entitateei, fundazioei eta irabazi-asmorik gabeko elkarteei 2018. urtean osasun programetarako diru-laguntzak emateko deialdia onesten duena.

Diru-laguntzei buruzko azaroaren 9ko 11/2005 Foru Legean ezartzen da Nafarroako aurrekontu orokorren kargura ematen diren diru-laguntzen araubide juridiko orokorra. Arau honek xedatzen du ezen, diru-laguntzak eman baino lehen, organo eskudunak oinarri arautzaileak ezarriko dituela, eta horiek argitaratu beharko direla, diru-laguntza jasotzeko moduan daudenek eskuratzeko aukera izan dezaten.

Aipatu 11/2005 Foru Legean ezarritakoarekin bat, toki entitateek, fundazioek eta irabazi-asmorik gabeko elkarteek berariazko ekintzak egitea da diru-laguntzetarako deialdi honen xedea, autolaguntza taldeak eratzea eta haien funtzionamendua sustatzen badute; orobat, herritarren partaidetzarekin, osasuna prebenitu, sustatu eta mantentzeko programak garatzen dituzten ekintzak, Osasun Departamentuak osasun arloko politikaren esparru orokorrean sustatzen dituen irizpideekin bat; bereziki, haien xedea 2014-2020ko Osasun Planean, Paziente Kronikoei Arreta Integratua emateko Nafarroako Estrategian eta Osasun Publikoaren Planean aipatzen diren helburuak betetzea denean.

Espedienteko txosten tekniko eta juridikoek adierazten dute, hurrenez hurren, diru-laguntzen deialdia egokia eta interes publikokoa dela, eta deialdia eta oinarri arautzaileak legearen araberakoak direla.

Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak eta Osasun Departamentuaren egitura organikoa ezartzen duen abuztuaren 28ko 132/2015 Foru Dekretuaren 8.v) artikuluak ematen dizkidaten eskudantziak baliatuz,

EBATZI DUT:

1. Toki entitateei, fundazioei eta irabazi-asmorik gabeko elkarteei 2018. urtean osasun programetarako diru-laguntzak emateko deialdia, ebazpen honen 1., 2. eta 3. eranskinetan sartu diren oinarri arautzaileen araberakoa, onestea.

2. 1.995.001 euroko gastua baimentzea, 2018ko gastuen aurrekontuko honako partida hauen kargura:

–511004-51120-4819-311100 “Paziente eta familiarren elkarteentzako diru-laguntzak”. Aurreikusitako esleipena: 426.630 euro.

–520001-51200-4609-313902 ‘’Adikzioak prebenitzeko udal planetarako diru-laguntzak”. Aurreikusitako esleipena: 632.625 euro.

–520001-51200-4819-313902 “Entitateentzako diru-laguntzak adikzio substantziadunak eta substantzia gabeak komunitatean prebenitzeko”. Aurreikusitako esleipena: 235.000 euro.

–511004-51120-4819-311104 “Programa komunitarioetarako diru-laguntzak GIB-HIESarengatiko infekzioari loturik”. Aurreikusitako esleipena: 129.906 euro.

–520001-51200-4609-313900 “Osasunaren prebentzio eta sustapen programa komunitarioetarako diru-laguntzak”. Aurreikusitako esleipena: 204.130 euro.

–520001-51200-4819-313903 “Ijitoengan osasuna sustatzeko programetarako diru-laguntzak”. Aurreikusitako esleipena: 218.710 euro.

–520001-51200-4819-313900 “Sustapen eta Heziketa afektibo-sexual komunitariorako diru-laguntzak”. Aurreikusitako esleipena: 148.000 euro.

3. Ebazpen hau eta eranskinak Nafarroako Aldizkari Ofizialean argitaratzeko agintzea.

Iruñean, 2018ko urtarrilaren 25ean.–Osasuneko zuzendari nagusia, Luis Gabilondo Pujol.

1. ERANSKINA

Toki entitateei, fundazioei eta irabazi-asmorik gabeko
elkarteei 2018. urtean osasun programetarako diru-laguntzak
emateko deialdiaren oinarri arautzaileak

1.–Diru-laguntzaren xedea.

Toki entitateei, fundazioei eta irabazi-asmorik gabeko elkarteei diru-laguntzak emateko araubidea ezartzea du xede deialdi honek, autolaguntza taldeak era daitezen eta 2018. urtean programak eta jarduerak egin daitezen osasuna prebenitu, sustatu eta mantentzeari buruz, esparru hauetan:

“Paziente eta familiarren elkarteentzako diru-laguntzak”: osasun arazoez jotakoen edo haien familiarren elkarteen proiektuak, osasun arazoak edo horien ondorioak hobetzera zuzenduak, GIB-HIES salbu; arreta berezia ematen zaie Osasun Planean eta Paziente Kronikoei eta Pluripatologikoei Arreta Emateko Nafarroako Estrategian jasotako prestakuntza eta/edo autolaguntzako programei.

“Adikzioak prebenitzeko udal planetarako diru-laguntzak”: udalek eta/edo mankomunitateek egiten dituzten programak, komunitatea adikzio substantziadunen eta substantzia gabekoen ondorioez prebenitzeko. Horietatik, 2018an Drogen aurkako Plan Nazionaleko deialdirik bada, horren helburuetara gehien egokitzen direnak aurkeztuko dira.

“Entitateentzako diru-laguntzak adikzio substantziadunak eta substantzia gabeak komunitatean prebenitzeko’’: gobernuz kanpoko erakundeek eta antzekoek egiten dituzten programak, komunitatea adikzio substantziadunen eta substantzia gabekoen ondorioez prebenitzeko.

“Programa komunitarioetarako diru-laguntzak, GIB-HIESaren infekzioari loturik”: elkarte edo fundazioek egiten dituzten programa komunitarioetarako diru-laguntzak, GIB-HIESaren infekzioari loturik, arreta berezia emanez berariazko prebentzioko ekintzei.

“Osasunaren prebentzio eta sustapeneko programa komunitarioetarako diru-laguntzak: elkarteek, fundazioek edo toki entitateek eskualdeko zerbitzu eta baliabideekin batera egiten dituzten programetarako diru-laguntzak, taldeen eta komunitatearen osasuna prebenitu eta sustatzeko, tabakoarenak barne eta adikzioen eta GIB-HIESaren prebentzioari loturikoak kanpo; lehen aipatu partiden kargura izanen dira.

“Ijitoengan osasuna sustatzeko programetarako diru-laguntza”: elkarteek, fundazioek edo toki entitateek egiten dituzten programetarako diru-laguntzak, ijitoen gutxiengo etnikoaren osasun heziketarako eta bitartekaritzarako.

“Sustapen eta heziketa afektibo-sexual komunitariorako diru-laguntzak”: elkarteek, fundazioek edo toki entitateek sexu- eta ugalketa-osasuna sustatzeko egiten dituzten programa komunitarioak garatzeko.

2.–Entitate onuradunek bete beharrekoak.

Toki entitateak, fundazioak eta irabazi-asmorik gabeko elkarteak izaten ahalko dira deialdi honen bidez ezartzen diren diru-laguntzen onuradunak, Nafarroako Foru Komunitateko elkarteen erregistroetan inskribaturik badaude eta autolaguntza taldeak eratzen badituzte, edo deialdiaren epean osasunaren prebentzio, sustapen eta mantentze ekintza edo programak, Osasun Departamentuak zehazturiko lehentasunekin bat datozenak, burutzen badituzte.

Paziente eta familiarren elkarteentzako diru-laguntzak Nafarroako Foru Komunitatean pazienteei eta beren familiei arreta ematen dieten elkarteentzat bakarrik izanen dira.

Entitate publikoenak ez diren eskaeretan, eskatzaileek zerga betebeharrak eguneratuta izan beharko dituzte, bai Gizarte Segurantzari dagozkionak, bai Nafarroako Foru Komunitateko Administrazioari edo haren erakunde autonomoei itzuli beharreko zorrei dagozkienak, diru-laguntza emateko ebazpen proposamena egiten den egunean.

Entitate onuradunek ezin izanen dute urratu diru-laguntzen onuradun izatetik baztertzen duten gainerako debekuak, Diru-laguntzei buruzko Foru Legearen 13. artikuluaren 2. eta 3. idatz-zatietan ezarritakoak.

Baldintza horiek guztiak diruz laguntzen den jarduerak irauten duen denbora osoan bete beharko dira.

3.–Diru-laguntza jaso dezaketen gastuak, jaso ez dezaketenak eta laguntzen zenbatekoak.

3.1. Gastu diruz lagungarriak:

a) Jardueren, material suntsigarriaren eta entitate onuradunaren langileen gastuak, aurkezturiko proiektu edo programari lotuak.

b) Funtzionamenduko gastu orokorrak (langileria, lokalen mantentze-lana, bulegoko materiala, eta abar), gehienez ere diruz lagundutako kantitatearen %25era bitarte.

Salbuespenak:

a) GIB-HIESaren infekzioari, ijitoen osasuna sustatzeari eta sustapen eta heziketa afektibo-sexual komunitarioari buruzko programa komunitarioei loturiko jarduketetarako programetan ez du indarrik izanen funtzionamendu gastuetarako %25eko mugak; betiere, ziurtasun osoz frogatu beharko da diru-laguntzaren xedeko proiektuari loturik daudela.

b) ‘’Entitateentzako diru-laguntzak komunitatean adikzio substantziadunak eta substantzia gabeak prebenitzeko’’ lerroaren kargura ematen diren diru-laguntzetan, ebazpenean zehaztuko da zenbat diru erabiltzen ahalko den alokairuak ordaintzeko, elkarteek eta erakundeek lokal bat behar dutenean diru-laguntzaren xedeko jarduera burutzeko.

c) “Adikzioak prebenitzeko udal planetarako diru-laguntzetan”, langileen gasturako ematen ahal den laguntza ez da inoiz udal entitateek egindakoa baino handiagoa izanen.

Finantza-gastuak, lege- edo finantza-aholkularitzako gastuak, notario eta erregistro gastuak, diruz lagundutako proiektua egiteko peritu gastuak eta berariazko administrazio gastuak, horiek guztiak diru-laguntza jaso dezaketen gastutzat joko dira baldin eta zuzeneko lotura badute diru-laguntzaren xedeko jarduerarekin eta ezinbestekoak badira hura behar bezala prestatu nahiz burutzeko; orobat, banku-bermearen gastuak. Bankuetako kontuen zor interesentzat ez da inoiz diru-laguntzarik emanen.

3.2. Diruz lagungarriak ez diren gastuak:

Gastu hauek ez dute diru-laguntzarik izanen:

a) Zerbitzu publikoek egiten dituzten jarduerak, toki entitateek egindakoak salbu.

b) Inbertsioak.

c) Entitatearen edo elkartearen publizitateari edo sustapenari lotutako gastuak.

d) Aurreikusitako jarduerak betetzeari lotu gabeko helburua duten bidaiak.

e) Instrukzio unitatearen ustez, programan sartutako jardueren garapenari loturik ez dagoen prestakuntza.

f) Deialdian, 2. eranskinean, ezarritako moduluak gainditzen dituzten kopuru unitarioak. Eranskin horretan jaso gabeko kasuetarako, ez zaie diru-laguntzarik emanen merkatu baliotik gorako jarduera kostuei, ez eta Foru Komunitateko Administrazioan indarra duten tarifen gainetik ere.

g) Gaixotasunei buruzko sentsibilizazio eta informazio jarduerak, herritar guztientzat direnak.

h) Inprimatutako materiala. Salbuespenez bakarrik emanen da diru-laguntza inprimatutako materialetarako; hala eginen da baldin eta ebaluazioa egiten duen unitatearen iritziz ezinbestekoa bada programaren helburua lortzeko.

i) “Paziente eta familiarren elkarteentzako diru-laguntzak” lerroan, podologiak, odontologiak eta ebidentzia zientifikoak bermatu gabeko jarduerek ez dute diru-laguntzarik izanen. Jardunaldi, biltzar eta kanpaldietan agertze hutsak ere ez du diru-laguntzarik izanen.

j) “Adikzioen prebentziorako udal planetarako diru-laguntzak” lerroan, ez zaie diru-laguntzarik emanen droga-mendekotasunen tratamendua osatzen duten laguntzei, toki eremuko diru-laguntzei eta hirugarrenentzako diru-laguntzatzat hartzen ahal diren transferentziei.

k) “Osasunaren prebentzio eta sustapen programa komunitarioetarako diru-laguntzak” lerroan, ez zaie diru-laguntzarik emanen elkarteko langileen gastuei.

l) Ikasleekin ikasgeletan egiten diren jarduerei ere ez zaie diru-laguntzarik emanen.

3.3. Aurrekontua.

1.995.001 eurokoa da deialdi hau garatzeko aurreikusi den aurrekontuaren gehieneko zenbatekoa; kopuru hori 2018ko gastuen aurrekontuko honako partida hauen kargura ordainduko da:

a) 511004-51120-4819-311100 “Paziente eta familiarren elkarteentzako diru-laguntzak”. Aurreikusitako esleipena: 426.630 euro.

b) 520001-51200-4609-313902 ‘’Adikzioak prebenitzeko udal planetarako diru-laguntzak”. Aurreikusitako esleipena: 632.625 euro.

c) 520001-51200-4819-313902 “Entitateentzako diru-laguntzak adikzioak komunitatean prebenitzeko”. Aurreikusitako esleipena: 235.000 euro.

d) 511004-51120-4819-311101 “Programa komunitarioetarako diru-laguntzak GIB-HIESarengatiko infekzioari loturik”. Aurreikusitako esleipena: 129.906 euro.

e) 520001-51200-4609-313900 “Osasunaren prebentzio eta sustapen programa komunitarioetarako diru-laguntzak”. Aurreikusitako esleipena: 204.130 euro.

f) 520001-51200-4819-313903 “Ijitoengan osasuna sustatzeko programetarako diru-laguntzak”. Aurreikusitako esleipena: 218.710 euro.

g) 520001-51200-4819-313900 “Sustapen eta Heziketa afektibo-sexual komunitariorako diru-laguntzak”. Aurreikusitako esleipena: 148.000 euro.

4.–Eskaerak.

4.1. Noiz eta non aurkeztu.

4.1.1. Eskaerak aurkezteko epea hogei egun naturalekoa izanen da, deialdi hau Nafarroako Aldizkari Ofizialean argitaratu eta biharamunetik hasita.

4.1.2. Diru-laguntzarako eskaerak, ahal dela, Nafarroako Gobernuaren Erregistro Elektronikoan aurkeztuko dira, http://www.navarra.es orrian sartuta (sinadura elektronikoa behar da), edo, bestela, Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan ezarritako tokietako edozeinetan.

Eskabidea aurrez aurre aurkeztu nahi izanez gero, edo aurkezpen elektronikoari buruzko laguntza beharko balitz, hemen eginen da, ahal dela:

–Ondokoei buruzko diru-laguntza eskaerak:

a) “Paziente eta familiarren elkarteentzako diru-laguntzak”.

b) “GIB-HIESaren infekzioari loturiko programa komunitarioetarako diru-laguntzak”,

Osasun Departamentuko Erregistroan (Armada etorbidea, 2, beheko solairua, Iruña).

–Ondokoei buruzko diru-laguntza eskaerak:

a) “Adikzioak prebenitzeko udal planetarako diru-laguntzak”.

b) “Entitateentzako diru-laguntzak adikzio substantziadunak eta substantzia gabeak komunitatean prebenitzeko”.

c) “Osasunaren sustapen eta prebentzio programa komunitarioetarako diru-laguntzak”.

d) “Ijitoengan osasuna sustatzeko programetarako diru-laguntzak”.

e) “Sustapen eta Heziketa afektibo-sexual komunitariorako diru-laguntzak”,

Nafarroako Osasun Publikoaren eta Lan Osasunaren Institutuko Erregistroan (Leire kalea, 15, Iruña).

Postetxeetan aurkezten diren eskaerei dagokienez, gutun-azal ireki batean aurkeztuko dira, lehen orrialdearen idazpuruan bulegoaren izena, data eta tokia adieraz daitezen. Datu horiek eskaera igorri dela frogatzen duen gordekinean ere adierazi beharko dira.

4.1.3. Eskaerak adierazitako epetik kanpo aurkeztuz gero, ez dira onartuko.

4.1.4. Diru-laguntza eskatzeak berarekin dakar deialdi hau arautzen duten oinarriak onartzea.

4.2. Aurkeztu beharreko dokumentazioa.

a) Diru-laguntza eskatzeko inprimaki ofiziala, behar bezala betea, egin beharreko proiektuaren, ekintzaren eta programaren atal tekniko eta ekonomikoak egoki arrazoituz. Osasun arloko Herritartasunaren, Aseguramenduaren eta Bermeen Zerbitzuan (Amaia kalea, 2-A, 3. solairua. 31002 Iruña) eta Nafarroako Osasun Publikoaren eta Lan Osasunaren Institutuan (Leire kalea, 15; 31003 Iruña) eskuratzen ahalko da inprimaki ofiziala, edo Nafarroako Gobernuaren orri ofizialean (http://www.navarra.es) deskargatzen ahalko da.

b) Diru-laguntza eskatzen duenaren ordezkaritza frogatzen duen dokumentua (eskabidearen inprimaki ofizialean ageri dena) eta pertsona horren nortasun agiri nazionalaren fotokopia.

c) Entitate eskatzailea Nafarroako Foru Komunitateko elkarteen erregistro batean inskribatua bada, hura adieraztea.

d) Identifikazio fiskaleko txartelaren fotokopia.

e) Erantzukizunpeko adierazpena, entitatearen ordezkariak luzatua, entitateak, haren administratzaileek eta ordezkariek “diru-laguntzen onuradun” izateko debekurik urratzen ez dutela dioena. Debeku horiek Diru-laguntzei buruzko azaroaren 9ko 11/2005 Foru Legearen 13. artikuluko 2. eta 3. apartatuetan ageri dira. Aitorpen hori diru-laguntzaren eskabideari erantsi zaion ereduaren arabera egin daiteke.

f) Ordainketa transferentzia bidez egiteko eskaera.

g) Diru-laguntzaren aurrerakinik eskatuz gero, deialdiaren 11.1. oinarrian xedaturikoarekin bat, entitate eskatzaileak dokumentazioa aurkeztu beharko du, diru-laguntzaren helburuak betetzeko funtsak aldez aurretik behar direla frogatzen duena, oinarri horretan ezarritakoaren arabera.

h) Entitatearen ordezkariaren erantzukizunpeko adierazpena, helburu bererako beste diru-laguntzarik eskatu edo jaso ote duen adierazten duena. Adierazpen hori diru-laguntzaren eskabideari erantsi zaion ereduaren arabera egin daiteke.

Diru-laguntzei buruzko Foru Legearen 13.8 artikuluan eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 28 artikuluan xedaturikoarekin bat, ez dago b), c), d) eta f) letretan eskatzen diren dokumentuak aurkeztu beharrik, baldin eta horiek Foru Komunitateko Administrazioak dagoeneko dauzkan datuak badira, betiere datu horiek ageri direneko espedientea edo deialdia adierazten bada eta aurkeztu zirenez geroztik aldaketarik gertatu ez bada.

Dokumentazioa aurkezteak berarekin dakar baimena ematea Osasun Departamentuari Ogasun Publikoan eta Estatuko Administrazio Orokorrean informazioa bildu dezan jakiteko ea eskatzaileak bere zerga betebeharrak, dirua itzultzekoak eta Gizarte Segurantzarekikoak bete dituen.

Entitate publikoek ez dute c), d), e) eta f) letretan aipatzen den dokumentazioa aurkeztu beharko.

Eskatzaile bakoitzak gehienez ere hiru programa aurkezten ahalko ditu deialdi honetan, toki entitateek izan ezik.

4.3. Eskaerako akatsak zuzentzea.

Eskaerak adierazi diren betebeharrak bete ezean, dagokion instrukzio unitateak interesdunari eskatuko dio gehienez ere 10 egun balioduneko epean akatsak zuzen ditzala eta adieraziko dio, horrela egin ezean, haren eskaera ezetsitzat joko dela. Kasu horretan espedientea artxibatzeko ebazpena emanen da eta dagokionari jakinaraziko zaio, Administrazio Publikoen Administrazio Prozedura Erkideari buruzko urriaren 1eko 39/2015 Legearen 68. artikuluan xedatu bezala.

5.–Prozedura instruitu eta ebazteko organo eskudunak eta ebazpena emateko gehieneko epea.

Deialdi honen instrukzioa unitate hauei dagokie, baloratu beharreko programaren arabera:

–Osasun arloko Herritartasunaren, Aseguramenduaren eta Bermeen Zerbitzua:

a) Paziente eta familiarren elkarteentzako diru-laguntzak, osasun arazoek jotakoentzako arretan oinarrituta.

b) GIB-HIESaren infekzioari loturiko programa komunitarioetarako diru-laguntzak.

–Nafarroako Osasun Publikoaren eta Lan Osasunaren Institutuko Osasuna Sustatzeko eta Politika guztietan Txertatzeko Atala:

a) Adikzioak prebenitzeko udal planetarako diru-laguntzak.

b) Entitateentzako diru-laguntzak adikzio substantziadunak eta substantzia gabeak komunitatean prebenitzeko.

c) Osasunaren sustapen eta prebentzio programa komunitarioetarako diru-laguntzak.

d) Ijitoengan osasuna sustatzeko programetarako diru-laguntzak.

e) Sustapen eta Heziketa afektibo-sexual komunitariorako diru-laguntzak.

Aipatu diren instrukzio unitateek egiaztatuko dute entitate eskatzaileek betetzen dituztela diru-laguntza lortzeko betebeharrak. Osasun arloko Herritartasunaren, Aseguramenduaren eta Bermeen Zerbitzuak unitate guztien instrukzioa koordinatu eta prozeduraren gainean ebazteko proposamena aurkeztuko du, Ebaluazio Batzordearen irizpenarekin bat.

Osasuneko zuzendari nagusia da organo eskuduna, diru-laguntzarako eskaerak emateko prozedura ebatziko duena; 2018ko martxoaren 31 baino lehen emanen da ebazpen hori eta jakinaraziko zaie entitate interesdunei. Epe hori iragan eta ebazpena berariaz jakinarazi ez bada, eskaerak ezetsitzat joko dira.

6.–Eskaerak ebaluatzeko kide anitzeko organoa.

Ebaluazio Batzorde bat osatuko da, kide hauek izanen dituena:

a) Herritartasunaren, Aseguramenduaren eta Bermeen Zerbitzuko zuzendaria, batzordeburua izanen dena.

b) Nafarroako Osasun Publikoaren eta Lan Osasunaren Institutuko 5 batzordekide, bertako zuzendari kudeatzaileak izendatu beharrekoak.

c) Eskubide Sozialetako Departamentuko kide bat, Gizarteratzeko eta Babes Sozialerako zuzendari nagusiak izendatua.

d) Osasun arloko Herritartasunaren, Aseguramenduaren eta Bermeen Zerbitzuko kide bat, Osasuneko zuzendari nagusiak izendatua, idazkari ariko dena.

Ebaluazio Batzordeak eskaerak baloratu eta diru-laguntzak eman eta ukatzeko proposamena aurkeztuko du, instrukzio unitate bakoitzak emandako txostena ikusita. Unitate horiek lehenengo balorazioa eginen dute, ez loteslea, 7. oinarrian aipatzen diren irizpide eta puntuazioak erabiliz.

Ebaluazio Batzordeak proiektuak ebaluatu eta bidezkotzat jotzen dituen egiaztapenak egiteko argibide osagarriak eskatzen ahalko ditu, eta diruz lagundutako jardueraren gaineko frogagiri guztiak eskuratzen ahalko ditu.

Batzorde horren proposamena loteslea izanen da, Diru-laguntzei buruzko azaroaren 9ko 11/2005 Foru Legearen 20.3 artikuluan ezarritakoari jarraikiz.

7.–Diru-laguntzak emateko prozedura eta baloraziorako arau orokorrak:

7.1. Diru-laguntza hauek emateko prozedura norgehiagokako araubideari jarraikiz tramitatuko da, aurkezten diren eskaerak konparatuz, guztiekin lehentasun-zerrenda bat prestatzeko asmoz, 7.3. puntuan eta 3. eranskinean ezarritako balorazio-irizpideen arabera, hainbanaketa aplikatuz behar denean, aipatu 3. eranskinaren c) letran ezarritakoari jarraikiz.

7.2. Programak edo jarduerak banaka puntuatuko dira arlo bakoitzean, lortu nahi diren helburuen arabera. Arlo bakoitzari aurrekontuko partida bat dagokio, arlo hori finantzatzeko erabiliko dena, hain zuzen.

Ikusten bada proiektuak 3.2 oinarriaren arabera diru-laguntza jaso ez dezaketen gastuak dituela, edo deialdi honen eremuari ez dagozkion jarduerak dituela, horiexek kendu eta berriz eginen da proiektuaren ebaluazio ekonomikoa, hura baloratu baino lehen.

7.3. Deialdiaren 3. eranskinean ezarritako irizpideen arabera baloratuko dira proiektuak, diru-laguntzaren lerro bakoitzerako.

8.–Entitate onuradunen betebeharrak.

Diru-laguntza hartzen duten entitateek betebehar hauek izanen dituzte:

a) Diru-laguntza jasotzen duen jarduerak eskaeretan eta diru-laguntza ematen duen ebazpenean adierazitako baldintzetan gauzatzea, bai eta hala egin izana frogatzea ere. Deialdiaren epean gauzatuko dira diruz lagunduriko jarduerak, eta Nafarroako Foru Komunitatearen eremuan garatuko dira.

b) Osasun Departamentuari komunikatzea beste erakunde batzuek helburu eta xede bererako emaniko laguntza edo diru-laguntza guztiak, erantzukizunpeko adierazpen baten bidez. Jakin bezain laster emanen da horren berri, eta, betiere, jasotako funtsak zertan erabili diren frogatu baino lehen. Beste laguntzarik jaso ezean, hori ere adieraziko da justifikazio memoriarekin batera. Eskabide ofiziala eskuratzeko bide berberak erabiliz lor daiteke erantzukizunpeko adierazpenaren eredua.

c) Oro har, deialdi honen kargura egiten diren ekintzetan, Nafarroako Gobernuaren logotipo ofiziala jarri beharko da, Nafarroako Gobernuaren ikur ofiziala eta haren erabilera arautzen dituen maiatzaren 3ko 189/2004 Foru Dekretuan xedatutakoarekin bat. Logotipoa erabili aurretik, diru-laguntzaren onarpena tramitatu duen instrukzio unitateari jakinarazi beharko zaio.

d) Adikzioen prebentzioari buruzko udal planetako programak garatzeko toki entitateei ematen zaizkien diru-laguntzen kasuan, langileei ordaintzeko ematen zaien diru-kopuru berbera jartzea beren funtsetatik.

e) Diru-laguntza jasotzen duen toki entitateak behartuta egonen dira “Adikzioei buruzko udal programetako jardueren txosten teknikoa” aurkeztera, bai eta profesionalei Droga-mendekotasunaren aurkako Foru Planean proposatzen den prestakuntzan parte hartzen erraztera ere.

f) Jarduera burutzen ari dela, diru-laguntza eman eta haren zenbatekoa zehazteko kontuan harturiko baldintzetan gertatzen diren aldaketa guztiak instrukzio unitateari komunikatzea.

g) Orobat, Diru-laguntzei buruzko azaroaren 9ko 11/2005 Foru Legean aipatzen diren gainerako betebeharrak betetzea.

9.–Gardentasun betebeharrak.

Nafarroako Aurrekontu Orokorren kargurako diru-laguntzen onuradunen gardentasun betebeharrak arautzen dituen irailaren 11ko 59/2013 Foru Dekretuaren 3. artikuluan ezarritakoari jarraituz, Nafarroako Foru Komunitateko Administrazioaren edo haren erakunde autonomoen kargurako diru-laguntzak eskuratzen dituzten entitateek, laguntza horren zenbatekoa 20.000 eurotik gorakoa denean urte naturalean eta, gainera, entitatearen urteko aurrekontuaren edo negozio-zifraren %20 bada gutxienez, informazio gehigarria beharko dute aurkeztu.

Kopuru horiek gainditzen diren kalkulatzeko, Nafarroako Foru Komunitateko Administrazioak edo haren erakunde publikoek urte naturalean emandako diru-laguntza guztien kopuruak batuko dira. Urte batean baino gehiagotan ordaintzen diren diru-laguntzen kasuan, aurrekontuko ekitaldi bakoitzean emandako kopurua konputatuko da ondorio horietarako, ez guztizko batura.

Erreferentziako urteko negozio-zifra edo aurrekontua honako hauetako txikiena izanen da:

a) Aurreko urteko negozio-zifra edo aurrekontu gauzatua.

b) Diru-laguntza ematen den ekitaldian entitatearen organo eskudunak onartutako negozio-zifra edo aurrekontua.

Aurreko kasuak gertatzen direnean, entitate hartzaileek hurrengo informazioaren berri eman beharko dute:

a) Entitatearen gobernu, administrazio eta zuzendaritza organoen osaera.

b) Organo horiek osatzen dituzten kargudunen zerrenda.

c) Entitateak aurreko urtean kargudun bakoitzari ordaindutako ordainsari gordinak eta gainerako diru konpentsazioak, kontzeptuz kontzeptu. Sortu berriak diren entitateen kasuan, informazioa haien aurrekontuetan edo plan ekonomiko-finantzarioan jasotakoa izanen da.

d) Kargudun bakoitzaren lanaldi mota gobernuko, administrazioko eta zuzendaritzako eginkizunetan.

e) Entitate onuradunaren urteko azken kontuen kopia bat.

Informazio hori entitate onuradunaren legezko ordezkariak sinatuta aurkeztuko da, Nafarroako Gobernuaren Erregistro Orokor Elektronikoaren bide telematikoak erabiliz, eta diru-laguntza kudeatzen duen administrazio unitateari bidaliko zaio. Informazioa osatzeko epea hilabetekoa izanen da, diru-laguntza ematen duen ebazpena jakinarazten denetik.

Informazio hori urtebetez egonen da ikusgai, Nafarroako Gobernu Irekiaren Atarian argitaratzen denetik hasita, eta gehienez 15 hilabetez utziko da bertan, informazioa kudeatzen duen organoan sartzen den egunetik hasita. Epe hori iraganik, informazioa argitaratzeko ardura duen unitateak ofizioz kenduko du. Hala egin ezean, entitate onuradunak kentzeko eskatzen ahalko du, eta gehienez ere hilabeteko epean kendu beharko da, eskaera egiten denetik hasita.

Entitateak gardentasun betebeharra bete behar ez badu, aurreikusitako inguruabarrak gertatzen ez direlako, horren gaineko adierazpen bat aurkeztu beharko du, diru-laguntza eman dela jakinarazten denetik hilabeteko epean.

Entitateak ekitaldi berean diru-laguntza bat baino gehiago jasotzen badu, ez du informazioa errepikatu beharko diru-laguntza bakoitzerako, salbu eta hasieran eman zituen datuak aldatzen badira.

Onuradunak informazioa emateko betebeharrak ez betetzeak ekar ditzakeen zehapenak ukatu gabe, horiek bete ezean, onartutako diru-laguntza ordaindu gabe utziko da, eta, zenbatekorik kobratu bada, itzuli egin beharko da, eta aurrerakinak ere bai, Diru-laguntzei buruzko Foru Legearen 35.1.c) artikuluan ezarritakoari jarraikiz.

10.–Aldaketak.

Diru-laguntza emateko kontuan hartu diren baldintzak nola edo hala aldatuz gero, haren berri eman beharko zaio dagokion kudeaketa unitateari eta emandako laguntza aldatzeko eskatu.

Gertatzen diren gorabeherak behar adina arrazoituko dira aldaketaren eskaeretan; gertatu bezain laster formulatuko dira eta, betiere, diru-laguntzaren xedeko jarduera gauzatzeko epea bukatu baino lehen; aurkezten direnetik beranduenez hilabeteko epean ebatzi beharko dira eta, bidezkoa bada, laguntza aldatuko da eta, zein den kasua, dagokion diru kopurua itzuliko.

Programa gauzatzeko diruz lagundutako gastu multzoen artean (langileak, jarduerak eta funtzionamendua) gehienez ere %5eko desbideraketa ekonomikoa hartuko da ontzat, haren osotasunari eragiten diola kontuan hartu gabe.

11.–Diru-laguntzaren ordainketa.

11.1. Aldez aurreko ordainketa:

Entitateek eskatuta, diru-laguntzaren xedeak beteko badira, funts likidoak hornitu beharra frogatzen dutenean, aldez aurretik ordaintzen ahalko da emandako diru-laguntza.

60.000 eurotik beherako diru-laguntza lortzen duten onuradunei ordainketa bakar batean pagatuko zaie diru-laguntza, aurreraturik, Osasuneko zuzendari nagusiak 2018ko martxoaren 31 baino lehen emandako ebazpen baten bidez. 60.000 euroko edo hortik gorako diru-laguntzak izanez gero, diru-laguntza zatika pagatuko da. Lehen ordainketa, 30.000 eurokoa gutxienez ere, diru-laguntza ematen duen ebazpenarekin batera eginen da, 9. oinarrian ezarritako baldintza betetzen bada; gainerako ordainketa aurreratuak, aurrekoa justifikatu ondoren, diru-laguntza ematen duen ebazpenean ezarritako moduan eginen dira, Diru-laguntzei buruzko azaroaren 9ko 11/2005 Foru Legearen 33.1.b) artikuluan ezarritakoari jarraikiz.

Horretarako, entitateak kontuen egoera orria aurkeztu beharko du aurreko urtearen bukaeran diru-laguntzaren eskaerarekin batera, bai eta 2018ko diru-sarrera eta gastuen mugimenduen aurreikuspena ere, edo beste edozein egiaztagiri, diru-laguntzaren xedeak betetzeko aldez aurretik funtsez hornitu beharra frogatzeko.

Toki entitateen kasuan, beharrezkotzat jotzen bada, idazkaritzak luzatutako ziurtagiri bat aurkeztuko da, aurreko paragrafoan aipatutako alderdiak adierazita: diru-sarrera eta gastuen aurreikuspena, eta programa gauzatzeko aldez aurretiko funts-horniduraren beharra.

12. oinarrian xedatutakoarekin bat, eta betiere 2019ko urtarrilaren 12a baino lehen, onuradunek diru-laguntzaren azken justifikazioa aurkeztu beharko dute, alegia, memoria teknikoa eta jarduera eta gastua gauzatu direla egiaztatzen duen memoria ekonomikoa. Langileen kontratazioaren kasuan, gizarte segurantzako gastuei dagozkien ziurtagirien aurkezpena 2019ko otsailaren 5era arte onartzen ahalko da.

11.2. Konturako ordainketak.

Entitate onuradunak diru-laguntzaren xedeak betetzeko funtsak aurreratu beharra frogatzen ez duen kasuan, konturako ordainketen bidez egiten ahalko da ordainketa. Osasuneko zuzendari nagusiaren ebazpen baten bidez, betiere onuradunak eskatuta eta epe horretan egindako jardueraren memoria tekniko sinplifikatua eta aipatu jardueraren ondoriozko gastuen zerrenda aurkeztu ondoren, diruz lagundutako jardueratik burutu den zatiari dagozkion gastu arrunta eta langileria gastuak ordainduko dira.

Konturako ordainketa horiek entitateak eskatu beharko ditu, betiere 2018ko abenduaren 1a baino lehen, eta Osasuneko zuzendari nagusiak eskaera jasotzen denetik hilabeteko epean eman beharko duen ebazpen baten bidez eginen dira.

12. oinarrian xedatutakoarekin bat, eta betiere 2019ko urtarrilaren 12a baino lehen, onuradunek diru-laguntzaren azken justifikazioa aurkeztu beharko dute, alegia, memoria teknikoa eta jarduera eta gastua gauzatu direla egiaztatzen duen memoria ekonomikoa. Langileen kontratazioaren kasuan, gizarte segurantzako gastuei dagozkien ziurtagirien aurkezpena 2019ko otsailaren 5era arte onartzen ahalko da.

11.3. Ordainketa jarduera osorik justifikatu ondoren.

Entitateak ez aurrerakinik ez konturako ordainketarik eskatzen ez badu, ordainketa Osasuneko zuzendari nagusiaren ebazpen baten eginen da, jardueraren justifikazio tekniko eta ekonomikoa 12. oinarrian xedatutakoaren arabera egiten denetik hilabeteko epean.

Diru-laguntzaren azken justifikazio hori, alegia, memoria teknikoa eta jarduera eta gastua gauzatu direla egiaztatzen duen memoria ekonomikoa, 2018ko abenduaren 1a baino lehen aurkeztu beharko da.

12.–Azken justifikazioen edukia.

12.1. Diruz lagundutako programa edo jarduera egin izana eta bilatzen den helburua zenbateraino lortu den justifikatzeko memoria teknikoak, ahal dela, eredu ofizialean aurkeztuko dira Nafarroako Gobernuaren Erregistro Elektronikoan; orobat, Osasun Departamentuko Erregistroan aurkezten ahalko dira edo Administrazio Publikoen Administrazio Prozedura Erkideari buruzko Legean aurreikusitako edozein baliabide erabiliz.

Diruz lagundutako programa edo jardueraren memoria ekonomikoari fakturen kopia erantsiko zaio. Fakturak gastuen zerrenda zenbakidun eta kontzeptuen arabera sailkatuarekin batera aurkeztuko dira, Fakturazio betebeharrak arautzeko Erregelamendua onesten duen maiatzaren 17ko 205/2004 Foru Dekretuan xedaturikoari jarraituz.

Diruz lagundutako zenbatekoa 10.000 eurotik gorakoa denean, memoria ekonomikoari fakturen zerrenda erantsiko zaio euskarri informatikoan, eta baita kalkulu orri elektroniko bat ere. Horretan, egindako gastuak jasoko dira, deialdiaren web atariko zerbitzuen orrian agertuko den eredu orientagarriaren arabera.

12.2. Jasotako diru-laguntzaren erabilera justifikatzeko, udalek, memoriaz gainera, gastuak diruz lagundutako jarduerari egoki aplikatu zaizkiola adierazten duen ziurtagiria aurkez dezakete, udaleko idazkariak sinatua eta kontu-hartzaileak ikus-onetsia, horrelakorik baldin bada; bestetik, programari loturiko fakturen zerrenda gehituko zaie.

12.3. Memoriak aurkezteko epea bukaturik, eta horiek diruz lagundutako jarduerarekin bat datozela egiaztatu ondoren, kudeaketa organoak espedientea itxiko du, aldez aurretik fiskalizazioa eginda.

13.–Azpikontratazioa.

Entitate onuradunak diru-laguntzaren xedeko jarduera batzuk hirugarrenekin azpikontratatzen ahalko ditu, jardueraren zenbatekoaren %50era bitarte gehienez. Muga horrek ez du indarrik izanen “paziente eta familiarren elkarteak” lerroan profesionalei terapietarako egindako ordainketen kasuan, ez eta toki entitateentzat ere.

Azpikontratazioa egiteko asmoa nahitaez adierazi beharko da aurkezten diren proiektuetan, xehetasunez.

Entitate onuradunak berak egiten badu diru-laguntza jasotzen duen jarduera, horretarako behar diren gastuen kontratazioa kontzeptu honetatik kanpo geldituko da.

Diru-laguntza jaso dezakeen gastua 12.000 eurotik gorakoa bada, entitate onuradunak frogatu beharko du enpresa hornitzailea eragimen eta ekonomia irizpideei jarraituz hautatu duela, hiru hornitzaileren aurrekontu bana aurkeztuz, Diru-laguntzei buruzko azaroaren 9ko 11/2005 Foru Legearen 28.3 artikuluan xedaturikoarekin bat. Toki entitateak egiaztatze hori aurkeztetik salbuetsiko dira.

Hirugarren entitate batzuekin hitzarturiko jarduerak diru-laguntzaren zenbatekoaren %20 gainditzen duenean eta zenbateko hori 60.000 eurotik gorakoa denean, kontratu idatzia beharko da azpikontratazioa egiteko. Azpikontratazioetan, orobat, Diru-laguntzei buruzko azaroaren 9ko 11/2005 Foru Legearen 26. artikuluan aurreikusitako gainerako betebeharrak bete beharko dira.

Entitate kontratatuek entitate onuradunaren aurrean erantzun beharko dute, bakar-bakarrik. Administrazioaren aurrean, aldiz, onuradunak du diruz lagundutako jarduera gauzatzearen erantzukizun osoa.

14.–Bateragarritasuna.

Diru-laguntza hauek bateragarriak izanen dira bestelako diru-laguntza edo laguntzekin, salbu xede bererako Osasun Departamentuak emandako beste laguntza batzuekin. Alabaina, proiektu edo programa bererako erakunde desberdinek emandako bi diru-laguntzaren edo gehiagoren zenbatekoa, guztira, ez da inolaz ere kostu osoa baino handiagoa izanen.

15.–Dirua itzultzea.

15.1. Hartutako zenbatekoa itzuli beharko da, osorik edo partez, programa gauzatzen ez bada, diru-laguntza emateko ezarritako baldintzak betetzen ez badira, Diru-laguntzei buruzko azaroaren 9ko 11/2005 Foru Legearen 35. artikuluan aipatzen diren zergatikoak gertatzen badira edo deialdi honetan berariaz aipatzen diren betebeharrak betetzen ez badira. Legez ezarritako kasuetan, gainera, bidezkoa izanen da diru-laguntza ordaindu zenetik itzuli beharraren gaineko ebazpena ematen den arte sortutako berandutze-interesak ordaintzeko eskatzea.

15.2. Dirua itzultzea eskatzeko prozedurak aipatutako artikuluan xedatutakoari jarraituko dio, eta hasten denetik 12 hilabeteko epean ebatzi beharko da.

15.3. Entitate onuradunak ia betebehar guztiak betetzen dituenean eta bere konpromisoak betetzeko jarrera garbia erakusten duenean, proportzionaltasun irizpideari jarraituz zehaztuko da itzuli beharreko zenbatekoa, diru-laguntza emateko ezarritako baldintzetatik zenbat eta noraino bete diren ikusita.

16.–Erantzukizuna eta zehapen araubidea.

Deialdi honetan aipatzen diren diru-laguntzen entitate onuraduna Diru-laguntzei buruzko azaroaren 9ko 11/2005 Foru Legearen 42. artikuluan eta hurrengoetan ezarrita dagoen diru-laguntzen arloko arau-hauste administratiboentzako zehapen araubidearen mende egonen da, eta han ezarritako erantzukizunak izanen ditu.

Diru-laguntzen arloko zehapenak Nafarroako Foru Komunitateko Administrazioari buruzko abenduaren 3ko 15/2004 Foru Legearen V. tituluan xedaturikoari jarraikiz ezarriko dira.

17.–Aplikatu beharreko araudia.

Oinarri arautzaile hauetan ezarri gabekoetan, Diru-laguntzei buruzko azaroaren 9ko 11/2005 Foru Legearen xedapenak aplikatuko dira.

18.–Deialdiaren eta oinarri arautzaileen aurka bidezkoak diren errekurtso administratiboak.

Deialdiaren, oinarri arautzaileen eta hura garatzeko egintzen kontra gora jotzeko errekurtsoa jar daiteke, Osasuneko kontseilariari zuzendua, hilabeteko epean, jakinarazi edo argitaratu eta biharamunetik hasita, Herri Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluei eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluari jarraikiz.

19.–Emandako diru-laguntzen publizitatea.

Diru-laguntzei buruzko azaroaren 9ko 11/2005 Foru Legearen 15. artikuluan xedatutakoarekin bat, Osasun Departamentuak jendaurrean jarriko ditu emandako diru-laguntzak, Nafarroako Gobernuaren http://www.navarra.es webgune ofizialean eta Diru-laguntzen Datu-base Nazionalean, adierazirik deialdia, aurrekontuko zein programari eta kredituri egotzi zaizkien, onuraduna, emandako zenbatekoa eta diru-laguntzaren xedea.

2. ERANSKINA

Gehieneko diru-laguntza moduluak

A.–Foru Komunitateko Administrazioan indarra dutenak dira diru-laguntza jaso dezaketen gehieneko ordainsariak, langileriaren, kilometrajearen eta irakaskuntzaren kontzeptuetan: http://www.navarra.es/NR/rdonlyres/1079D293-6FAC-4AFD-B3C1-359E38A54908/0/RETRIBUCIONES.pdf edo haien lan hitzarmenean indarra dutenak.

B.–”Paziente eta familiarren elkarteentzako diru-laguntzak” izeneko lerroan, hauexek dira gehieneko tarifa hurrengo jardueretarako:

–Psikologia ordua: 40 euro.

–Fisioterapia ordua: 25 euro.

–Logopedia ordua: 27 euro.

–Psikomotrizitate ordua: 25 euro.

–Terapia okupazionaleko ordua: 20 euro.

–Taldeko terapiaren ordua: 60 euro.

C.–Jardunaldiak, irakaskuntza, prestakuntza eta antzekoetan, hauexek izanen dira gehieneko tarifak:

–Hitzaldia, irakaskuntza tailerrean edo hezkuntza jarduera puntuala: gehienez 40 euro ordua, eta 12 ordu proiektu bakoitzeko, salbu eta zenbait eskualde edo 3 entitate baino gehiago hartzen dituzten proiektuak (behar bezala justifikatua), horietan maximoa 72 ordukoa izanen baita proiektu bakoitzeko. Pazienteen elkarteen lerroan, muga ekonomikoak izanen du indarra, ez denbora-mugak.

–Hitzaldia, jardunaldiak, mahai-inguruak, antzerkia, zineforuma: gehienez ere 150 euro saio bakoitzeko, 50 euro mahai-inguruan parte hartzeagatik eta 480 euro proiektu bakoitzeko, zenbait eskualde hartzen dituzten proiektuak salbu (behar bezala justifikatua).

–Boluntarioen, gizonezko eta emakumezko monitoreen prestakuntza eta eguneratzea: gehienez ere 480 euro proiektu bakoitzeko.

–Ariketa fisikoko taldeak: monitore bakoitzarentzat gehienez ere 100 euro hilabeteko, garraioa erabiltzaileentzat, gehienez ere 800 euro eskualdeko proiektuetan eta ariketa fisikoko 3 talde gehienez ere proiektu bakoitzeko.

–Jardueren zabalkunde gastuak; gehienez 200 euro proiektu bakoitzeko.

–Gastua jardueretarako paper-gauzetan; gehienez 150 euro proiektu bakoitzeko. Behar bezala justifikatutako eta zehaztutako beste material batzuk, gehienez ere 1.500 euro proiektu bakoitzeko.

D.–”Ijitoengan osasuna sustatzeko programetarako diru-laguntzak” izeneko lerroan, hauexek izanen dira gehieneko tarifak:

–Agente komunitarioak: 10 euro orduko.

–Programaren kudeaketa: Programarako kontratatzen den agente eta koordinatzaile kopuruaren araberakoa izanen da diru-laguntzaren zenbatekoa.

Eranskin honetan aurreikusitakoak baino tarifa handiagoak aurkezten badira, horien beharra justifikatu beharko da, eta dagokion kudeaketa-unitateak jarduerak egin baino lehen onartu beharko ditu. Bestela, eranskinean aurreikusitakoak ordainduko dira, edozein dela ere haien egiazko kostua.

3. ERANSKINA

Proiektuen balorazioa

a) Balorazio irizpideak

Irizpide hauek erabiliko dira balorazioan:

1.–Aurkezturiko programaren bat-etortzea eta/edo osagarritasuna Osasun Departamentuaren lehentasunezko arlo eta helburuekin: 25 puntu arte.

Honela banatuko da puntuazioa atal honetan:

1.1. Nafarroako edo Estatuko plan eta estrategiekin bat etortzea: 15 puntu arte.

1.2. Nafarroako Osasun Publikoaren eta Lan Osasunaren Institutuaren eta Osasun Departamentuaren lehentasunezko osasun helburuak: 5 puntu arte.

1.3. Berdintasunaren ikuspegia edo lehentasuna duten beste batzuk (desberdintasun sozioekonomikoak, euskara...) sartzea: 5 puntu arte.

2.–Aurkeztutako proiektuaren kalitatea: 40 puntu arte.

Honela banatuko da puntuazioa atal honetan:

2.1. Hasierako egoeraren deskripzioa eta helburuak: 13 puntu arte.

2.2. Populazioa eta espero den eragina: 13 puntu arte.

2.3. Metodologia eta ebaluazioa: 14 puntu arte.

3.–Programa aurrera eramateko entitatearen egokitasun maila: 35 puntu arte.

Honela banatuko da puntuazioa atal honetan:

3.1. Osagarritasuna eta integrazioa beste programa eta entitate batzuekin: 9 puntu arte.

3.2. Komunitatearen eta xede-populazioaren parte-hartzea sustatzea, esku hartzeko eremu anitzak eta autolaguntza: 9 puntu arte.

3.3. Entitate eskatzailearen finantzaketa lagundua: 5 puntu arte, “Ijitoengan osasuna sustatzeko programetarako diru-laguntzak” eta “Adikzioak prebenitzeko udal planetarako diru-laguntzak” izeneko lerroak salbu.

3.4. Gaitasun teknikoa proiekturako: 6 puntu arte.

3.5. Boluntarioen parte-hartzea: 3 puntu arte.

3.6. Lokal publikoak erabiltzea eta/edo baliabideak eta lokalak beste elkarte batzuekin partekatzea: 3 puntu arte, “Adikzioak prebenitzeko udal planetarako diru-laguntzak” izeneko lerroa salbu.

b) Baloraziorako azpi-irizpideak

Deialdi honen diru-laguntzaren lerro bakoitzean, lerro horretako diru-laguntzen xedearen berariazko ezaugarriei aplikatzen zaizkien azpi-irizpideen arabera aplikatuko dira irizpide orokorrak.

Hona zehaztuta azpi-irizpide horiek lerro bakoitzeko:

–“Paziente eta familiarren elkarteentzako diru-laguntzak”.

1.–Aurkezturiko programaren bat-etortzea eta/edo osagarritasuna Osasun Departamentuaren lehentasunezko arlo eta helburuekin: 25 puntu arte.

1.1. Nafarroako edo Estatuko plan eta estrategiekin bat etortzea: 15 puntu arte.

–Nafarroako 2014-2020ko Osasun Planaren lehentasunezko osasun estrategia batekin bat etortzea: 5 puntu.

–Nafarroako Osasun Departamentuaren beste estrategia edo programekin bat etortzea: Puntu bat estrategia bakoitzeko, eta gehienez ere 2 puntu.

–Nafarroako Gobernuko kontratazio eta diru-laguntza publikoko prozesuetan berdintasuna gehitzeko lerro estrategikoarekin bat etortzea: gehienez ere 5 puntu.

• Hizkuntza ez sexista: puntu bat.
• Abiapuntuko egoeraren azalpena: puntu bat.
• Neurriak emakumeak programan sartzen laguntzeko: puntu bat.
• Sexuaren araberako ebaluazioa: puntu bat.
• Neurri zuzentzaileak genero-arraila leuntzeko: puntu bat.

–Osasun Sistema Nazionalaren Kalitate Planeko osasun arloko estrategia batekin bat etortzea: puntu bat estrategia bakoitzeko, eta gehienez ere 2 puntu.

–Osasuneko, Gizarte Zerbitzuetako eta Berdintasuneko Ministerioaren beste estrategia batzuekin bat etortzea: puntu bat.

1.2. Nafarroako Osasun Publikoaren eta Lan Osasunaren Institutuaren eta Osasun Departamentuaren lehentasunezko osasun helburuak: 5 puntu arte.

–Desgaitasuna gutxitzea eta autonomia sustatzea: puntu bat.

–Norberak hautemandako osasuna eta osasunarekin ikusteko duen bizi-kalitatea hobetzea: puntu bat.

–Bizimodu osasungarriak sustatzea eta osasunerako arriskuak gutxitzea: puntu bat.

–Ahalduntzea eta norberaren zainketa sustatzea: puntu bat.

–Osasuneko emaitzetan desparekotasunak gutxitzea: puntu bat.

1.3. Berdintasunaren ikuspegia edo lehentasuna duten beste batzuk (generoa, euskara...) sartzea: 5 puntu arte.

–Desberdintasun sozio-ekonomikoak kontuan hartzea: 2 puntu.

–Jarduketak landa eremuetan: puntu bat.

–Jarduketak haurrekin, nerabeekin edo zaharrekin: puntu bat.

–Eskaintza euskaraz: puntu bat.

2.–Aurkeztutako proiektuaren kalitatea: 40 puntu arte.

2.1. Hasierako egoeraren deskripzioa eta helburuak: 13 puntu arte.

–Hasierako egoeraren deskripzioa: 5 puntu arte.

• Deskripzioaren argitasuna: puntu bat.
• Ukitutako jendearen kopurua: puntu bat.
• Pazientearen profilaren definizioa/ukipen maila: puntu bat.
• Beharren deskripzioa: 2 puntu.

–Helburuen argitasuna, zehaztasuna eta garrantzia: 8 puntu arte.

• Helburuen kalitatea: 4 puntu arte.
• Helburuen argitasuna: puntu bat.
• Helburuen garrantzia: puntu bat.
• Berariazko helburuen zehaztasuna: puntu bat.
• Neurtzeko moduko berariazko helburuak: puntu bat.
• Helburu mota: 4 puntu arte.
• Informazio helburuak: puntu bat.
• Prestakuntza helburuak: puntu bat.
• Helburu terapeutikoak: 2 puntu.

2.2. Populazioa eta espero den eragina: 13 puntu arte.

–Xede-populazioa: 4 puntu, gehienez ere.

• Gaixotasun kronikoak dituzten pertsonak: puntu bat.
• Gaixotasun larria duten pertsonak: puntu bat.
• Esku-hartze kolektiboa: puntu bat.
• Esku-hartzea familietan: puntu bat.

–Aurreikusitako eragina: 6 puntu, gehienez ere.

• Ezagutzaren transmisioa: puntu bat.
• Trebetasunak lortzeko eta jarrerak aldatzeko aukera ematea: puntu bat.
• Eginkizunak kontserbatu edo mantentzea: 2 puntu arte.
• Pazienteen bizi kalitatea hobetzea: 2 puntu arte.

–Eragimena (programaren kostua pertsona bakoitzeko): 3 puntu, gehienez ere.

• 0 eurotik 100 bitarte: 3 puntu.
• 101 eurotik 300 bitarte: 2 puntu.
• 301 eurotik 500 bitarte: puntu bat.
• 500 eurotik gora: 0 puntu.

2.3. Metodologia eta ebaluazioa: 14 puntu arte.

–Metodologia: 9 puntu, gehienez ere.

• Kalitatearen ebidentzia zientifikoa izatea: puntu bat.
• Langileen egokitasuna: 2 puntu arte.
• Inklusio irizpideak: 2 puntu arte.
• Deszentralizazioa osasun barrutietan: 2 puntu arte.
• Elkarlana beste erakunde batzuekin: 2 puntu arte.

–Ebaluazioaren kalitatea: 5 puntu, gehienez ere.

• Egokitasuna: puntu bat.
• Aldizkakotasuna: puntu bat.
• Adierazleak: puntu bat.
• Ebaluazio kuantitatiboa: puntu bat.
• Ebaluazio kualitatiboa: puntu bat.

3.–Programa aurrera eramateko entitatearen egokitasun maila: 35 puntu arte.

3.1. Osagarritasuna eta integrazioa beste programa eta entitate batzuekin: 9 puntu arte.

–Osagarritasuna elkartearen beste programa batzuekin: puntu bat.

–Osagarritasuna beste elkarte batzuen programekin: 3 puntu arte.

–Osagarritasuna osasun sistemako programekin: 3 puntu arte.

–Osagarritasuna beste programa publiko batzuekin: 2 puntu arte.

3.2. Komunitatearen eta xede-populazioaren parte-hartzea sustatzea, esku hartzeko eremu anitzak eta autolaguntza: 9 puntu arte.

–Komunitatearen parte-hartzea sustatzea: 3 puntu arte.

–Esku-hartzearen eremu anitzak: 3 puntu arte.

–Autolaguntza: 3 puntu arte.

3.3. Entitate eskatzailearen finantzaketa lagundua: 5 puntu arte.

–Eskatutako finantzaketaren portzentajea: 3 puntu, gehienez ere.

• <%20: 3 puntu.
• %20-40: 2 puntu.
• %40-60: puntu bat.
• >60%: 0 puntu.

–Finantzaketa publikoaren portzentajea: 2 puntu, gehienez ere.

• %0-35: 2 puntu.
• >%35-%70: puntu bat.
• >%70: 0 puntu.

3.4. Gaitasun teknikoa proiekturako: 6 puntu arte.

–Aurreko urteko proiektuaren justifikazioaren kalitatea: 4 puntu arte.

• Aurkezpena: puntu bat.
• Irakurgarritasuna: puntu bat.
• Zehaztasuna: puntu bat.
• Proiektura egokitzea: puntu bat.

–Azpiegitura egokia: puntu bat.

–Bere kaxa egiten du jarduera: puntu bat.

–Lehen aldiz aurkezten diren elkarteen kasuan, atal honetako lehen itema ez da aintzat hartuko, eta horren ordez ebaluazioaren kalitateari buruzko item hauek baloratuko dira:

• Egokitasuna: puntu bat gehiago.
• Adierazleen formulazioa: puntu bat gehiago.
• Ebaluazio kuantitatiboa: puntu bat gehiago.
• Ebaluazio kualitatiboa: puntu bat gehiago.

3.5. Boluntarioen parte-hartzea: 3 puntu arte.

–Boluntarioen parte-hartzea programan: 2 puntu arte.

–Boluntarioen lankidetza elkartean: puntu bat.

3.6. Lokal publikoen erabilera edo/eta baliabideak eta lokalak beste elkarte batzuekin partekatzea: 3 puntu arte.

–“Adikzioak prebenitzeko udal planetarako diru-laguntzak”.

1.–Aurkezturiko programaren bat-etortzea eta/edo osagarritasuna Osasun Departamentuaren lehentasunezko arlo eta helburuekin: 25 puntu arte.

1.1. Nafarroako edo Estatuko plan eta estrategiekin bat etortzea: 15 puntu arte.

–Bat etortzea Droga-mendekotasunaren aurkako Foru Planarekin: 8 puntu arte.

–Bat etortzea Drogei buruzko Plan Nazionaleko Drogen kontrako Ekintza Planarekin: 5 puntu arte.

–Bat etortzea Osasun Sistema Nazionaleko Osasunaren Sustapenerako eta Prebentziorako Estrategiarekin toki eremuan: 2 puntu arte.

1.2. Nafarroako Osasun Publikoaren eta Lan Osasunaren Institutuaren eta Osasun Departamentuaren lehentasunezko osasun helburuak: 5 puntu arte.

Osasun Plana (2014-2020). Osasun Publikoaren Plana (2016-2020):

–Haurren eta nerabeen osasuna sustatzea: 2 puntu arte.

–Guraso eskola: puntu bat arte.

–Gazteen osasuna sustatzea. Foru Plana: 2 puntu arte.

1.3. Berdintasunaren ikuspegia edo lehentasuna duten beste batzuk (generoa, euskara...) sartzea: 5 puntu arte.

–Arrisku faktoreen ikuspegia sartzea Droga eta Toxikomanien Europako Behatokiko adikzioei buruz (prebentzio selektiboaren eta adierazitakoaren estrategiak): 3 puntu arte.

–Generoaren ikuspegia sartzea: 2 puntu arte.

2.–Aurkeztutako proiektuaren kalitatea: 40 puntu arte.

2.1. Hasierako egoeraren deskripzioa eta helburuak: 13 puntu arte.

–Beharren hasierako analisia informazio kuantitatiboarekin eta kualitatiboarekin: 4 puntu arte.

–Baliabide komunitarioen hasierako analisia: 3 puntu arte.

–Helburu orokorren argitasuna eta garrantzia: 3 puntu arte.

–Berariazko helburuen zehaztasuna: 3 puntu arte.

2.2. Populazioa eta espero den eragina: 13 puntu arte.

–Erreferentziako populazioaren definizioa, kontuan izanda diruz lagundu beharreko proiektuak proiektu komunitarioak direla: 3 puntu arte.

–Xede-populazioa: 5 puntu arte.

–Parte-hartzaileengan duen eraginaren analisia: 5 puntu arte.

2.3. Metodologia eta ebaluazioa: 14 puntu arte.

–Helburuen, metodologiaren eta planteatzen diren jardueren arteko koherentzia: 7 puntu arte.

–Ebaluazioa adierazle kuantitatibo eta kualitatiboekin: 7 puntu arte.

3.–Programa aurrera eramateko entitatearen egokitasun maila: 35 puntu arte.

3.1. Osagarritasuna eta integrazioa beste programa eta entitate batzuekin: 9 puntu arte.

–Integrazioa toki entitate eskatzailearen beste ekimen batzuekin: 3 puntu arte.

–Integrazioa eskualdean garatzen diren beste programa batzuekin: 3 puntu arte.

–Jendearen hurbileko prebentzio egiturak garatzea (Droga-mendekotasunaren aurkako Foru Plana. Normalizazio estrategia): 3 puntu arte.

3.2. Komunitatearen eta xede-populazioaren parte-hartzea sustatzea, esku hartzeko eremu anitzak eta autolaguntza: 9 puntu arte.

–Prebentzio komunitarioaren estrategiak erabiltzea: 4 puntu arte.

–Sareko lana: 3 puntu arte.

–Bitartekaritza soziala erabiltzea: puntu bat.

–Berdinen arteko hezkuntza: puntu bat.

3.3. Entitate eskatzailearen finantzaketa lagundua: 8 puntu arte.

–Programarako eskatutako finantzaketaren portzentajea:

• <%20: 8 puntu.
• %20-39: 6 puntu.
• %40-59: 4 puntu.
• %60-80: 3 puntu.
• >%80: puntu bat.

3.4. Gaitasun teknikoa proiekturako: 6 puntu arte.

–Langile kualifikatuak izatea: 3 puntu arte.

–Erabilitako baliabideen egokitasuna aurkeztu den proiektuarekin: 3 puntu arte.

3.5. Boluntarioen parte-hartzea: 3 puntu arte.

–Aurkeztutako proiektuak boluntariorik badu guraso elkarteekin, bitartekariekin, haur eta gazteen aisian eta abar egindako esku-hartzeetan: 2 puntu arte.

–Entitate eskatzailean boluntarioak izatea: puntu bat.

–”Entitateentzako diru-laguntzak adikzio substantziadunak eta substantzia gabeak komunitatean prebenitzeko”.

1.–Aurkezturiko programaren bat-etortzea eta/edo osagarritasuna Osasun Departamentuaren lehentasunezko arlo eta helburuekin: 25 puntu arte.

1.1. Nafarroako edo Estatuko plan eta estrategiekin bat etortzea: 15 puntu arte.

Proposatutako programa eta jarduerak bat etortzea Droga-mendekotasunaren aurkako II. Foru Planeko, Haurrentzako eta Nerabeentzako Sustapenari, Laguntzari eta Babesari buruzko Foru Planeko eta horren garapen partzialerako erregelamenduko helburuekin.

–Bat etortzea, guztira: 15 puntu.

–Bat etortze partziala: 7 puntu.

–Bat etortzerik ez: 0 puntu.

1.2. Nafarroako Osasun Publikoaren eta Lan Osasunaren Institutuaren eta Osasun Departamentuaren lehentasunezko osasun helburuak: 5 puntu arte.

–Hauek dira baloratzen diren helburuak:

• Adingabeetan:
• Ez kontsumitzea.
• Kontsumoan hasteko adina atzeratzea.
• Kontsumoa uztea eta murriztea.
• Helduengan:
• Kontsumoa uztea.
• Kaltea eta arriskua murriztea.
• Berriz ez erortzeko prebentzioa.
• Autolaguntza.

–Hauxe da puntuazioa:

• Helburu bat aurkeztuz gero: 4 puntu.
• Helburu bat baino gehiago aurkeztuz gero: 5 puntu.
• Ez badu helbururik aurkezten: 0 puntu.

1.3. Berdintasunaren ikuspegia edo lehentasuna duten beste batzuk (generoa, euskara...) sartzea: 5 puntu arte.

–Baloratu beharrekoa:

• Egoera ekonomiko txarrak.
• Gutxiengo etnikoak.
• Immigrazioa.
• Sexua.
• Adina.

–Puntuazioa:

• Ikuspegi bat bakarra aurkeztuz gero: 4 puntu.
• Ikuspegi bat baino gehiago aurkeztuz gero: 5 puntu.
• Ez badu ikuspegirik aurkezten: 0 puntu.

2.–Aurkeztutako proiektuaren kalitatea: 40 puntu arte.

2.1. Hasierako egoeraren deskripzioa eta helburuak: 13 puntu arte.

–Programaren justifikazioa:

• Esku-hartzearen beharra: 5 puntu arte.
• Hasierako egoeraren tamaina: 2 puntu arte.

–Helburuen argitasuna:

• Xede-populazioa: 3 puntu arte.
• Lortu beharreko emaitza: 3 puntu arte.

2.2. Populazioa eta espero den eragina: 13 puntu arte.

–Herria:

• Kopurua: 5 puntu arte.
• Populazioan esku hartzeko zailtasuna: 5 puntu arte.

–Eragina:

• Familiako harremanak hobetzea: puntu bat.
• Baliabide komunitarioen erabilera hobetzea (aisia eta astialdia): puntu bat.
• Hezkuntza eremua hobetzea: puntu bat.

2.3. Metodologia eta ebaluazioa: 14 puntu arte.

–Metodologia:

• Detekzio eta esku-hartze goiztiarra: 5 puntu arte.
• Eremu eta agenteen esku-hartze integrala: 5 puntu arte.
• Beste baliabide batzuetara hedatzeko modukoa: puntu bat.

–Ebaluazioa:

• Jarraipenaren eta emaitzen adierazleak: 3 puntu arte.

3.–Programa aurrera eramateko entitatearen egokitasun maila: 35 puntu arte.

3.1. Osagarritasuna eta integrazioa beste programa eta entitate batzuekin: 9 puntu arte.

–Entitateak baliabide komunitariorik gabe garatzen duen programa: 4 puntu.

–Osagarritasuna baliabide komunitarioekin: 4 puntu arte.

–Osagarritasuna entitatearen beste programa batzuekin, eremu komunitarioan ez badago: puntu bat.

3.2. Komunitatearen eta xede-populazioaren parte-hartzea sustatzea, esku hartzeko eremu anitzak eta autolaguntza: 9 puntu arte.

–Integrazioa eremu komunitarioko jarduera normalizatuetan: 4 puntu arte.

–Beste baliabide batzuen parte-hartzea: 3 puntu arte.

–Xede-populazioaren parte-hartzea: puntu bat.

–Autolaguntza: puntu bat.

3.3. Entitate eskatzailearen finantzaketa lagundua: 5 puntu arte.

–Finantzaketa lagundurik gabe: 0 puntu.

–Entitateak bereak dituen langile eta baliabideen %5 arteko parte-hartzea: 3 puntu.

–Entitateak bereak dituen langile eta baliabideen %5-%20 arteko parte-hartzea: 4 puntu.

–Entitateak bereak dituen langile eta baliabideen %20tik gorako parte-hartzea: 5 puntu.

3.4. Gaitasun teknikoa proiekturako: 6 puntu arte.

–Behar duten jarduketen jarraitutasuna: puntu bat.

–Justifikatutako jarduketa puntualak: puntu bat.

–Entitatearen ibilbidea: 3 puntu arte.

–Entitateko langile kualifikatuak hala behar duten jardueretarako: puntu bat.

3.5. Boluntarioen parte-hartzea: 3 puntu arte.

3.6. Lokal publikoen erabilera edo/eta baliabideak eta lokalak beste elkarte batzuekin partekatzea: 3 puntu arte.

–“GIB-HIESaren infekzioari loturiko programa komunitarioetarako diru-laguntzak”.

1.–Aurkezturiko programaren bat-etortzea eta/edo osagarritasuna Osasun Departamentuaren lehentasunezko arlo eta helburuekin: 25 puntu arte.

1.1. Nafarroako edo Estatuko plan eta estrategiekin bat etortzea: 15 puntu arte.

–Lotura informazio eta komunikazio egokituko hobekuntzekin: puntu bat.

–Lotura diagnostiko goiztiarraren sustapenarekin: 3 puntu arte.

–Lotura tratamenduak eta irisgarritasuna hobetzeko laguntzarekin: 3 puntu arte.

–Lotura Nafarroako Osasun Departamentuaren berdintasun programan jasotako alderdiekin: 3 puntu arte.

–Lotura jarraipenarekin eta zainketekin: 3 puntu arte.

–Lotura eskubide hobekuntzekin: 2 puntu arte.

1.2. Nafarroako Osasun Publikoaren eta Lan Osasunaren Institutuaren eta Osasun Departamentuaren lehentasunezko osasun helburuak: 5 puntu arte.

–Infekzio arrisku handikoengana eta infekzioak jota daudenengana bideratzen diren ekintzak: 5 puntu arte.

• Infekzioak jota daudenengana bideratzen diren ekintzak: 2,5 puntu arte.
• Infekzio arrisku handikoengana bideratzen diren ekintzak: 2,5 puntu arte.

1.3. Berdintasunaren ikuspegia edo lehentasuna duten beste batzuk (generoa, euskara...) sartzea: 5 puntu arte.

–Berdintasunaren ikuspegia: puntu bat.

–Genero ikuspegia: puntu bat.

–Kulturartekotasuna: puntu bat.

–Euskara: puntu bat.

–Berdintasunaren, generoaren, kulturartekotasunaren eta euskararen ikuspegi integratuak: 5 puntu.

2.–Aurkeztutako proiektuaren kalitatea: 40 puntu arte.

2.1. Hasierako egoeraren deskripzioa eta helburuak: 13 puntu arte.

–Hasierako egoeraren deskripzio egokia eta premiaren justifikazioa: 2 puntu arte.

–Zehaztasuna helburu orokorrak formulatzen: 3 puntu arte.

–Deskripzioaren kalitatea: 2 puntu arte.

–Berariazko helburuen zehaztasuna: 3 puntu arte.

–Genero desberdintasunen definizioa: 3 puntu arte.

2.2. Populazioa eta espero den eragina: 13 puntu arte.

–Atzemateko eta motibatzeko estrategiak/jarduerak. Definizioa eta zehaztasuna: 3 puntu arte.

–Xede-populazioaren egokitasun kualitatiboa/kuantitatiboa: 5 puntu arte.

–Eragimena: pertsonaren eta jardueraren denboraren arteko haztapena: 5 puntu arte.

2.3. Metodologia eta ebaluazioa: 14 puntu arte.

–Jardueren deskripzioaren xehetasuna: 4 puntu arte.

–Jardueren kalitatea:

• Espezifikotasuna, originaltasuna, aldez aurreko eragimena: 5 puntu arte.
• Zehaztasuna aurreikusitako ebaluazioa definitzen eta egokitzen (zer/nola/nork/noiz): 5 puntu arte.

3.–Programa aurrera eramateko entitatearen egokitasun maila: 35 puntu arte.

3.1. Osagarritasuna eta integrazioa beste programa eta entitate batzuekin: 9 puntu arte.

–Estatuaren eremuko entitateek bultzatu edo lagundutako programak: 3 puntu arte.

–Eremu sozial bereko Nafarroako Foru Komunitateko entitateek bultzatu edo lagundutako programak: 3 puntu arte.

–Gaien eremu bereko Nafarroako Foru Komunitateko entitateek bultzatu edo lagundutako programak: 3 puntu arte.

3.2. Komunitatearen eta xede-populazioaren parte-hartzea sustatzea, esku hartzeko eremu anitzak eta autolaguntza: 9 puntu arte.

–Xede-populazioaren parte-hartze maila:

• Proiektuaren onuradun izatea: 2 puntu.
• Proiektua definitzen parte hartzea: 2 puntu.
• Proiektua garatzen parte hartzea: 2 puntu.
• Proiektua ebaluatzen parte hartzea: 2 puntu.
• Aurreko guztietan parte hartzea: 9 puntu.

3.3. Entitate eskatzailearen finantzaketa lagundua: 5 puntu arte.

–Nafarroako Gobernutik kanpoko ekarpena, > %10ekoa: 5 puntu.

–Nafarroako Gobernutik kanpoko ekarpena, %5-10 artekoa: 3 puntu.

–Nafarroako Gobernutik kanpoko ekarpena, < %5ekoa: puntu bat.

3.4. Gaitasun teknikoa proiekturako: 6 puntu arte.

–Aurreko urtean diruz lagundutako jarduerak edo/eta programak, aurreikuspena eta exekuzioa alderatuta:

• >%95: 6 puntu.
• %85 eta %95 artean: 3 puntu.
• <%85: puntu bat.

3.5. Boluntarioen parte-hartzea: 3 puntu arte.

–Boluntarioen zenbaterainoko parte-hartzea. 3 puntu arte.

3.6. Lokal publikoen erabilera edo/eta baliabideak eta lokalak beste elkarte batzuekin partekatzea: 3 puntu arte.

–Lokalen erabilera partekatua beste elkarte batzuekin jarduketak egiteko. 3 puntu arte.

–“Osasunaren sustapen eta prebentzio programa komunitarioetarako diru-laguntzak”.

1.–Programaren bat-etortzea eta/edo osagarritasuna: 25 puntu arte.

1.1. Nafarroako edo Estatuko plan eta estrategiekin bat etortzea: 15 puntu arte:

Hauexek dira kontuan izan beharreko plan eta estrategiak:

–Osasunbidea-Nafarroako Osasun Zerbitzuan osasuna eta prebentzioa sustatzeko estrategia, Osasuneko, Gizarte Zerbitzuetako eta Berdintasuneko Ministerioarena.

Nafarroako 2014-2020ko Osasun Plana, Nafarroako Gobernuko Osasun Departamentuarena.

Osasun Publikoaren 2016-2020ko Plana, Nafarroako Osasun Publikoaren eta Lan Osasunaren Institutuarena.

Osasun arloko gai hauetako batzuk landuz gero:

Proiektuak gai bakar bati heltzen badio, dagokion puntuazio guztia esleitzen zaio. Hainbat gairi heltzen badie lehentasun desberdinak emanez, batez besteko puntuazioa esleitzen zaio.

1.2. Osasun Departamentuaren eta Nafarroako Osasun Publikoaren eta Lan Osasunaren Institutuaren lehentasunezko osasun helburuak:

Haurtzaroaren eta/edo zahartzaroaren etapetan lan eginez gero: 5 puntu.

1.3. Berdintasunaren ikuspegia edo lehentasuna duten beste batzuk (populazio kaltebera, generoa, euskara...) sartzea: 5 puntu.

2.–Aurkeztutako proiektuaren kalitatea: 40 puntu arte.

2.1. Hasierako egoeraren deskripzioa eta helburuak: 13 puntu arte:

2.1.1. Egoeraren deskripzioa eta premiaren justifikazioa: Hasierako egoera eta heltzen diren osasun premiak behar adina deskribatu edo proiektuaren beharra justifikatuz gero, 7 puntu. Partzialki deskribatuz gero, 3 puntu. Ez bada deskribatzen, 0 puntu.

2.1.2. Helburuen formulazioa: Helburu orokor eta berariazko garrantzitsu, zehatz eta argiak formulatuz gero, 3 puntu. Helburu orokorrak formulatuz gero, puntu bat. Ez bada helbururik formulatzen: 0 puntu.

2.1.3. Kalitatea eta beharretara egokitzea: Helburuak beharretara egokituz gero, 3 puntu. Partzialki egokituz gero, puntu bat. Ez badira egokitzen, 0 puntu.

2.2. Populazioa eta espero den eragina: 13 puntu arte.

2.2.1. Atzeman eta motibatzeko estrategiak eta/edo jarduerak erabiliz gero, 3 puntu. Ez badira erabiltzen, 0 puntu.

2.2.2. Onuradunak 20 lagun edo gehiago badira, 5 puntu. Onuradunak 20 lagun baino gutxiago badira, 3 puntu.

2.2.3. 10 ordutik gorako iraupena badu, 5 puntu. 10 orduko iraupena edo gutxiagokoa badu, 3 puntu.

2.3. Metodologia eta ebaluazioa: 14 puntu arte.

2.3.1. Osasuna sustatzeko erabiltzen diren estrategiak (jendearenganako informazioa, taldeko osasunerako hezkuntza, esku-hartze komunitarioak, inguruneko neurriak): estrategia bat erabiliz gero, puntu bat; bi erabiliz gero, 2 puntu; bi estrategia baino gehiago erabiliz gero, 5 puntu.

2.3.2. Jarduerak deskribatuz gero (zer, nola, noiz, iraupena), 3 puntu. Partzialki deskribatuz gero, puntu bat.

2.3.3. Jarduerak helburuei, populazio onuradunari eta estrategiei egokituz gero, 3 puntu. Partzialki egokituz gero: puntu bat.

2.3.4. Ebaluazioan zer, nola, nork eta noiz eginen den azalduz gero, 3 puntu. Partzialki azalduz gero, puntu bat.

3.–Programa aurrera eramateko entitatearen egokitasun maila: 35 puntu arte.

3.1. Osagarritasuna eta integrazioa beste programa eta entitate batzuekin: 9 puntu arte.

3.1.1. Entitate eskatzaileaz gain, 2 entitate/zerbitzu/baliabide baino gehiagok parte hartuz gero, 5 puntu; 2 entitate/zerbitzu/baliabidek parte hartuz gero, 3 puntu; entitate/zerbitzu/baliabide batek parte hartuz gero, 2 puntu.

3.1.2. Parte-hartzea ziurtatuz gero, 4 puntu; parte-hartzea ziurtatzen ez bada, 0 puntu.

3.2. Komunitatearen eta xede-populazioaren parte-hartzea eta autolaguntza sustatzea: 9 puntu arte.

3.2.1. Xede-populazioak parte hartu badu proiektua diseinatzen, 5 puntu; proiektua diseinatzen parte hartu behar badu, 3 puntu.

3.2.2. Gizarte ekintzako entitatea bada, 4 puntu.

3.3. Entitate eskatzailearen finantzaketa lagundua: finantzaketa lagundua %50ekoa bada, 5 puntu; finantzaketa lagundua %50etik beherakoa bada, 2 puntu; ez bada finantzaketa lagundurik, 0 puntu.

3.4. Gaitasun teknikoa proiekturako: 6 puntu arte.

3.4.1. Entitatearen ibilbide historikoa, proiektuekin bat datorrena, 3 puntu.

3.4.2. Baliabideak proiektuari egokitzea, 3 puntu.

3.5. Boluntarioen parte-hartzea: zerbait egiten badute proiektuan, 3 puntu; baldin badaude, puntu bat.

3.6. Lokalak eta baliabide publikoak erabiltzen badira eta/edo beste elkarte batzuekin partekatzen badira, 3 puntu; ez badira erabiltzen eta/edo partekatzen, 0 puntu.

–“Ijitoengan osasuna sustatzeko programetarako diru-laguntzak”.

1.–Aurkezturiko programaren bat-etortzea eta/edo osagarritasuna Osasun Departamentuaren lehentasunezko arlo eta helburuekin: 25 puntu arte.

1.1. Nafarroako edo Estatuko plan eta estrategiekin bat etortzea: 15 puntu arte.

Hauexek dira kontuan izan beharreko plan eta estrategiak:

–Osasunbidea-Nafarroako Osasun Zerbitzuan osasuna eta prebentzioa sustatzeko estrategia, Osasuneko, Gizarte Zerbitzuetako eta Berdintasuneko Ministerioarena.

Nafarroako 2014-2020ko Osasun Plana, Nafarroako Gobernuko Osasun Departamentuarena.

Osasun Publikoaren 2016-2020ko Plana, Nafarroako Osasun Publikoaren eta Lan Osasunaren Institutuarena.

Proiektuak osasun arloko gai hauetako batzuk lantzen ote dituen baloratzen da:

Proiektuak gai bakar bati heltzen badio, dagokion puntuazio guztia esleitzen zaio.

Hainbat gairi heltzen badie lehentasun desberdinak emanez, batez besteko puntuazioa esleitzen zaio.

1.2. Nafarroako Osasun Publikoaren eta Lan Osasunaren Institutuaren eta Osasun Departamentuaren lehentasunezko osasun helburuak: 5 puntu arte.

–Haurtzaroaren eta/edo zahartzaroaren etapetan lan eginez gero: 5 puntu. 1.3. Berdintasunaren ikuspegia edo lehentasuna duten beste batzuk (generoa, euskara...) sartzea: 5 puntu arte.

–Generoaren ikuspegia kontuan hartzea: puntu bat.

–Desberdintasun sozio-ekonomikoak kontuan hartzea: puntu bat.

–Jarduketak herritar baztertuekin: puntu bat.

–Jarduketak haurrekin eta nerabeekin: puntu bat.

–Jarduketak zaharrekin: puntu bat.

2.–Aurkeztutako proiektuaren kalitatea: 40 puntu arte.

2.1. Hasierako egoeraren deskripzioa eta helburuak: 13 puntu arte.

2.1.1. Egoeraren deskripzioa eta premiaren justifikazioa: Hasierako egoera eta heltzen diren osasun premiak behar adina deskribatu edo proiektuaren beharra justifikatuz gero, 7 puntu. Partzialki deskribatuz gero, 3 puntu. Ez bada deskribatzen, 0 puntu.

2.1.2. Helburuen formulazioa: Helburu orokor eta berariazko garrantzitsu, zehatz eta argiak formulatuz gero, 3 puntu. Helburu orokorrak formulatuz gero, puntu bat. Ez bada helbururik formulatzen: 0 puntu.

2.1.3. Kalitatea eta beharretara egokitzea: Helburuak beharretara egokituz gero, 3 puntu. Partzialki egokituz gero, puntu bat. Ez badira egokitzen, 0 puntu.

2.2. Populazioa eta espero den eragina: 13 puntu arte.

2.2.1. Atzeman eta motibatzeko estrategiak eta/edo jarduerak erabiliz gero, 3 puntu. Ez badira erabiltzen, 0 puntu.

2.2.2. Onuradunak 20 lagun edo gehiago badira, 5 puntu. Onuradunak 20 lagun baino gutxiago badira, 3 puntu.

2.2.3. 10 ordutik gorako iraupena badu, 5 puntu. 10 orduko iraupena edo gutxiagokoa badu, 3 puntu.

2.3. Metodologia eta ebaluazioa: 14 puntu arte.

2.3.1. Osasuna sustatzeko erabiltzen diren estrategiak (jendearenganako informazioa, taldeko osasunerako hezkuntza, esku-hartze komunitarioak, inguruneko neurriak): estrategia bat erabiliz gero, puntu bat; bi erabiliz gero, 2 puntu; bi estrategia baino gehiago erabiliz gero, 5 puntu.

2.3.2. Jarduerak deskribatuz gero (zer, nola, noiz, iraupena), 3 puntu. Partzialki deskribatuz gero, puntu bat.

2.3.3. Jarduerak helburuei, populazio onuradunari eta estrategiei egokituz gero, 3 puntu. Partzialki egokituz gero, puntu bat.

2.3.4. Ebaluazioan zer, nola, nork eta noiz eginen den azalduz gero, 3 puntu. Partzialki azalduz gero, puntu bat.

3.–Programa aurrera eramateko entitatearen egokitasun maila: 35 puntu arte.

3.1. Osagarritasuna eta integrazioa beste programa eta entitate batzuekin: 9 puntu arte.

3.1.1. Entitate eskatzaileaz gain, 2 entitate/zerbitzu/baliabide baino gehiagok parte hartuz gero, 5 puntu; 2 entitate/zerbitzu/baliabidek parte hartuz gero, 3 puntu; entitate/zerbitzu/baliabide batek parte hartuz gero, 2 puntu.

3.1.2. Parte-hartzea ziurtatuz gero, 4 puntu; parte-hartzea ziurtatzen ez bada, 0 puntu.

3.2. Komunitatearen eta xede-populazioaren parte-hartzea eta autolaguntza sustatzea: 9 puntu arte.

3.2.1. Xede-populazioak parte hartu badu proiektua diseinatzen,
5 puntu; proiektua diseinatzen parte hartu behar badu, 3 puntu.

3.2.2. Gizarte ekintzako entitatea bada, 4 puntu.

3.3. Entitate eskatzailearen finantzaketa lagundua: 5 puntu arte.

–Lerro honetan, finantzaketa lagundua baloratu beharrean, entitatearen lankidetza eta ardurakidetza baloratzen dira (entitatearen beste programa batzuen elkarlana osasun programarekin):

–Lankidetza programa batean: puntu bat.

–Lankidetza 2 programatan: 2 puntu.

–Lankidetza 2 programatan baino gehiagotan: 5 puntu.

3.4. Gaitasun teknikoa proiekturako: 6 puntu arte.

3.4.1. Entitatearen ibilbide historikoa, proiektuekin bat datorrena, 3 puntu arte.

3.4.2. Baliabideak proiektura egokitzea, 3 puntu arte.

3.5. Boluntarioen parte-hartzea: 3 puntu arte.

–Proiektuan zerbait egiten badute, 3 puntu.

–Boluntariorik bada, puntu bat.

3.6. Lokal publikoen erabilera edo/eta baliabideak eta lokalak beste elkarte batzuekin partekatzea: 3 puntu arte.

–Lokalak eta baliabide publikoak erabiltzen badira eta/edo beste elkarte batzuekin partekatzen badira, 3 puntu.

–Ez badira erabiltzen eta/edo partekatzen, 0 puntu.

–“Sustapen eta heziketa afektibo-sexual komunitariorako diru-laguntzak”.

1.–Aurkezturiko programaren bat-etortzea eta/edo osagarritasuna Osasun Departamentuaren lehentasunezko arlo eta helburuekin: 25 puntu arte.

1.1. Nafarroako edo Estatuko plan eta estrategiekin bat etortzea: 15 puntu arte.

Proiektuetan proposatzen diren jarduerak honako hauekin bat etortzen badira:

–Sexu- eta ugalketa-osasunaren foru dekretua.

–Osasun Publikoaren 2016-2020ko Plana, Nafarroako Osasun Publikoaren eta Lan Osasunaren Institutuarena.

–Sexu- eta ugalketa-osasunaren 2011ko estrategia, Osasuneko, Gizarte Politiken eta Berdintasuneko Ministerioarena.

Edukietan 4 gai edo gehiago lantzen badira: 15 puntu. 2-3 gai sartzen badira: 10 puntu. Gai bati bakarrik heltzen badiote: 5 puntu.

1.2. Nafarroako Osasun Publikoaren eta Lan Osasunaren Institutuaren eta Osasun Departamentuaren lehentasunezko osasun helburuak: 5 puntu arte.

–Xede-populazioa nerabeak eta gazteak badira: 5 puntu.

–103/2016 Foru Dekretuak lehenetsitako beste populazio batzuk badira: 2 puntu.

–Lehenetsiak ez badaude: 0 puntu.

1.3. Berdintasunaren ikuspegia edo lehentasuna duten beste batzuk (generoa, euskara...) sartzea: 5 puntu arte.

–Egoera sozioekonomikoagatik kaltebera den populazioa edo genero ikuspegia edo eremu mistoan nahiz euskaldunean euskarazko lana integratzen duten jarduketak kontuan hartzen badira: 5 puntu.

–Desberdintasunaren beste gune batzuk arintzen dituzten ekintzak kontuan hartzen badira: 2 puntu.

–Berdintasunaren ikuspegia kontuan hartzen ez bada: 0 puntu.

2.–Aurkeztutako proiektuaren kalitatea: 40 puntu arte.

2.1. Hasierako egoeraren deskripzioa eta helburuak: 13 puntu arte.

–Egoeraren deskripzioa eta premiaren justifikazioa: Hasierako egoera eta heltzen diren osasun premiak behar adina deskribatu edo proiektuaren beharra justifikatuz gero, 7 puntu. Partzialki deskribatuz gero, 3 puntu. Ez bada deskribatzen, 0 puntu.

–Helburuen formulazioa: Helburu orokor eta berariazko garrantzitsu, zehatz eta argiak formulatuz gero, 3 puntu. Helburu orokorrak formulatuz gero, puntu bat. Ez bada helbururik formulatzen: 0 puntu.

–Kalitatea eta beharretara egokitzea: Helburuak beharretara egokituz gero, 3 puntu. Partzialki egokituz gero, puntu bat. Ez badira egokitzen, 0 puntu.

2.2. Populazioa eta espero den eragina: 13 puntu arte.

–Atzeman eta motibatzeko estrategiak eta/edo jarduerak erabiliz gero, 3 puntu. Ez badira erabiltzen, 0 puntu.

–Onuradunak 20 lagun edo gehiago badira, 5 puntu. Onuradunak 20 lagun baino gutxiago badira, 3 puntu.

–10 ordutik gorako iraupena badu, 5 puntu. 10 orduko iraupena edo gutxiagokoa badu, 3 puntu.

2.3. Metodologia eta ebaluazioa: 14 puntu arte.

–Osasuna sustatzeko erabiltzen diren estrategiak (jendearenganako informazioa, taldeko osasunerako hezkuntza, esku-hartze komunitarioak, inguruneko neurriak): estrategia bat erabiliz gero, puntu bat; bi erabiliz gero, 2 puntu; bi estrategia baino gehiago erabiliz gero, 5 puntu.

–Jarduerak deskribatuz gero (zer, nola, noiz, iraupena), 3 puntu. Partzialki deskribatuz gero, puntu bat.

–Jarduerak helburuei, populazio onuradunari eta estrategiei egokituz gero, 3 puntu. Partzialki egokituz gero, puntu bat.

–Ebaluazioan zer, nola, nork eta noiz eginen den azalduz gero, 3 puntu. Partzialki azalduz gero, puntu bat.

3.–Programa aurrera eramateko entitatearen egokitasun maila: 35 puntu arte.

3.1. Osagarritasuna eta integrazioa beste programa eta entitate batzuekin: 9 puntu arte.

–Entitate eskatzaileaz gain:

• 2 entitate/zerbitzu/baliabidek baino gehiagok parte hartuz gero: 5 puntu.
• 2 entitate/zerbitzu/baliabidek: 3 puntu.
• Entitate/zerbitzu/baliabide batek: 2 puntu.

–Parte-hartzea ziurtatuz gero, 4 puntu; parte-hartzea ziurtatzen ez bada, 0 puntu.

3.2. Komunitatearen eta xede-populazioaren parte-hartzea eta autolaguntza sustatzea: 9 puntu arte.

–Xede-populazioak parte hartu badu proiektua diseinatzen, 5 puntu; proiektua diseinatzen parte hartu behar badu, 3 puntu.

–Gizarte ekintzako entitatea bada, 4 puntu.

3.3. Entitate eskatzailearen finantzaketa lagundua: 5 puntu arte.

–%10ak baino gehiagok finantzaketa lagundua badu: 5 puntu.

–%10etik beherako finantzaketa lagundua bada: 2 puntu.

–Ez bada finantzaketa lagundurik: 0 puntu.

3.4. Gaitasun teknikoa proiekturako: 6 puntu arte.

–Entitatearen ibilbide historikoa, proiektuekin bat datorrena, 3 puntu arte.

–Baliabideak proiektura egokitzea: 3 puntu arte.

3.5. Boluntarioen parte-hartzea: 3 puntu arte.

–Proiektuan zertan hartzen duten parte azalduz gero: 3 puntu.

–Baldin badaude baina ez bada azaltzen zertan hartzen duten parte: puntu bat.

3.6. Lokal publikoen erabilera edo/eta baliabideak eta lokalak beste elkarte batzuekin partekatzea: 3 puntu arte.

–Lokalak eta baliabide publikoak erabiltzen badira eta/edo beste elkarte batzuekin partekatzen badira, 3 puntu. 3 puntu.

–Ez badira erabiltzen eta/edo partekatzen: 0 puntu.

c) Balorazio irizpideak aplikatzeko prozesua

Proiektu bat diru-laguntza jasotzeko modukotzat jotzeko, 30 puntu lortu beharko dira gutxienez. Horietarik 15 gutxienez 2. atalean lortu beharko dira (proiektuaren kalitatea).

Proiektuak ebaluatu ondoren, aurrekontu lerroen arabera ordenatuko dira, lortutako puntuazioari jarraikiz.

Diru-laguntzaren zenbatekoa zehaztuko da programaren kostuari portzentaje bat, lorturiko puntuen adinakoa, aplikatuta, betiere gutxienekoa gainditzen bada, eta aurrekontuan dagoen diru-izendapenaren arabera. Kreditu erabilgarria gaindituz gero, baremoa aplikatzetik ateratzen diren kopuruen arabera hainbanatuko dira diru-laguntzak.

Hainbanatuz gero, edo proposatzen den diru-laguntza eskatutakoa baino txikiagoa bada, proiektua berriz formulatzeko aukera emanen zaie entitate eskatzaileei; alegia, kalkulatutako diru-laguntzaren aurreikuspenari egokitzeko.

Birformulatzeko, hamar egun naturaleko epea emanen zaie entitateei berriz formulatutako proiektuak aurkez ditzaten.

Ulertuko da emandako balorazioa ez dela aldatu beharrik aurkezten den proiektuak xedea, ezaugarriak eta, gutxienez ere, finantzaketa lagunduaren portzentaje bera mantentzen baditu.

“Paziente eta familiarren elkarteentzako diru-laguntzak” izeneko partidari dagozkion diru-laguntzetan, elkarte bakoitzak partidaren %10 jaso dezake, gehienez ere.

“Paziente eta familiarren elkarteentzako diru-laguntzak” izeneko partidan, berez osasun arlokoak ez diren programetarako diru kopurua ez da partidaren %3 baino handiagoa izanen.

Iragarkiaren kodea: F1801179