250. ALDIZKARIA - 2018ko abenduaren 31

1. NAFARROAKO FORU KOMUNITATEA

1.7. BESTELAKOAK

ERABAKIA, Nafarroako Gobernuak 2018ko abenduaren 26an hartua, Nafarroako Autobideko oinarrizko tarifak, oinarrizko bidesariak eta berariazko deskontuak dituzten bidesariak onesten dituena 2019ko urtarrilaren 1etik abenduaren 31ra bitarterako, bi egun horiek barne.

Nafarroako Gobernuaren 1997ko abenduaren 15eko, 2007ko ekainaren 18ko eta 2015eko abenduaren 23ko erabakietan ezarritako prozedurari jarraikiz, Nafarroako AP-15 autobidearen enpresa kontzesiodunak 2018ko abenduaren 10eko eskabidearen bitartez eskatu du onetsi daitezela tarifak berrikusteko koefiziente berria eta 2019ko tarifa eguneratuen taula.

Aipatu erabakietan ezarritakoaren arabera, Nafarroako Gobernuak “Autopistas de Navarra SA” sozietate kontzesiodunean daukan ordezkariak aldeko txostena emanik, honako hauek onestea proposatzen da:

a) Nafarroako Autobidearen oinarrizko tarifak eta oinarrizko bidesariak berrikustea, 2018ko urtarrilaren 1etik abenduaren 31ra arte indarrean dauden tarifei +%2,185eko eguneratze koefizientea aplikatuz, hain zuzen, 2017ko azaroaren 1etik 2018ko urriaren 31ra arteko KPI nazionalaren (%2,3) %95. Oinarrizko tarifak euroko sei dezimalekin adierazi dira, euroa ezartzeko aplikatu beharreko araudian ezarritakoari jarraikiz, horiek zehazkiago kalkulatzeko zortzi dezimal erabiltzen badira ere. Oinarrizko bidesariak kalkulatzean, emaitzak euroko bost zentimotara biribildu dira, zentimoen zenbatekoa zeroan edo bostean buka dadin beti.

b) Berariazko deskontuak aplikatzetik ateratzen diren bidesariak eguneratzea. Berariazko deskontuak dituzten bidesariei, 2018rako onetsitakoei, BEZa kanpo, honako igoera hau aplikatu zaie: urriaren 31n pilatutako KPIa +%2,3. Erabiltzaileei jasanarazi beharreko BEZari dagokionez, Nafarroako Gobernuak 2015eko abenduaren 23an hartutako Erabakiaren 3. apartatuaren arabera (haren bidez onetsi ziren Nafarroako Autobideko oinarrizko tarifak, oinarrizko bidesariak eta berariazko deskontuak dituzten bidesariak 2016ko urtarrilaren 1etik abenduaren 31ra bitarterako), diru-laguntza portzentaje hauek ezartzen dira 2019. urtean bidesarietan aintzat hartu beharreko berariazko deskontuen prezioari loturik.

Bestalde, Audenasak, Espainiako ordainpeko autobideen gainerako sozietate kontzesiodunek bezala, AP-15 autobidean oso tarifa garestiak aplikatzen dizkie garraio bereziei; horren ondorioz, garraio horiek oso gutxitan erabiltzen dute autobidea. Tarifa horiek ez daude formalki arautuak. Nafarroako Gobernuak, ikusirik garraio berezia asko areagotzea espero dela, beharrezko jotzen du tarifa horiek arautzea Nafarroako autobidearen lehenengo fasea eraiki, kontserbatu eta ustiatzeko kontratuaren eremuan, ahalik eta bide-segurtasunik handiena izaten laguntzeko. Hala ere, estatu mailan sortutako arazo bat denez, tarifa berri hauek berrikus daitezke behin eremu hori arautu eta gero.

Adierazitakoarekin bat, Nafarroako Gobernuak, Ogasuneko eta Finantza Politikako kontseilariak proposaturik,

ERABAKI DU:

1. Tarifa berria ezartzea garraio bereziko ibilgailuentzat, honako formularen eta baldintzen arabera:

1.1. Aldatzen da Nafarroako Gobernuak 2002ko martxoaren 25ean hartutako Erabakia, zeinaren bidez aldatu ziren tarifa-taldeak edo ibilgailuen kategoriak AP-15 autobideko tarifak onesteko, eta beste kategoria bat sartzen da:

KATEGORIA

MOTA

DEFINIZIOAK

Garraio bereziak

IV

Masa, neurriak eta zolaren gaineko presioa honako hauetan ezarritakoa baino handiagoa duten ibilgailuak: IX. eranskinean zehazten diren xedapenetan eta Ibilgailuei buruzko Erregelamendu Orokorra onesten duen abenduaren 23ko 2822/1998 Errege Dekretuaren I. eranskinean jasotako araudian eta haren eguneraketetan zehazten direnetan.

1.2. Ibilgailu bakoitzari dagokion bidesaria kalkulatzeko, jarraian adierazten den formula aplikatuko da, honako muga hauetatik gora emandako neurriaren arabera:

–L > 20 m.

–H > 4 m.

–W > 3 m.

–M > 60 T.

Oinarrizko bidesaria = TP2+ (TE2-L + TE2-H + TE2-W + TE2-M + TE2-V)

Izanik TP2= ibilgailu astunen oinarrizko tarifa 2

TE2-L= R x [ CLx (L-20m)].

TE2-H= R x [ CHx (H-4m)].

TE2-W= R x [ Cw x (W-3m)].

TE2-M= R x [ CMx (M-60T)].

TE2-V= TL x [ 20 / V x (72 km/h-V)].

R = ibilbidearen luzera kilometrotan.

L = ibilgailuaren luzera metrotan.

H = ibilgailuaren garaiera metrotan.

W = ibilgailuaren zabalera metrotan.

M = ibilgailuaren pisua tonatan.

V = ibilgailuaren abiadura km/h-tan.

TL = ibilgailu arinen oinarrizko tarifa.

2. 2019ko urtarrilaren 1etik abenduaren 31ra arte, biak barne, honako oinarrizko tarifa hauek aplikatuko ditu kontzesiodunak Nafarroako AP-15 autobideko tarteetan, ibilgailuen kategoriaren eta egindako tartearen arabera:

TARTEA

TARIFAK (euro/kilometro)

Arinak

Astunak 1

Astunak 2

Hegoaldea (Tutera-Iruña)

0,091250

0,129876

0,177104

Iparraldea (Iruña-Irurtzun)

0,100458

0,129876

0,177104

3. Aipatu aldirako bidesarien oinarrizko prezioak kategoria eta ordainlekuen arabera kalkulatzeko, kasuan kasuko tarifa egindako tartearen luzerarekin biderkatu behar da, eta gero, BEZa gehitu. Emaitza euroko bost zentimotara biribilduko da. Hona hemen, bada, oinarrizko prezioak:

KATEGORIA

MARTZILLA NAGUSIA

MARTZILLA LOTUNEA

TEBAS

SARATSA

Arinak

5,70

2,85

3,75

2,20

Astunak 1

8,10

4,05

5,35

2,85

Astunak 2

11,00

5,50

7,30

3,90

(Zenbatekoa eurotan, BEZa barne).

Garraio bereziko ibilgailuei dagokien oinarrizko tarifa honakoa izanen da: ibilgailu bakoitzari Erabaki honen 1.2 apartatuan ezarritako formula aplikatzearen emaitza, adierazitako parametroen eta 2019rako koefiziente hauen arabera:

CL

0,10

CH

0,63

CW

1,01

CM

0,10

4. Nafarroako Gobernuaren 1997ko abenduaren 15eko, 2000ko otsailaren 28ko, 2001eko martxoaren 19ko, 2007ko ekainaren 18ko eta 2015eko abenduaren 23ko erabakietan ezarritakoa aplikatuz, aldi horretarako eguneratu egiten dira, baita ere, ezarritako deskontu berariazkoak aplikatzetik ateratzen diren bidesariak.

Kontuan izanik zer aurreikuspen bidali dituen AUDENASAk 2018. urtean Nafarroako Gobernuak egin beharreko ekarpenerako eta kasuan-kasuan aplikatzen diren deskontuetarako, diru-laguntza zenbateko hauek ateratzen dira berariazko deskontuen prezioari loturik:

–Berariazko deskontuak ibilgailu arinentzat (72 ordu baino lehenagoko itzulera kontuan hartu gabe): %27,47.

–Berariazko deskontuak ibilgailu astunentzat (1 eta 2): %63,73.

Horrenbestez, bidesariak honako hauek izanen dira, kategoria, mota eta ordainlekuen arabera (BEZa barne):

4.1. Ibilgailu arinak:

ORDAINLEKUA

BERARIAZKO DESKONTUA DUTEN BIDESARIAK (BEZa gabe)

JASANARAZITAKO BEZa

BERARIAZKO DESKONTUA DUTEN BIDESARIAK (BEZa barne)

ZERGA-
OINARRIA

Martzilla-Nagusia

2,71

0,68

3,39

3,26

Martzilla-Lotunea

1,39

0,35

1,74

1,66

Tebas

1,82

0,46

2,28

2,17

Saratsa

1,09

0,27

1,36

1,29

Bidesaria AP-15 txartelarekin ordaintzen duten ibilgailu arinen erabiltzaileei aplikatuko zaizkie berariazko deskontuak, edo deskontuei loturiko antzeko gailu batekin ordaintzen dutenei (Teleordainketari buruzko 2008ko martxoaren 14ko hitzarmena).

Itzulerako bidaia 72 ordu baino lehen egiten badute, itzulerako bidaia hori doan izanen da:

ORDAINLEKUA

BIDAIA BAKOITZEKO BIDESARI BALIOKIDEA
(itzulera doan-BEZa barne)

Martzilla-Nagusia

1,695

Martzilla-Lotunea

0,870

Tebas

1,140

Saratsa

0,680

Ibilgailu arinen gainerako erabiltzaileei indarra duten oinarrizko tarifak eta bidesariak aplikatuko zaizkie.

4.2. Ibilgailu astunak 1:

ORDAINLEKUA

BERARIAZKO DESKONTUA
DUTEN BIDESARIAK (BEZa gabe)

JASANARAZITAKO BEZa

BERARIAZKO DESKONTUA DUTEN BIDESARIAK (BEZa barne)

ZERGA-
OINARRIA

Martzilla-Nagusia

2,56

1,09

3,65

5,18

Martzilla-Lotunea

1,40

0,55

1,95

2,62

Tebas

0,99

0,66

1,65

3,14

Saratsa

0,96

0,39

1,35

1,84

Ibilgailua astunak 2:

ORDAINLEKUA

BERARIAZKO DESKONTUA DUTEN BIDESARIAK
(BEZa gabe)

JASANARAZITAKO BEZa

BERARIAZKO DESKONTUA DUTEN BIDESARIAK (BEZa barne)

ZERGA-
OINARRIA

Martzilla-Nagusia

2,59

1,41

4,00

6,71

Martzilla-Lotunea

1,40

0,70

2,10

3,33

Tebas

1,02

0,88

1,90

4,19

Saratsa

1,04

0,51

1,55

2,43

1 taldeko ibilgailu astunei (II. mota) eta 2 taldeko ibilgailu astunei (III. mota) berariazko deskontuak egin ondoko bidesariak aplikatuko zaizkie (aurreko taulan adierazi direnak), zein den ere ordaintzeko erabiltzen den modua.

5. Erabaki honek 2019ko urtarrilaren 1etik aurrera izanen ditu ondorioak, egun hori barne.

6. Erabaki hau Herri Lan Zuzendaritza Nagusira, Nafarroako Gobernuak kontzesiodunean duen Ordezkaritzara eta Ogasuneko eta Finantza Politikako Departamentuko Idazkaritza Nagusira igortzea, eta Autopistas de Navarra SAri jakinaraztea.

7. Erabaki hau Nafarroako Aldizkari Ofizialean argitaratzea 2019ko urtarrilaren 1a baino lehen, orok jakin dezan.

Iruñean, 2018ko abenduaren 26an.–Nafarroako Gobernuko kontseilari idazkaria, María José Beaumont Aristu.

Iragarkiaren kodea: F1815993