Iragarkia

249. ALDIZKARIA - 2018ko abenduaren 28a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

IRUÑERRIKO MANKOMUNITATEA

Aldaketa, hiri hondakinen kudeaketa zerbitzuak emateagatiko tributu izaera ez duten ondare-prestazio publikoak arautzeko ordenantzan, 2019. Behin betiko onespena

Iruñerriko Mankomunitateko Batzar Nagusiak, 2018ko urriaren 18an egindako bilkuran, hitzartu zuen hasiera batean onestea hiri hondakinen kudeaketa zerbitzuak emateagatiko tributu izaera ez duten ondare-prestazio publikoak arautzeko ordenantza aldatzea (2019).

Onespenaren erabakia 2018ko 208. Nafarroako Aldizkari Ofizialean argitaratu zen, urriaren 26an, eta jendaurreko epean inork ez du alegaziorik aurkeztu. Hortaz, Nafarroako Toki Administrazioari buruzko 6/1990 Foru Legearen 325. artikuluan xedatutakoari jarraituta, behin betiko onetsita gelditu da ordenantza eta testu osoa argitara ematea agindu da, egokiak diren ondorioak izan ditzan.

Iruñean, 2018ko abenduaren 14an.–Mankomunitateko burua, Aritz Ayesa Blanco.

HIRI HONDAKINEN KUDEAKETA ZERBITZUAK EMATEAGATIKO TRIBUTU IZAERA EZ DUTEN ONDARE-PRESTAZIO PUBLIKOAK ARAUTZEKO ORDENANTZA (2019)

Xedea, aplikazio eremua eta izaera

1. artikulua. Ordenantza honek hondakinen kudeaketa zerbitzuak emateagatiko tarifak arautzen ditu, eta Iruñerriko Mankomunitatean integraturik dauden Udalen lurralde barrutietan aplikagarria izanen da, baldin eta zerbitzua egiazki burutzen bada.

Estatutuen 9. artikuluaren arabera, Mankomunitateak bere zerbitzuak udal eremuaren zati batean -Kontzeju batean edo zenbaitetan- ematen ditueneko kasuetan, honako Ordenantza zerbitzu-prestazioa egiten deneko Kontzejuen eremuetan soilik izanen da aplikagarria.

Zerbitzu horiek Iruñerriko Zerbitzuak, S.A. (SCPSA) sozietateak eman eta kudeatzen ditu, Iruñerriko Mankomunitatearen eta Iruñerriko Zerbitzuak, S.A. sozietatearen arteko harremanen erregelamenduan ezarrita dagoenaren arabera.

2. artikulua. Hiri hondakinen kudeaketa zerbitzuak emateagatiko tarifak tributu izaera ez duten ondare-prestazio publikoak dira.

Emandako zerbitzuak

3. artikulua. Ematen diren zerbitzuak, Ordenantza honetan arautzen diren zerbitzu eta jardueren erabilpena egin edo egin ahal izatearen kariaz zehazten dira. Direlako zerbitzu eta jarduerak, dagozkien tributu izaera ez duten ondare-prestazio publikoak sorrarazten dituztenak, ondoan zerrendatzen diren hauek dira, hori guztia Iruñerriko Mankomunitatean hondakinak kudeatzea arautzen duen Ordenantzarekin bat eginez:

1. Etxeko hondakin solidoen nahitaezko harrera, bilketa, garraioa eta ondoko balioztapen edo hustuketa zerbitzuen eskuragarritasuna edota erabilpena, Hiri Hondakinei buruzko Legearen eta Iruñerriko Mankomunitatearen HHS-en Kudeaketa Arautzeko Ordenantzaren kariaz sortzen direnak.

2. Ondoko zerbitzuen prestazioa:

a) EH-en balioztapen eta ezabapen instalazioetan hondakinen harrera.

b) Etxeko animalia hilak jasotzea, garraiatzea eta deuseztatzea.

c) Ekitaldietarako edukiontziak eta ontziak kokatu, kendu eta deskargatzea.

d) Ekitaldietan erabilitako edukiontziak eta barandak kendu eta berriz jartzea.

Ordaintzera behartuak

4. artikulua. 1. 3. artikuluaren 1. atalean definitutako zerbitzuei dagozkien tributu izaera ez duten ondare-prestazio publikoak ordaintzera beharturik daude pertsona fisiko zein juridikoak, hala nola egoneko herentziak, ondasun elkargoak eta beste entitateak, izaera juridikoa izan gaberik ere, baldin eta, zerga ezar dakiekeen unitate ekonomiko edo ondare berezitua osatzen badute, edozein tituluren kariaz etxebizitza, lokal, establezimendu edo zentrorik erabiltzen badute, eta haien onura edo mesederako zerbitzua modu orokor eta beharrezkoan ematen edo prestatzen bada. Onuraduna ezaguna ez den kasuetan, direlako higiezinen jabeak izanen dira ordaintzera behartuak, haiek kuotak dagokien onuradunengana berrezarri ahal dituztelarik.

2. 3.2 artikuluan ezarritako prestazioak direlakoetan, ordaintzera behartuak izanen dira honakoak:

3.2.a) artikuluaren arabera emaniko zerbitzuak. Hondakinak Tratamendu Zentroan jasotzea eskatzen duten pertsona fisiko edo juridikoak.

3.2.b) artikuluaren arabera emaniko zerbitzuak. Zerbitzua ematea eskatzen dutenak. Ez dira zerbitzu honen ordaintzera beharturik egonen Mankomunitatean integratuta dauden entitate lokalak.

3.2.c) artikuluaren arabera emaniko zerbitzuak. Ekitaldi bakoitzerako zerbitzua eskatzen duten pertsona fisiko edo juridikoak. Ez dira behartuta egongo zerbitzu hau ordaintzera Mankomunitatearen barnean dauden toki erakundeak.

3.2.d) artikuluaren arabera emaniko zerbitzuak. Edukiontziak kentzeko eta berriro jartzeko zerbitzua eskatzen duten pertsona fisiko edo juridikoak. Ez dira behartuta egongo zerbitzu hau ordaintzera Mankomunitatearen barnean dauden toki erakundeak.

Kuotaren oinarria

5. artikulua. 1. 3. artikuluaren 1. atalean aipaturiko zerbitzuaren kasurako, kuota zehazten deneko oinarria, era orokor batez, I. eranskinean ageri diren erabilpenaren araberako tarifa multzoetako ondasun higiezinen balioaren batura izanen da, fakturatzen ari den ekitaldiko une bakoitzean Nafarroako Lurralde Aberastasunaren Erregistroan ageri denean (erregistro-balioa).

Ondasun higiezinen bat delako Erregistroan balioztaturik ez dagoen kasuan, 7.1 b) artikuluan ezartzen denari jarraituko zaio.

“Hondakin sortzaile handien” kasuan, halakotzat hartuko baitira bi edukiontzi edo gehiago behar izaten dituzten ordaintzaileak, oinarria astero sortutako hondakinen bolumenari dagokiona atxikiko zaie.

Bilketa konpaktazio gabeko kaxa bitartez egiten den kasuetan oinarria biltzeko diren kaxen kopuruarekin bat etorriko da.

2. 3. artikuluaren 2,a) atalean aipaturiko zerbitzuaren kasurako, oinarria isurkinaren pisua izanen da.

3. 3. artikuluaren 2,b) atalean aipaturiko zerbitzuaren kasurako, oinarria hildako animalia ale bezainbesteko izanen da.

Tarifak

6. artikulua. 1. 3.1 artikuluan bildua den zerbitzuaren kasuan, eta erabilerari dagokion koefizienteaz zuzenduriko bere oinarriaren gainean, I. Eranskinean erabilera bakoitzarentzat ezarri den tarifa aldakorra aplikatuko da, kuotaren zati aldakorra izanik. Hau ez zaie aplikagarri “hondakin sortzaile handiei”.

2. 3.2 artikuluan aipatzen diren zerbitzuen kasuan oinarriei Eranskineko D, H, I eta J ataletan ageri diren tarifak aplikatuko zaizkie.

Kuota

7. artikulua. 1.a) 3.1 artikuluan aurreikusten den zerbitzurako aterako den kuota osoa, zati aldakorra eta I. eranskinean ageri den kuota finkoaren batura izanen da. Ezin izanen da ezein kasutan ere kuota osoa erabilpen bakoitzeko kuotaren zenbatekoa baino handiagoa izan.

“Hondakin sortzaile handiek” kuota bakarra ordainduko dute, zenbatekoak I. eranskinean agertzen baitira.

1.b) Zergapeko hiri-unitateei Hiriko Lurralde Kontribuzioaren ondorioetarako oinarri zergagarririk atxiki ez zaien kasuan, aterako den kuota, tarifa aldaezina eta Eranskinean ageri den tarifa aldakorraren batura izanen da, ezarritako erabilpenen arabera.

2. 3.2 artikuluan bilduak diren zerbitzuendako kuota aurreko artikuluan aipatzen diren tarifak aplikatzearen kariaz sortzen dena izanen da.

8. artikulua. Kasu bakoitzean aterako den kuotari legeek une bakoitzean finkatzen dituzten zeharkako zergak aplikatuko zaizkio, haiek ezartzen dituzten era eta baldintzetan.

Sortzapena

9. artikulua. 1. 3.1 artikuluan aipatzen diren zerbitzuendako ezarririko tributu izaera ez duten ondare-prestazio publikoak lauhileko natural bakoitzeko lehenengo egunean sortuko dira.

Zerbitzua jasotzen hasten diren erabiltzaileentzat, zerbitzua jasotzen hasten direneko egunean gertatuko da sortzapena, nolaz eta ordaintzera beharturik dagoenak bakarrik fakturazio-epea bukatzen den arteko egunei dagokiena ordain dezan.

2. Gainerako beste zerbitzu guztiengatik ezartzen diren tributu izaera ez duten ondare-prestazio publikoak interesdunak eskaera egiten duen momentuan edo zerbitzuaren prestazioa burutzen denean (3.2.b art.).

Ordainarazpena

10. artikulua. Ordenantza honen bidez erregulatzen diren tributu izaera ez duten ondare-prestazio publikoak hilabeteko edo lauhilabeteko alditan ordainaraziko dira.

Diru-bilketa

11. artikulua. 1. 3.1 artikuluan aurreikusten diren zerbitzuak emateaz sortzen diren zorrak “jakinerazpen gabekotzat” kontsideratuak izanen dira, zerga-ordaintzaile errolda batetatik sortuak direlako.

2. Ordenantza honetan artikuluan aurreikusten diren tributu izaera ez duten ondare-prestazio publikoek sortzen dituzten zorrak, behin eta 10. artikuluak aurreikusitakoaren arabera ordainaraziak, ordaindu behar direneko lauhileko naturaleko lehen hilabetearen lehenbiziko egunean jakinarazitzat emanen dira. Data horretatik aurrera hilabeteko epea kontatzen hasiko da, ordainketa egiteko.

3. Ezarritako epean ordainduak ez diren tributu izaera ez duten ondare-prestazio publikoei dagozkien zenbatekoak legezko urteko interes-tasa aplikatzetik sortzen den kopuruan gehituak izanen dira.

Korrituei dagokien zenbatekoaren sortzapena borondatezko ordainketa epea amaitzen den egunean gertatuko da, eta borondatezko ordainketa epea amaitzen den hilabetearen ondokoaren azken egunetik aitzina ordainaraziko dira.

Berantze-korrituak ez zaizkie aplikatuko beren jarduerak lege-ordenamendu pribatuari egokitu behar duten Administrazio Publiko, Erakunde Autonomo eta zuzenbide publikoko Entitateen zorrei.

12. artikulua. Zorren ordainketa ondoko eran bete ahal izanen da:

a) Zorren ordainketa helbideratu duten subjektu pasiboendako, beraiek seinalatutako Banku edo Aurrezki Entitatean eta kontuan zordunketa bidez.

b) Zorren ordainketa helbideratu ez duten subjektu pasiboendako, edota helbideratua izan arren edozein arrazoirengatik zorrak bete gabe geratu diren kasuetan, SCPSAren Bulegoetan.

13. artikulua. Nahiz eta 10.1 artikuluan ezarritakoa hala izan, eraikina erabiltzearen eskubidea deuseztatzeak sortzapen eskubideak ezabatuko ditu, eta, hala, iraungipen dataz ondorengo egunei dagozkien ordainarazitako eta ordaindutako tributu izaera ez duten ondare-prestazio publikoak diruak ordaintzera beharturik dagoenari itzuli beharko zaizkio.

AZKEN XEDAPEN BAKARRA

Ordenantza honek 2019ko urtarrilaren 1ean hartuko du indarra.

B. Diru-behar handiko egoeran dauden zerbitzu-erabiltzaileentzako kuota berezia.

Ordenantza honetan arautzen den etxebizitza-erabilerari aplika dakiokeen prezioari dagokion kuota osoa era orokorrean aplikagarria den kuotaren %10 aplikatzetik sortzen den kantitatea bezainbestekoa izango da, kasu hauetan:

a) Ordaintzailea Gizarte Segurantzaren pentsio baten onuraduna denean, edo Nafarroako Gobernuko Eskubide Sozialetako Departamentuak, Estatuko Enplegu Zerbitzu Publikoak edo Gizarte Segurantzak gizarte-bazterketako egoeratzat jotako batean egoteagatik onetsitako prestazio baten onuraduna deneam.

a) Ordaintzaileak ez duenean diru-sarrera ekonomikorik eta gizarte-zerbitzuek justifikatu dituztenean premia ekonomiko handiko egoeraren arrazoiak.

b) Ordaintzailea sartuta dagoenean administrazio desberdinek sustatutako enplegu sozial babestuko edo gizarteratzeko eta laneratzeko programetan.

Tarifa honi heldu ahal izango diote, aurreko baldintza horietako bat beteta, Errenta Bermatuaren jasotzaile izateko eskubidea ematen duten zenbatekoen berdinak edo txikiagoak diren baliabide ekonomikoak, une bakoitzean indarrean dagoen legeriak finkatzen dituenak, dituen familia-unitate bateko kide direnek.

Diru-sarreren eta ondasunen aurretiazko baloraziorik ez bada egin pentsioa edo diru-laguntza eman baino lehen, eskatzailearen ondasun higigarrien eta higiezinen batura ez da izango Errenta Bermatua une bakoitzean arautzen duen indarreko legeriak ezartzen dituen zenbatekoak baino handiagoa.

Tarifa hau aplikatzeko eskubidea ematen duten gizarte-bazterketako egoera egiaztatzen duten inguruabarrak ordenantza honetan eta horri dagokionez Nafarroako Gobernuko Eskubide Sozialetako Departamentuak aplikatzen dituen irizpideetan jasota dagoenaren arabera baloratuko dira.

Eskatzaileek ondokoak aurkeztu beharko dituzte:

1. Eskaera.

2. Eskatzailearen eta bizikideen ondasunak eta diru-sarrerak egiaztatzen dituzten dokumentuak, aginduzkoa den kasuetan, edo halakorik ez dagoela.

3. Udal erroldatik eratorritako Bizikidetza egiaztagiria.

Adierazitako agiri horiez gain, Iruñerriko Zerbitzuak, S.A. sozietateak eskatzaileari dokumentazio osagarria eskatu ahal izango dio, eskatzaileak adierazitakoa behar ekonomikoko bere benetako egoerarekin bat datorrela egiaztatzeko helburuarekin.

Nolanahi ere, tarifa honen onuraduna izango da ordenantza honetan araututako tributu izaera ez duten ondare-prestazio publikoak ordaindu behar dituena edo haren ezkontidea edo bizikidetza harreman analogoko pertsona, eta soil-soilik aplikatuko zaio familia-unitatearen ohiko etxebizitzari.

Tarifa hau 12 hilabeteko aldi baterako ematen da. Ordaindu behar duen obligaziodunari prestazioa ematea aldi luzeago baterako ezarri den kasuetan, tarifa emateko epea egokitu egingo zaio prestazioa ematearen epeari. Iruñerriko Zerbitzuak, S.A.k, edozein unetan, tarifa hau emateko eskatzen diren betebeharrak mantentzen direlako egiaztapena egin ahal izango du, eta baldintzok betetzeari utzi edo egiaztapenean eskaturiko agiriak ekartzen ez dituzten onuradun guztiei (hori egiteko emandako epeak igaro direnean) tarifa osoa aplikatuko die.

Ordenantza honetan arautzen diren tributu izaera ez duten ondare-prestazio publikoetatik edozeini dagokion kuota osoa era orokorrean aplikagarri den kuotari %10 aplikatuz ateratzen dena bezainbestekoa izango da, ordaindu behar duena Gobernuz kanpoko erakundea denean, eta zerbitzua zuzenki egintza publikorakoa denean, irabazteko asmorik gabea, eta horren xedea bere asmoetarako laguntzak biltzea denean.

C. Sortzaile handiak.

Zerbitzuaren erabiltzaileak hondakinen 12 m³ edo gehiagoko kantitatea sortzen badu astean, ondoan aipatzen diren urteko kuotak aplikatuko zaizkio (balio katastrala edozein delarik ere ezarriko direnak).

D. Edukiontzien aldi baterako erabilpena.

120 l-ko edukiontzien uztea 6,13 euro eguneko fakturatuko da.

E. Sortzaile handiak - trinkotu gabeko kaxa hertsien bilketa.

F. Katastro balioztapenik ezean.

Higiezinei balio katastralik atxiki ez zaien kasurako, koadro orokorreko jarduera multzoei dagozkien ondoko kuota aldakorrak ezarriak dira.

G. Tarifa guztiei dagozkien xedapenak.

1. Hondakin unitate sortzaile bakarrean erabilpen mota batzuk sar daitezkeen kasuetan, katastro unitate nagusitzat hartu denaren erabilpen kuota finkoa aplikatuko da. Nolanahi dela, Jatetxe, Festa Areto, Kafetegi Taberna, Hotel, Egoitza, Kiroldegi, Kasino jardueretarako kuota finkoak kasu guztietan aplikatuko dira, hondakin unitate sortzaile bakar batean sarturik egon arren.

2. Iruñerriko Zerbitzuak, S.Ako ikuskatzaileek aldez aurretik konprobatutakoan, tarifak, kuotak, erabilpena eta ordaintzaileak aldatu ahal izanen dira, hauek errealitateari egokitu ez edota erabilpen edo balio katastralik atxikirik ez duten kasuetan, konprobaturiko erabilpen erreala faktura dadineko moduan. Higiezinaren erabilpen aldaketa egiaztatuko balitz, moldaketa atzerako ondorioz egin liteke, erabilpen aldaketa ziurtatzen den momentutik alegia. Era berean, ordaindu behar duen obligaziodunak, edozein kasutan, Iruñerriko Zerbitzuak, S.A. sozietateari jakinarazi behar dio higiezinaren erabilerarekin lotutako edozein aldaketa.

3. Ezarpena dagokien higiezinen kasuan, baldin eta bilketa tokitik 300 metro baino urrutiago egon edota iristeko edo maniobra egiteko zailtasunik badago, Ikuskapen Zerbitzuek iritzia eman eta gero, aplikatuko den tarifa soilik kuotaren oinarriari dagokion tarifa aldakorra izanen da. (I. eranskina).

4. Erregimen orokorreko Gehienezko Kuota (7.1 art. 1 lerroaldea) 3.024,59 euro izanen da.

H. HHTZ-KO Hondakinen tratamendu zerbitzuaren erabilpena.

I. Hondakinak onartzea HHTZ-KO garbigunean.

J. Hildako animalien jasoketa, garraioa eta deuseztapena:

120,88 euro/animalia.

K. Lurpeko edukiontziak.

Urteko kostua honako formularen bitartez zehaztuko da kasu bakoitzean, plataforma jasotzaile bakoitzerako kalkulaturik:

Fv: Maiztasuna, organikoa-gainerakoa frakzioaren asteko bilketa kopuruaz adierazia.

Fe: Maiztasuna, ontzi frakzioaren asteko bilketa kopuruaz adierazia.

Fc: Maiztasuna, beira frakzioaren asteko bilketa kopuruaz adierazia.

Fp: Maiztasuna, Paper-kartoi frakzioaren asteko bilketa kopuruaz adierazia.

II. ERANSKINA

Udalez udaleko koefiziente zuzentzailea 4. erabilpen kodeari (etxebizitza) aplikagarria

1 baino koefiziente zuzentzaile altuagorik ez da aplikatuko, baldin eta higiezinaren katastro balioa, 2019ko urtealdirako, 49.944,41 euro baino altuagoa bada.

2019ko ekitaldian balorazio txosten berri batek indarra hartzen badu, katastroko balioak aldatu diren neurri berean egokituko da udalerri horretako koefiziente zuzentzailea.

Iragarkiaren kodea: L1815218