1. NAFARROAKO FORU KOMUNITATEA
1.7. BESTELAKOAK
65/2018 EBAZPENA, azaroaren 19koa, Nafarroako Zerga Ogasuneko Lur-ondasunen eta Ondarearen gaineko Tributuen Zerbitzuko zuzendariak emana, Lur-ondasunen Erregistroan inskribatutako Mendabiako 5. poligonoko ondoko lurzati hauei dagozkien oinarrizko datuen berrikuntza kolektiboa onesten duena, Mendabiako Udalak eskatuta: 1046, 1047, 1720, 1721, 1722, 1723, 1724, 1737, 1738, 1739, 1740, 1746, 1743, 1744, 1745, 1768, 34, 1747, 1748, 1749, 2971, 2762, 1391, 1390, 2761 eta 2806.
Aurrekariak.
Lehena.–Mendabiako Udaleko Alkatetzaren 2018ko apirilaren 19ko Ebazpenaren bidez (2018ko 91. Nafarroako Aldizkari Ofiziala, maiatzaren 14koa), eta Nafarroako Lurralde Aberastasunari eta Katastroei buruzko azaroaren 21eko 12/2006 Foru Legearen (hemendik aurrera NLAEKFL) 28 bis.2 artikuluan aurreikusitakoari jarraituz, ofizioz abiarazten da Lur-ondasunen Erregistroan oker edo errealitateaz bestelako moduz inskribatutako oinarrizko datuak kolektiboki berritzeko prozedura, Mendabiako 5. poligonoko ondoko lurzatiei dagokiena: 1046, 1047, 1720, 1721, 1722, 1723, 1724, 1737, 1738, 1739, 1740, 1746, 1743, 1744, 1745, 1768, 34, 1747, 1748, 1749, 2971, 2762, 1391, 1390, 2761 eta 2806. Horrekin batera, hilabeteko adierazpen-aldia hasten da ukitutako titularrentzat, jabetzaren tituluak eta bidezkotzat jotzen dituzten gainerako agiriak aurkezteko.
Bigarrena.–Aipatu adierazpen-aldia bukaturik, Mendabiako Udalak delako eremuaren beste mugaketa grafiko bat egin zuen lurzatien planoan, behar diren titulartasunak, azalerak, ezaugarriak eta ukitutako higiezinen balorazioa esleituta, aurkeztutako dokumentazioa, informazio grafiko nahiz osagarriaren multzoa eta, kasua bada, Mendabiako Udalaren zerbitzuko katastroko teknikariek tokian bertan egindako egiaztatze lanak kontuan hartuta.
Hirugarrena.–Lehen aipatutako foru legearen 28.bis.4 artikuluan xedatutakoaren arabera, 2018ko 141. Nafarroako Aldizkari Ofizialean, uztailaren 23koan, argitaratu zen Mendabiako Udalaren iragarkia, berrikuntzaren espedienteari buruzko dokumentazioa, mugaketa grafiko berria, ezaugarriak eta ukitutako higiezinen balorazioa barne, hamabost egunez gutxienez jendaurrean jartzeko udal bulegoetan, eta interesdunek, epe horretan eta hura bukatu ondoko hamabost egunean, alegazioak aurkeztu ahal izan zituzten, bai mugaketari buruz, bai titulartasunari eta emandako ezaugarriei buruz.
Laugarrena.–Lurraldeari buruzko Informazioa Kudeatzeko Garapen Informatikoa (hemendik aurrera LIKGI) programaren bitartez, 2018ko azaroaren 7an, Mendabiako 2018/1/318 espediente zenbakiarekin eta Nafarroako Gobernuaren Erregistro Elektronikoan sarrera erregistroko 2018/622149, 2018/622252 eta 2018/622326 zenbakiak dituzten dokumentuen bidez (guztiak azaroaren 14koak), Mendabiako Udalak mugaketa grafiko berrian egin diren jarduketei buruzko dokumentazioa bidali zion Lur-ondasunen eta Ondarearen gaineko Tributuen Zerbitzuari espedientea tramitatzen jarraitzeko, ohartarazita ez zela inolako alegaziorik aurkeztu.
Inguruabar juridikoak.
Lehena.–Mendabiako Udala Lur-ondasunen Erregistroaren oinarrizko datuak aldatzeko prozedura tramitatzen ari da. Prozedura “lurzatien planoan zehaztutako udal eremu bateko oinarrizko datuen berritze kolektiboaren prozedura” arautzen duen NLAEKFLen 28 bis artikuluan aurreikusita dago.
Mendabiako Udala espediente honetan tramitatzen ari den oinarrizko datuen berrikuntza kolektiboak Mendabiako 5. poligonoko 1046., 1047., 1720., 1721., 1722., 1723., 1724., 1737., 1738., 1739., 1740., 1746., 1743., 1744., 1745., 1768., 34., 1747., 1748., 1749., 2971., 2762., 1391., 1390., 2761. eta 2806. lurzatiek planoan osatzen duten eremua ukitzen du. Udalak igorritako dokumentazioan sartutako txostenaren arabera, berrikuntza egiteko arrazoia Mendabiako katastroa bere garaian oker ezarri izana litzateke, une hartan ez zeuden hainbat lurzati eta kale bertan islatu baitziren, azkenik onetsi ez ziren 1982ko birzatiketa batzuk prestatzeko lanak zirela kausa. Lan horien ondorioz, ez errealitate fisikoan ez juridikoan existitzen ez ziren lurzatiak agertu ziren katastroan.
Bigarrena.–NLAEKFLen 28 bis artikuluko 5. atalean aurreikusitakoaren arabera, Mendabiako Udalak mugaketa berrian egin diren jarduketei buruzko dokumentazioa igorri dio Lur-ondasunen eta Ondarearen gaineko Tributuen Zerbitzuari (hemendik aurrera LOOTZ), LIKGI espedientearen eta laugarren gertakarian aipatutako agirien bidez.
Mendabiako Udalak igorritako agirien artean, Udaleko idazkariaren ziurtagiria dago. Bertan aditzera ematen da “... behin bukatuta mugapen grafikorako, titulartasunen esleipenerako eta berritu beharreko eremuko higiezinen karakterizaziorako lanak jendaurrean egoteko aldia (aurtengo, hots, 2018ko 141. Nafarroako Aldizkari Ofizialean, uztailaren 23koan, argitara emandako ediktuaren bidez iragarria), interesdunek ez dute inolako alegaziorik edo erreklamaziorik aurkeztu aipatu jendaurreko epe horretan.”
Bestalde, NLAEKFLen 28 bis artikuluko 7. atalak honako hau ezartzen du: “Zerbitzuko zuzendariak ebazpena emanen du, ukitutako higiezinen oinarrizko datuen berrikuntza onesteko eta Lur-ondasunen Erregistroan zuzenean inskribatzeko, ebazpena Nafarroako Aldizkari Ofizialean argitaratu ondoren.”
Horrenbestez, aipatu aginduan xedatutakoaren arabera,
EBATZI DUT:
Lehena.–Mendabiako 5. poligonoko ondoko lurzati hauei dagozkien oinarrizko datuak Lur-ondasunen Erregistroan kolektiboki berritzea, udal horrek eskatuta: 1046, 1047, 1720, 1721, 1722, 1723, 1724, 1737, 1738, 1739, 1740, 1746, 1743, 1744, 1745, 1768, 34, 1747, 1748, 1749, 2971, 2762, 1391, 1390, 2761 eta 2806.
Bigarrena.–Ebazpen hau Nafarroako Aldizkari Ofizialean argitaratzea, ohartarazita ukitutakoek gora jotzeko errekurtsoa jartzen ahalko dutela, Ogasuneko eta Finantza Politikako kontseilariari zuzendua, argitaratu eta biharamunetik hilabeteko epean.
Hirugarrena.–Oinarrizko datuei buruz onetsitako berrikuntza kolektiboa Lur-ondasunen Erregistroan zuzenean gehitzea, berrikuntza hori Nafarroako Aldizkari Ofizialean argitaratutakoan.
Laugarrena.–Ebazpen hau Mendabiako Udalari jakinaraztea, oinarrizko datuei buruz onetsitako berrikuntza kolektiboa Lur-ondasunen Erregistroan gehituta ukitutako lurzatien katastroko titularrei horren berri eman diezaien banan-banan, horiek egiazki ezagun dezaten aldaketa.
Iruñean, 2018ko azaroaren 19an.–Lur-ondasunen eta Ondarearen gaineko Tributuen Zerbitzuko zuzendaria, Sergio Osés Amézqueta.
Iragarkiaren kodea: F1814219
