1. NAFARROAKO FORU KOMUNITATEA
1.3. LURRALDEAREN ANTOLAMENDUA ETA HIRIGINTZA
123E/2018 FORU AGINDUA, azaroaren 8koa, Landa Garapeneko, Ingurumeneko eta Toki Administrazioko kontseilariak emana, behin betiko onesten duena Vianako Udal Plana aldatzeko espedientea, Eduardo Arina Roblesek sustatua. Aldaketa arau honi dagokio, zehazki: II. Hirigintza arloko araudiaren zazpigarren tituluan (Lurzoru urbanizaezinaren gaineko arauak), III. kapituluan (Lurzoru urbanizaezineko eraikuntzari buruzko baldintza orokorrrak), 2. atalean (Eraikuntzaren baldintza partikularrak), B) letraren barruan (Abeltzaintzari lotutako eraikin eta instalazioak) jaso den 1.–“Estabulazio askeko eta erdiestabulazioko araubidepeko abeltzaintzako ustiategiak” izeneko araua.
Vianako Udalak idazpuruan azaltzen den espedientea aurkeztu du Landa Garapeneko, Ingurumeneko eta Toki Administrazioko Departamentuan, behin betiko onets dadin.
Ikusirik aurkeztutako dokumentazioa, bai eta Lurralde eta Paisaia Zerbitzuaren txostena ere, bidezkoa da espedientea behin betiko onestea.
Azaldutakoarekin bat, eta Landa Garapeneko, Ingurumeneko eta Toki Administrazioko Departamentuaren egitura organikoa ezarri zuen irailaren 21eko 78/2016 Foru Dekretuari jarraikiz,
AGINDU DUT:
1. Behin betiko onestea Vianako Udal Plana aldatzeko espedientea, Eduardo Arina Roblesek sustatua. Aldaketa arau honi dagokio, zehazki: II. Hirigintza arloko II. araudiaren zazpigarren tituluan (Lurzoru urbanizaezinaren gaineko arauak), III. kapituluan (Lurzoru urbanizaezineko eraikuntzari buruzko baldintza orokorrak), 2. atalean (Eraikuntzaren baldintza partikularrak), B) letraren barruan (Abeltzaintzari lotutako eraikin eta instalazioak) jaso den 1.–“Estabulazio askeko eta erdiestabulazioko araubidepeko abeltzaintzako ustiategiak” izeneko araua.
2. Adieraztea foru agindu honek ez duela administrazio bidea amaitzen. Administrazio publikoak ez diren interesdunek gora jotzeko errekurtsoa aurkezten ahalko dute, Nafarroako Gobernuari zuzendua, legezkotasuna kontrolatzen duen onespen honen aurka, hilabeteko epean, foru agindu hau jakinarazi edo Nafarroako Aldizkari Ofizialean argitaratu eta biharamunetik hasita.
Halaber, onetsitako hirigintza araudiaren aurka administrazioarekiko auzi-errekurtsoa jar daiteke, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, dagokion udalak eskaturik, edukia Nafarroako Aldizkari Ofizialean argitaratzen denetik aurrera.
Administrazio publikoek zilegi dute administrazioarekiko auzi-errekurtsoa jartzea, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuan aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
3. Foru agindu hau Eduardo Arina Roblesi eta Vianako Udalari jakinaraztea, dagokion hirigintza arloko araudia Nafarroako Aldizkari Ofizialean argitara dezan.
4. Foru agindu hau Nafarroako Aldizkari Ofizialean argitaratzea, behar diren ondorioak izan ditzan.
Iruñean, 2018ko azaroaren 8an.–Landa Garapeneko, Ingurumeneko eta Toki Administrazioko kontseilaria, Isabel Elizalde Arretxea.
Iragarkiaren kodea: F1813685
