3. ESTATUKO ADMINISTRAZIOA
ESTATUKO ADMINISTRAZIO OROKORRA
Iruñeko bi lokal komertzial saltzeko enkante publikoak, elkarren ondokoak (lehena eta bigarrena), prezioa hobetzeko proposamen ekonomikoak gutun-azal itxian aurkeztuz
Ebazpena, Defentsaren Etxebizitza, Azpiegitura eta Ekipamenduaren Institutuak emana, iragartzen dituena elkarren ondotik eginen diren bi enkante publiko (lehena eta bigarrena), Iruñean dituen bi lokal komertzial saltzeko, prezioa hobetzeko proposamen ekonomikoak gutun-azal itxian aurkeztuz.
Defentsaren Etxebizitza, Azpiegitura eta Ekipamenduaren Institutua erakunde autonomoko zuzendari kudeatzaileak emandako ebazpenaren bidez, erabaki da ondotik deskribatzen diren higiezinak saltzea, elkarren ondoko enkante publikoen bidez, prezioa hobetu behar duten proposamen ekonomikoak gutun-azal itxian aurkeztuz:
1.–“Lokala, Sandoval kalea, 3, behea-4” Iruñean (Nafarroa).
Erregistroko 31.787. finka, Iruñeko 2. Jabetza Erregistroko 1414. liburukia, 686. liburua, 153. orria, lehen inskripzioa. IDUFIR: 31011000338635. Katastroko erreferentzia: 310000000002205683YJ
Erregistratutako azalera: 33,20 metro karratu.
Lehen enkanterako hasierako prezioa: 29.999,19 euro. Bigarren enkantea: 26.999,27 euro.
2.–“Lokala, Sandoval kalea, 3, behea-5” Iruñean (Nafarroa).
Erregistroko 31.789. finka, Iruñeko 2. Jabetza Erregistroko 1.414. liburukia, 686. liburua, 158. Orria, lehen inskripzioa. IDUFIR: 31011000338642. Katastroko erreferentzia: 310000000002205684UK.
Erregistratutako azalera: 28,74 metro karratu.
Lehen enkanterako hasierako prezioa: 35.205,35 euro. Bigarren enkantea: 31.684,82 euro.
Ezaugarri fisikoak, juridikoak, erregistroko inskripzioa, katastrokoa, ezaugarri teknikoak eta jabetzen hirigintza erabilerak: enkantea arautzen duten agirietan jasotakoak.
Enkanteetan parte hartzeko eskaintzak eta dokumentazioa aurkezteko azken eguna:
Enkantearen iragarkia EAOn argitaratu eta biharamunetik hasita 2019ko otsailaren 7ko ordu bata arte, Defentsaren Etxebizitza, Azpiegitura eta Ekipamenduaren Institutua erakunde autonomoko Erregistroan (Isaac Peral kalea, 20-32, Madril). Epe hori amaituta aurkezten diren proposamenak ez dira onartuko. Posta ziurtatuaren bidez bidalitako eskaintzak ere onartuko dira; horrelakoetan, lizitatzaileak justifikatu beharko ditu bidalketaren eguna eta ordua posta bulegoan, eta bidalketaren berri emanen du Erregistroan, egun berean, fax bat bidaliz 91 602 08 85 zenbakira, edo mezu bat invied.subastasdeinmuebles@mde.es helbide elektronikora, lizitatatzailea identifikatuta eta postako bidalketaren ziurtagiriaren PDFa erantsita.
Proposamen ekonomikoen gutun-azalak enkanterako mahaiak irekiko ditu Defentsaren Etxebizitza, Azpiegitura eta Ekipamenduaren Institutua erakunde autonomoaren egoitzan (Isaac Peral kalea, 20-32, Madril), 2019ko otsailaren 28an, goizeko hamaiketan hasita.
Agiriak eta argibide gehiago eskuratzeko eta lokala bisitatzeko: Defentsa Ordezkariordetzako Ondare Arloa (Chinchilla Jenerala, 10, 948207622, 948207600. 948207626), eta Defentsaren Etxebizitza, Azpiegitura eta Ekipamenduaren Institutua erakunde autonomoaren bulegoetan (INVIED O.A.), Isaac Peral kalea, 20-32 (telefonoak, 91 602 09 19, 91 602 08 44, 91 602 08 19), bulego orduetan, eta web orri honetan: www.invied.es.
Iragarki honetan akats materialik baldin badago, besterentzea arautzen duten baldintza teknikoen eta administratiboen orrietan ezarritakoa bete beharko da.
Madrilen, 2018ko urriaren 29an.–Zuzendari kudeatzailea, Atilano Lozano Muñoz.
Iragarkiaren kodea: E1814146
