1. NAFARROAKO FORU KOMUNITATEA
1.7. BESTELAKOAK
927/2018 EBAZPENA, azaroaren 13koa, Toki Administrazioko zuzendari nagusiak emana, “Valtierrako ekaitz-biltegia hobetzea” izeneko proiektua eta proiektuko lanek ukitutako ondasun eta eskubideen zerrenda jendaurrean jartzen dituena.
Nafarroako Toki Azpiegiturak SA (NILSA) enpresak, Valtierrako Udalarekin ezarria duen lankidetza araubideaz baliatuz diharduela, zuzendaritza nagusi honi eskatu dio jendaurrean jar ditzala ‘’Valtierrako ekaitz-biltegia hobetzea’’ izeneko proiektua eta hark ukitutako ondasun eta eskubideen zerrenda.
Udalaren zerbitzu publikoa izanik, Nahitaezko Desjabetzeari buruzko Legearen 10. artikuluan eta Nafarroako Toki Administrazioari buruzko uztailaren 2ko 6/1990 Foru Legearen 215.2 artikuluan ezarritakoari jarraituz, tokiko obra eta zerbitzuen proiektuak onesteak berarekin dakar hartzen dituzten ondasunen onura publikoaren adierazpena eta ondasun horiek okupatu behar izatea, nahitaezko desjabetzea egiteko.
Horrenbestez, Nahitaezko Desjabetzeari buruzko Legearen 18. artikuluan xedatutakoari jarraikiz, eta Landa Garapeneko, Ingurumeneko eta Toki Administrazioko Departamentuaren egitura organikoa ezartzen duen irailaren 21eko 78/2016 Foru Dekretuak esleitu dizkidan eskudantziak erabiliz,
EBATZI DUT:
1. Hamabost egunez jendaurrean jartzea “Valtierrako ekaitz-biltegia hobetzea” izeneko proiektua eta hark ukitutako ondasun eta eskubideen zerrenda, hemen ondotik ematen dena, proiektuak ukitutakoek egokiak iruditzen zaizkien alegazioak aurkeztu eta, argitaratzen den zerrendan akatsik badago, horiek zuzentzeko behar diren datuak eman ditzaten, idatziz, Toki Administrazioko Zuzendaritza Nagusian (Arrieta kalea, 12, 3. solairua, 31002 Iruña) eta Valtierrako udaletxean. Bi leku horietan proiektuaren kopia bat eta lurzatien planoak izanen dira eskuragarri.
2. Ebazpen hau, ukitutako ondasun eta eskubideen zerrendarekin batera, Nafarroako Aldizkari Ofizialean eta Valtierrako udaletxean argitaratuko da. Orobat, iragarki bat argitaratuko da Foru Komunitateko egunkari batean.
Iruñean, 2018ko azaroaren 13an.–Toki Administrazioko Zuzendari Nagusia, Xabier Lasa Gorraiz.
PROIEKTUA “Valtierrako ekaitz-biltegia hobetzea” Ukitutako ondasunen eta eskubideen zerrenda. |
FINKAREN KODEA | TITULARRAK | UKIPENAK | KATASTROKO DATUAK |
J. | Zortasuna | Erreg. | Behin bet. okup. HUA
(m²) | Ald. bat. okup.
(m²) | Pol. | Lur. | Lur mota |
m.l. | m² | Unit. | m² |
VALTIERRAKO UDAL MUGARTEA |
VA-01 | Valtierrako Udala. Foruen plaza, 1. 31514 Valtierra | Is. | 16 | 48 | 0 | 0 | 0 | 0 | - | - | Bidea/erreka |
VA-02 | M.ª Pilar Elvira López Julian Hualde Jiménez Remonte, 4. 31514 Valtierra | Is. | 0 | 0 | 0 | 0 | 0 | 12 | 6 | 442 | Ureztatzeko alorra |
VA-03 | Valtierrako Udalaren herri-lurrak Foruen plaza, 1. 31514 Valtierra | Is. | 32 | 96 | 0 | 0 | 2419 | 313 | 6 | 877 | Eraikina/Larreak |
VA-04 | Valtierrako Udala Foruen plaza ,1. 31514 Valtierra | HLE | 25 | 75 | 1 | 2 | 0 | 138 | - | - | Bidea |
VA-05 | Valtierrako Udala. Foruen plaza, 1. 31514 Valtierra | HLE | 86 | 258 | 3 | 6 | 0 | 545 | - | - | Bidea |
VA-06 | Jesús Aguire Catalán San Francisco Javier, 7, behea 31514 Valtierra | IE | 3 | 0 | 0 | 0 | 0 | 0 | 6 | 724 | Lurzorua |
Laburdurak: J: Jarduketak: Is. Isurketa. HLE: Hornidura + Linea Elektrikoa. Kut.: kutxatila. Behin bet. okup.: behin betiko okupazioa. Ald. bat. okup: aldi baterako okupazioa. Pol.: poligonoa. Lur.: lurzatia. |
Iragarkiaren kodea: F1813921
