2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
NOAIN (ELORTZIBAR)
Tokiko Gobernu Batzarreko kide bat ordezkatzea
Amara Galafate Perezek amatasun baja hartu duenez, eta Nafarroako Toki Administrazioari buruzko 2/1990 Foru Legearen 86. artikuluari eta Nafarroako Toki Entitateen Antolaketaren eta Funtzionamenduaren gaineko Erregelamenduaren 46. eta 52. artikuluei jarraikiz, legeriak ematen dizkidan eskudantziak erabiliz,
EBATZI DUT:
1. Amara Galafate Pérez Noain Elortzibarko Udalaren Gobernu Batzarreko kide izatetik kentzea, 2018ko irailaren 21etik hasita berriz izendatu arte.
2. María Carmen Casajús Pérez Noain Elortzibarko Udalaren Gobernu Batzarreko kide izendatzea, hori ere 2018ko irailaren 21etik aurrera.
3. Ebazpen hau Nafarroako Aldizkari Ofizialean argitaratzea.
4. Ebazpen hau argitaratu eta biharamunean jarriko da indarrean.
Ebazpen honen kontra, errekurtso hauetako bat aurkez daiteke, hautara:
a) Administrazioarekiko auzi-errekurtsoa, Nafarroako Administrazioarekiko Auzien Jurisdikzioko organo eskudunari zuzendua, bi hilabeteko epean, ebazpen hau jakinarazi eta biharamunetik hasita.
b) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, jakinarazten denetik hasita.
c) Berraztertzeko errekurtsoa, egintza burutu duen organoari berari zuzendua, hilabeteko epean, ebazpen hau jakinarazi eta biharamunetik hasita.
Noain Elortzibarren, 2018ko irailaren 21ean.–Alkate udalburua, Alberto Ilundain Avellaneda.
Iragarkiaren kodea: L1813436
