1. NAFARROAKO FORU KOMUNITATEA
1.7. BESTELAKOAK
2096/2018 EBAZPENA, urriaren 29koa, Nafarroako Unibertsitate Publikoko errektoreak emana. Haren bidez agintzen da argitaratzeko 2018ko urriaren 29ko Gobernu Kontseiluak onetsi zuen “Erabakia, zeinaren bidez onesten baitira Batxilergoaren Ebaluazioa Unibertsitatean Sartzeko probako irakasgaiak ponderatzeko parametroak, 2019-2020 ikasturtetik aurrera ezarriko den Psikologiako Graduko ikasketa ofizial berrian onartua izatekoak”.
2003ko maiatzaren 12ko 110/2003 Foru Dekretuak onetsitako Unibertsitateko Estatutuetako 40. artikuluak ematen dizkidan ahalmenak erabiliz, 2018ko urriaren 29an Gobernu Kontseiluak hartu zuen erabakia argitaratzeko agintzen dut. Erabaki horren bidez onetsi ziren Batxilergoaren Ebaluazioa Unibertsitatean Sartzeko probako irakasgaiak ponderatzeko parametroak, 2019-2020 ikasturtetik aurrera ezarriko den Psikologiako Graduko ikasketa ofizial berrian onartua izatekoak.
“Erabakia, zeinaren bidez onesten baitira batxilergoaren ebaluazioa unibertsitatean sartzeko probako irakasgaiak ponderatzeko parametroak, 2019/2020 ikasturtetik aurrera ezarriko den psikologia graduko ikasketa ofizial berrian onartua izatekoak.
Joan den ekainaren 19an, Unibertsitateko Gobernu Kontseiluak Batxilergoaren Ebaluazioa Unibertsitatean Sartzeko (BEUS) probako irakasgaiak ponderatzeko parametroak onetsi zituen, Nafarroako Unibertsitate Publikoko Graduko ikasketa ofizialetan onartua izateko nota kalkulatzeko.
Unibertsitateak Psikologiako gradua ezartzeko asmoa du, betiere Ebaluatu eta Egiaztatzeko Agentzia Nazionala-ANECAk ematen duen egiaztapena lortuta. Gradu berri hori irakasteko behar den baimena oraindik lortu ez bada ere, onetsi eta jendaurrean jarri behar dira titulazio horretan onartua izateko nota kalkulatzeko erabiliko diren ponderazio parametroak. Horretarako, kontsulta egin zaio Osasun-zientzien Fakultateari, hark egin baitu proposamena, eta Nafarroako Gobernuko Hezkuntza Departamentuari.
Azaldutako guztiarengatik, eta Ikasleen gaietarako, Enplegurako eta Ekintzailetzarako errektoreordeak proposatuta, hau da Gobernu Kontseiluak, bere kideek aldez aurretik deliberatu ondoren, 2018ko urriaren 29an egindako bileran hartu duen
ERABAKIA:
Lehena.–Eranskinean adierazitako ponderazio parametroen balioak onestea. Batxilergoaren Ebaluazioa Unibertsitatean Sartzeko probako irakasgaiei dagozkien parametro horiek ponderatzekoak izanen dira Nafarroako Unibertsitate Publikoa baimena tramitatzen ari den Psikologiako Graduko ikasketa ofizial berrian onartua izateko nota kalkulatzeko.
Bigarrena.–Erabaki honen bidez onetsi diren ponderazio parametroak 2019/2020 ikasturtetik aurrera izanen dira aplikatzekoak aipatu Graduko ikasketa ofizialean onartua izateko.
Hirugarrena.–Erabaki hau helaraztea Ikasleen gaietarako, Enplegurako eta Ekintzailetzarako Errektoreordetzara, Irakaskuntzako Errektoreordetzara, Irakaskuntza Zerbitzura eta Sarbidea, Bekak eta Tituluak Atalera.
Laugarrena.–Nafarroako Aldizkari Ofizialean argitaratu eta biharamunean hartuko du indarra erabaki honek.
Bosgarrena.–Erabaki honen aurka, zilegi da administrazioarekiko auzi-errekurtsoa jartzea, bi hilabeteko epean, Erabakia Nafarroako Aldizkari Ofizialean argitaratu eta biharamunetik kontatzen hasita, Administrazioarekiko Auzien Jurisdikzioari buruzko 1998ko uztailaren 13ko 29/1998 Legearen xedapenetan ezarritakoarekin bat.
Iruñean, 2018ko urriaren 29an.–Errektorea, Alfonso Carlosena.
ERANSKINA Batxilergoaren Ebaluazioa Unibertsitatean Sartzeko proban gainditutako irakasgaiak ponderatzeko parametroak, Nafarroako Unibertsitate Publikoak ematen duen Psikologiako Graduko ikasketa ofizialean onartua izateko nota kalkulatzeko. Aurreikuspenen arabera, 2019/2020 ikasturtetik aurrera ezarriko da aipatu gradua. |
| Jakintza-arloa | Zientziak | Arteak | Giza eta Gizarte Z. | Atzerriko hizkuntza borondatezko fasea |
Biologia | Marrazketa Teknikoa II | Fisika | Geologia | Matematika II | Kimika | Arte Eszenikoak | Ikus-entzunezkoen Kultura II | Diseinua | Artearen Oinarriak II | Enpresaren Ekonomia | Geografia | Greziera II | Filosofiaren Historia | Artearen Historia | Latina II | Gizarte Zientzietan aplikatutako matematika II |
OSASUN ZIENTZIEN FAKULTATEA |
Psikologiako Gradua | CS | 0,2 | | | | 0,2 | 0,1 | | | | | 0,1 | | | | | | 0,2 | 0,1 |
Jakintza-arloak: ZZ - Zientziak, IA - Ingeniaritza eta Arkitektura, GJ - Giza Zientziak eta Zientzia Juridikoak, OZ - Osasun Zientziak. |
Iragarkiaren kodea: F1813217
