1. NAFARROAKO FORU KOMUNITATEA
1.7. BESTELAKOAK
ERABAKIA, Nafarroako Gobernuak 2018ko urriaren 24an hartua, bi eguzki-instalazio fotovoltaiko abian jarri eta ustiatzeko enpresa-proiektua, SUNO Energía 4, SL eta SUNO Energía 5, SL enpresek sustatua, foru intereseko inbertsio deklaratzen duena.
SUNO Energía 4, SL eta SUNO Energía 5, SL enpresek eskatu dute foru intereseko inbertsio deklara dezatela Tuteran bi eguzki-instalazio fotovoltaiko eraiki eta ustiatzeko inbertsio proiektua. Instalazio horiek “Cierzo” eta “Guardian” izena izanen dute, eta, guztira, 62 mW-eko potentzia.
Industriaren, Energiaren eta Berrikuntzaren Zuzendaritza Nagusiak inbertsio proiektua ebaluatu du, eta, kontuan harturik proiektuaren ezaugarriak, proposatu du foru intereseko inbertsio deklara dezatela abenduaren 9ko 15/2009 Foru Legearen 4. artikuluan ezarritakoaren ondorioetarako (enpresa edo lanbide jarduerak abian jartzeko xedearekin administrazioa errazteko neurriei buruzkoa da foru lege hori).
Adierazitakoarekin bat, Nafarroako Gobernuak, Garapen Ekonomikorako kontseilariak proposaturik,
ERABAKI DU:
1. Tuteran bi eguzki-instalazio fotovoltaiko abian jarri eta ustiatzeko enpresa-proiektua, SUNO Energía 4, SL eta SUNO Energía 5, SL enpresek sustatua, foru intereseko inbertsio deklaratzea, abenduaren 9ko 15/2009 Foru Legearen 4. artikuluan ezarritakoaren ondorioetarako (enpresa edo lanbide jarduerak abian jartzeko xedearekin administrazioa errazteko neurriei buruzkoa da foru lege hori). Deklarazio honek inbertsio proiektua bukatu arte izanen ditu ondorioak.
2. Erabaki hau Nafarroako Parlamentuko Garapen Ekonomikorako Batzordeari igortzea, abenduaren 9ko 15/2009 Foru Legearen 4. artikuluan ezarritakoaren ondorioetarako.
3. Erabaki hau Nafarroako Aldizkari Ofizialean argitaratzea, orok jakin dezan, eta SUNO Energía 4, SLri eta SUNO Energía 5, SLri jakinaraztea, behar diren ondorioak izan ditzan.
Iruñean, 2018ko urriaren 24an.–Nafarroako Gobernuko kontseilari idazkaria, María José Beaumont Aristu.
Iragarkiaren kodea: F1812857
