1. NAFARROAKO FORU KOMUNITATEA
1.7. BESTELAKOAK
2098/2018 EBAZPENA, urriaren 29koa, Nafarroako Unibertsitate Publikoko errektoreak emana. Haren bidez agintzen da argitaratzeko “Erabakia, Ikastegien eta Sailen Esparru Arautegiaren eta Organo Kolegiatuen Funtzionamendu Arautegiaren Xedapen Iragankorretan egokitzapenerako ezarritako gehienezko epeen aldaketa onesten duena”, Gobernu Kontseiluak 2018ko urriaren 29an hartu zuen erabaki baten bidez onetsia.
2003ko maiatzaren 12ko 110/2003 Foru Dekretuak onetsitako Unibertsitateko Estatutuetako 40. artikuluak ematen dizkidan ahalmenak erabiliz, agintzen dut argitaratzeko Gobernu Kontseiluaren 2018ko urriaren 29ko Erabakia, Ikastegien eta Sailen Esparru Arautegiaren eta Organo Kolegiatuen Funtzionamendu Arautegiaren Xedapen Iragankorretan egokitzapenerako ezarritako gehienezko epeen aldaketa onesten duena.
“Gobernu Kontseiluaren Erabakia, ikastegien eta sailen esparru arautegiko eta organo kolegiatuen funtzionamendu arautegiko xedapen iragankorretan ezarritako egokitzapenerako gehienezko epeak aldatzen dituena –bi arautegiak 2018ko apirilaren 24ko gobernu kontseiluak hartutako erabakien bidez onetsiak dira–.
2018ko apirilaren 24ko Gobernu Kontseiluaren Erabakien bidez Nafarroako Unibertsitate Publikoko Ikastegien eta Sailen Esparru Arautegia eta Organo Kolegiatuen Funtzionamendu Arautegi Orokorra onetsi ziren. Bi arautegiak 2018ko maiatzaren 2ko Nafarroako Aldizkari Ofizialean argitaratu ziren, eta argitaratu eta biharamunean hartu zuten indarra.
Bi Arautegiek Lehen Xedapen Iragankorrean, Bigarren Xedapen Iragankorrean eta Xedapen Iragankor Bakarrean ezartzen dituzte Nafarroako Unibertsitate Publikoko organo kolegiatuek arautegietan ezarritakora egokitzeko dituzten epeak.
Zehazki, xedapen horiek ezartzen dute sailek 2018ko urriaren 31rako onartuak izan behar dituztela Ikastegien eta Sailen Esparru Arautegietara eta Nafarroako Unibertsitate Publikoko Organo Kolegiatuen Funtzionamendu Arautegira egokitutako Barne-arautegiak, eta ikastegiek 2019ko maiatzaren 3rako egokitu behar dituzten beren egungo Barne-arautegiak Esparru Arautegira eta Funtzionamendu Arautegira. Halaber, Arautegia edo barne-araudia edo funtzionatzeko araudia daukaten Nafarroako Unibertsitate Publikoaren organo kolegiatu iraunkorrek 2019ko maiatzaren 3rako egokitu beharko dituzte arau horiek Nafarroako Unibertsitate Publikoko Organo Kolegiatuen Funtzionamendu Arautegian ezarritako aginduetara.
Gobernu Kontseiluak edo organo eskudunak dagozkion Arautegiak onetsi behar baditu ere indarra har dezaten, egokitzapen horiek berekin dakarte Nafarroako Unibertsitate Publikoko organo kolegiatuek komunikazioen ingurune itxia eduki behar dutela ezarritako datetan, eta horren bidez funtzionatzen hasi behar dutela nahitaez, beren arautegia edo Barne-arautegia edo funtzionamendu arautegia onetsi ondoren.
Komunikazioen ingurune itxiaren erabilera atzeratzea gomendatzen du ingurune hori ezartzeko eta egoki eta ziur erabiltzeko beharrezkoak diren bitarteko elektronikoen eta telematikoen ezarpenak.
Hori dela eta, egokitzat jotzen da egokitzapenerako gehienezko epea urtebetetik bi urtera luzatzea Nafarroako Unibertsitate Publikoko organo kolegiatu guztientzat oro har, bai Ikastegien eta Sailen Esparru Arautegiari dagokionez, bai Unibertsitateko Organo Kolegiatuen Funtzionamendu Arautegiari dagokionez; gehienezko epearen luzapena gorabehera, epea igaro baino lehen egokitu daitezke dagozkion arautegiak, eta komunikazioen ingurune itxiaren bidez funtziona daiteke.
Sailei dagokienez, kontuan hartuta ez dutela Barne-arautegirik eta gehienez ere urriaren 31n onetsiko direla, egokitzat jotzen da gehieneko data horri eustea arautegi berriak onesteko, baina aldi berean komunikazioen ingurune itxiaren bidez funtzionatu behar den data luzatzea. Horrek ez du esan nahi epea bukatu baino lehen ingurune horren bidez funtziona ezin daitekeenik.
Horren guztiaren ondorioz, honako hau da Gobernu Kontseiluak, Idazkaritza Nagusiak proposatuta, eta bere kideek aldez aurretik eztabaidatu eta gero, 2018ko urriaren 29an egindako bileran, hartu duen
ERABAKIA
Lehena.–Nafarroako Unibertsitate Publikoko Organo Kolegiatuen Funtzionamendu Arautegiko Xedapen Iragankor Bakarra aldatzea. Honela idatzita geratuko da:
1. apartatua: Arautegia edo barne-araudia edo funtzionatzeko araudia daukaten Nafarroako Unibertsitate Publikoaren organo kolegiatu iraunkorrek arau horiek Arautegi honetako aginduetara egokitu beharko dituzte, gehienez ere bi urteko epean Arautegi honek indarra hartzen duenetik, eta organo eskudunak onetsi beharko du.
Lehen esandako egokitzapena egiten ez den artean, organo kolegiatu iraunkorrek Arautegi honetan ezartzen diren sistema eta bitarteko elektronikoak erabiltzen ahalko dituzte, aldez aurretik dagokion organoak onetsi eta gero.
2. apartatua: Saileko organo kolegiatuek komunikazioen ingurune itxiaren bidez sortzeko eta funtzionatzeko eta espedientea formatu elektronikoan gordetzeko betebeharra izanen dute 2019ko urtarrilaren 30etik aurrera.
Hala ere, Arautegi honek indarra hartzen duenetik eta sailek komunikazioen ingurune itxia sortu arte, organo kolegiatuek Arautegi honek ezartzen dituen sistema eta bitarteko elektronikoak erabiltzen ahalko dituzte, dagokion organoaren aldez aurretiko onespenik gabe.
Bigarrena.–Nafarroako Unibertsitate Publikoko Ikastegien eta Sailen Esparru Arautegiaren Bigarren Xedapen Iragankorra aldatzea. Honela idatzita geratuko da:
Ikastegiko batzordeek beren kideen gehiengo osoz onetsi beharko dute dagokien fakultatearen edo eskolaren Barne-arautegia, Esparru Arautegi honetara egokitua, Arautegi hau indarrean sartu eta bi urteko epean gehienez ere.
Ikastegiko Batzordeak onartu eta gero, dekanoak edo zuzendariak Gobernu Kontseiluari helaraziko dio Arautegiaren proposamena, onets dezan.
Gobernu Kontseiluak Barne-arautegiak onesten ez dituen bitartean, egun indarrean daudenek zuzenduko dituzte fakultateak eta eskolak. Nolanahi ere, Barne-arautegi berriak onetsi arte, zilegi izanen da Fakultateek eta Eskolek Nafarroako Unibertsitate Publikoko Organo Kolegiatuen Funtzionamendu Arautegian ezarritako sistema eta bitarteko elektronikoak erabiltzea, dagokion organoak erabaki baten bidez onetsi ondoren.
Hirugarrena.–Erabaki hau Nafarroako Aldizkari Ofizialean argitaratzea.
Laugarrena.–Nafarroako Aldizkari Ofizialean argitaratu eta biharamunean hartuko du indarra erabaki honek.
Bosgarrena.–Erabaki hau dekanoei eta ikastegietako zuzendariei eta sailetako zuzendariei helaraztea.
Seigarrena.–Erabaki honen aurka, zilegi da administrazioarekiko auzi-errekurtsoa Nafarroako Administrazioarekiko Auzietako Epaitegietan, bi hilabeteko epean, Nafarroako Aldizkari Ofizialean argitaratu eta biharamunetik kontatzen hasita, Administrazioarekiko Auzien Jurisdikzioari buruzko 1998ko uztailaren 13ko 29/1998 Legearen xedapenetan ezarritakoarekin bat.
Iruñean, 2018ko urriaren 29an.–Errektorea, Alfonso Carlosena.
Iragarkiaren kodea: F1813289
