Iragarkia

211. ALDIZKARIA - 2018ko urriaren 31

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

3370/2018 EBAZPENA, urriaren 18koa, Hezkuntza Departamentuko Giza Baliabideen Zerbitzuko zuzendariak emana, zeinaren bidez dei egiten baita estatu mailako lekualdatze lehiaketarako, kidego hauetako irakasle funtzionarioentzat: maisu-maistren kidegoa, Bigarren Hezkuntzako katedradunen eta irakasleen kidegoa, Lanbide Heziketako irakasle teknikoen kidegoa, hizkuntza eskola ofizialetako katedradunen eta irakasleen kidegoa, musikako eta arte eszenikoetako katedradunen eta irakasleen kidegoa eta arte plastikoetako eta diseinuko katedradunen, irakasleen eta tailer maisu-maistren kidegoa.

Hezkuntzari buruzko maiatzaren 3ko 2/2006 Lege Organikoaren seigarren xedapen gehigarriko lehenbiziko apartatuak ezartzen du, funtzionario publiko direnen estatutu-araubidearen oinarrietan, “Estatu mailako lekualdaketa lehiaketen bidez” beteko direla lanpostuak.

Xedapen gehigarri horren 3. apartatuan ezartzen da hezkuntzako administrazioek aldian-aldian estatu osorako lekualdatze lehiaketen deialdiak egin behar dituztela, haien mendeko ikastetxeek finkatzen dituzten lanpostu hutsak bete ahal izateko. Horrez gainera, beren kudeaketa esparruko funtzionarioei beste hezkuntza administrazio batzuetako lanpostuetara jo ahal izateko aukerabidea bermatu behar diete eta, halakorik bada, lehiaketaren ondorioz sortzen diren lanpostuen esleipena egin beharra dute. Lehiaketa hauetan irakasle funtzionario publiko guztiek parte har dezakete, kontuan hartu gabe zein hezkuntza administraziotakoak diren edo nondik sartu ziren, betiere kasuan kasuko plantillaren edo lanpostu-zerrenden arabera deialdi bakoitzean ezartzen diren betebehar orokorrak eta berariazkoak betetzen baldin badituzte.

Bestalde, urriaren 29ko 1364/2010 Errege Dekretuak (errege dekretu horren bidez arautu ziren Hezkuntzari buruzko maiatzaren 3ko 2/2006 Lege Organikoan adierazitako irakasleen kidegoetako funtzionarioen estatuko lekualdatze lehiaketak eta haiek bete beharreko lanpostuak betetzeko beste prozedura batzuk), 7. artikuluan, honako hau ezartzen du: “bi urtez behin, hezkuntza administrazioek estatu mailako lekualdatze lehiaketak deituko dituzte, haien mendeko ikastetxeek ezarritako plaza edo lanpostu hutsak betetzearen ondorioetarako, eta, halaber, beren kudeaketa esparruko irakasleei bermatzeko parte hartu ahal izatea beste hezkuntza administrazio batzuetako plaza edo lanpostu batzuetarako lekualdaketan, eta, kasua bada, lehiaketaren ondorioz sortzen direnak esleitzeko”.

Halaber, kontuan hartu beharko da apirilaren 30eko 37/2014 Foru Dekretua, zeinak arautzen baitu nola bete Nafarroako Foru Komunitateko Administrazioaren unibertsitateaz kanpoko irakasle kidegoei dagozkien lanpostuak.

Kontuan izanik ezen estatu mailako azken lekualdatze-lehiaketa 2016-2017 ikasturtean deitu zela, 2018-2019 ikasturtean beste deialdi bat egin behar da.

Horrenbestez, jendaurreko araudia betez, eta urriaren 1eko EFP/1015/2018 Aginduarekin bat (horren bidez ezarri dira 2018-2019 ikasturtean egin beharreko estatu mailako lekualdatze lehiaketetan aplikatu beharreko prozedura-arauak, hain zuzen ere Hezkuntzari buruzko maiatzaren 3ko 2/2006 Lege Organikoko irakasle kidegoetako funtzionarioentzako lekualdatze-lehiaketetarako –lege organiko hori aldatu zen Hezkuntzaren Kalitatea Hobetzeko abenduaren 9ko 8/2013 Lege Organikoaren bidez–), eta Unibertsitateen eta Hezkuntza Baliabideen zuzendari nagusiaren martxoaren 7ko 183/2017 Ebazpenaren bidez eskuordetutako ahalmenak erabiliz,

EBATZI DUT:

1. Irakasle funtzionarioen estatu mailako lekualdatze lehiaketaren deialdia onestea, Nafarroako Foru Komunitatearen esparruan. Kidego hauetan izanen da lekualdatzea: maisu-maistren kidegoa, Bigarren Hezkuntzako katedradunen eta irakasleen kidegoa, Lanbide Heziketako irakasle teknikoen kidegoa, hizkuntza eskola ofizialetako katedradunen eta irakasleen kidegoa, musikako eta arte eszenikoetako katedradunen eta irakasleen kidegoa eta arte plastikoetako eta diseinuko katedradunen, irakasleen eta tailer maisu-maistren kidegoa.

2. Ebazpen hau eta eranskinak Nafarroako Aldizkari Ofizialean argitaratzeko agintzea.

3. Ebazpen hau eta eranskinak igortzea Hezkuntza Departamentuko Idazkaritza Tekniko Nagusira, Kudeaketa Juridiko-Administratiboaren Atalera eta Giza Baliabideen Zerbitzuko Deialdien Atalera, behar diren ondorioak izan ditzaten.

Iruñean, 2018ko urriaren 18an.–Giza Baliabideen Zerbitzuko zuzendaria, Francisco Javier Iglesias Álvarez.

LEKUALDATZE LEHIAKETARAKO DEIALDIAREN OINARRIAK

Lehenbizikoa.Lekualdatze lehiaketarako dei egin da, deialdi honetan ezartzen diren zehaztapenei jarraikiz, kidego hauetako irakasle funtzionarioen lanpostu hutsak betetzeko:

Bigarrena.–Borondatez parte har dezaketenak.

1.–Karrerako funtzionarioak, egitura organikoaren eta eginkizunen ondorioetarako Nafarroako Gobernuko Hezkuntza Departamentuaren mende daudenak:

1.1. Deialdi honetan borondatez parte hartzen ahalko dute deialdiaren lehenengo oinarrian aipatzen diren irakasleen kidegoetako karrerako funtzionarioek, baldin eta ondoko egoeraren batean baldin badaude:

A) Jardunean egotea eta behin betiko destinoa Hezkuntza Departamentuaren mendeko ikastetxeetan izatea, betiere ikasturte hau bukatzen denerako gutxienez bi urte igaro badira behin betiko azkeneko destinoaren jabetza hartu zutenetik.

B) Zerbitzu berezietan edo eszedentzia berezian egotea, zeinak deklaratuak egonen diren gaur egun Hezkuntza Departamentuaren mende dagoen ikastetxe batetik, betiere ikasturte hau bukatzen denerako gutxienez bi urte igaro badira behin betiko azkeneko destinoaren jabetza hartu zutenetik.

C) Borondatezko eszedentzian egotea, zeina deklaratua egonen den gaur egun Hezkuntza Departamentuaren mende dagoen ikastetxe batetik, betiere ikasturte hau bukatzen denerako jarduneko zerbitzura itzultzeko eskatzen diren baldintza guztiak betetzen baditu.

D) Gaur egun Hezkuntza Departamentuaren mende dagoen ikastetxeren batean deklaratutako eginkizun-gabetze egoeran izatea, betiere ikasturte hau bukatzen denerako eginkizun-gabetzeko diziplina zehapenaren indarraldia bukatzen bazaio.

Honako 1.1. atal honetan ezarritako ondorioetarako, 2019ko abuztuaren 31 hartuko da ikasturte bukaerako data gisa.

1.2. Oinarri honen 1.1. atalean aipatutako parte-hartzaileek zilegi izanen dute, halaber, beste hezkuntza administrazio batzuek egindako deialdietako lanpostuak sartzea eskabidean, betiere behin betiko lehen destinoa Nafarroako Foru Komunitatearen kudeaketa esparruan lortua badute eta deialdi horietan ezarritako baldintzak betetzen badituzte.

2.–Beste hezkuntza administrazio batzuetako funtzionarioak:

Beste hezkuntza administrazio batzuen mendeko funtzionarioek deialdi honetako lanpostuak eska ditzakete, deialdiko betebeharrak eta baldintzak betez gero, kasuan kasuko hezkuntza administrazioek zehazten dituzten mekanismo eta prozeduren bitartez.

Funtzionario horiek lortutako lehenengo behin betiko destinoak izan beharko du haiek hautatzeko prozesuaren deialdia egin zuen hezkuntza administrazioaren kudeaketa esparru berekoa, salbu eta deialdian betebehar hori eskatu ez bazen, urriaren 29ko 1364/2010 Errege Dekretuaren hirugarren xedapen iragankorrean xedatuarekin bat.

3.–Destinoa eskuratzeko lehentasunezko eskubidea erabili nahi dutenek deialdi honetako seigarren oinarrian ezarritakoa bete beharko dute.

Hirugarrena.–Nahitaez parte hartu behar dutenak.

1. Deialdi honetan parte hartu beharko dute, nahitaez, kidego hauetako irakasle funtzionarioek: maisu-maistren kidegoa, Bigarren Hezkuntzako katedradunen eta irakasleen kidegoa, Lanbide Heziketako irakasle teknikoen kidegoa, hizkuntza eskola ofizialetako katedradunen eta irakasleen kidegoa, musikako eta arte eszenikoetako katedradunen eta irakasleen kidegoa eta arte plastikoetako eta diseinuko katedradunen, irakasleen eta tailer maisu-maistren kidegoa, organikoki eta funtzionalki Nafarroako Gobernuko Hezkuntza Departamentuaren mende daudenek, ondoko egoeraren batean baldin badaude:

A) Behin-behineko destinoa duten karrerako eta jarduneko irakasle funtzionarioak, 2018-2019 ikasturtean Hezkuntza Departamentuaren mendeko ikastetxeetan ari direnak.

B) Giza Baliabideen Zerbitzuko zuzendariaren martxoaren 6ko 850/2018 Ebazpenaren bidez deitutako hautapen prozeduran hautatutako izangaiak, 2018-2019 ikasturtean praktiketan ari direnak.

C) Nahitaezko eszedentzian dauden karrerako irakasle funtzionarioak, behin-behineko itzultzerik lortu ez dutenak, baldin eszedentzia deklaratu bazen gaur egun Hezkuntza Departamentuaren mende dagoen ikastetxe batean zirelarik.

D) Kanpoko lanpostuei atxikita egon ondoren, 2019-2020 ikasturtean Hezkuntza Departamentuaren kudeaketa esparrura itzuli behar duten irakasle funtzionarioak edo, aurreko ikasturteren batean itzulita ere, behin betiko destinoa lortu ez dutenak.

E) Epai bat bete edo errekurtso bat ebaztearen ondorioz, edo behin betiko zuten lanpostua berariaz kendu zaielako, behin betiko destinoa galdu duten karrerako irakasle funtzionarioak.

Deialdi honen ondorioetarako, kendutako lanpostutzat hartuko dira, bakar-bakarrik, ebazpen formal eta banan-banan egindakoaren bidez berariaz kendu direnak.

F) Nafarroako Gobernuko Hezkuntza Departamentuan kudeaketaren arloan behin-behineko destinoa izanda, zerbitzu berezietan edo eszedentzia berezian dauden karrerako irakasle funtzionarioak.

2. Nahitaezkoei esleitzeari buruzko arauak:

A) Praktiketako funtzionarioek behin betiko destinoa eskuratu behar dute, nahitaez, gainditu duten hautapen prozeduraren espezialitatean eta hizkuntzan. Horretarako, zein espezialitate eta hizkuntzatan gainditu duten hautapen prozedura, horiei dagozkien lanpostu guztiak eskatu beharko dituzte. Gainera, borondatez eskatzen ahalko dituzte oposizioko espezialitatetik aukeragai dituzten lanpostuak, hizkuntza berean, IV. eranskinean ezarritakoarekin bat.

Lehiatzen ez direnei edo lehiatu arren behar adina lanpostu eskatzen ez dituztenei libreki esleituko zaie behin betiko destinoa, hautapen prozedurako espezialitate eta hizkuntzako lanpostuetan. Behin betiko destinoa lortzen ez badute, behin-behineko destinoko egoeran geldituko dira.

B) Otsailaren 23ko 276/2007 Errege Dekretuari jarraikiz deitutako hautapen prozedurak gainditu dituzten funtzionarioek eta behin-behineko destinoa duten funtzionarioek, hautapen prozedura zein espezialitate eta hizkuntzatan gainditu duten, horiei dagokien lanpostu batean lortu beharko dute behin betiko destinoa. Horretarako, zein espezialitate eta hizkuntzatan gainditu duten hautapen prozedura, horiei dagozkien lanpostu guztiak eskatu beharko dituzte. Gainera, borondatez eskatzen ahalko dituzte oposizioko espezialitatetik aukeragai dituzten lanpostuak, hizkuntza berean, IV. eranskinean ezarritakoarekin bat.

Aurreko paragrafoan xedatutakoa gorabehera, apirilaren 30eko 37/2014 Foru Dekretuaren 6. artikuluan xedatutakoarekin bat, otsailaren 23ko 276/2007 Errege Dekretuan ezarritako sistema iragankorraren bidez ingelesaren, frantsesaren eta euskararen espezialitateetako irakasleen kidegoetan sartu ziren funtzionarioek, lehendabiziko behin betiko destinoa eskuratu ez badute, borondatez eskatzen ahal dituzte oposizioaren espezialitatearen hizkuntzari dagozkion hizkuntza profilarekin ezartzen diren beste espezialitate batzuetarako lanpostuak, baldin eta titularra bada edo lanpostua eskaintzen den espezialitatea eskuratu badu eta kasuan kasuko hizkuntzaren frogagria badauka.

Lehiatzen ez direnei edo lehiatu arren behar adina lanpostu eskatzen ez dituztenei libreki esleituko zaie behin betiko destinoa, hautapen prozedurako espezialitate eta hizkuntzako lanpostuetan. Behin betiko destinoa lortzen ez badute, behin-behineko destinoko egoeran geldituko dira.

C) Otsailaren 23ko 276/2007 Errege Dekretua baino lehen deitutako hautapen prozedurak gainditu eta behin-behineko destinoa zuten funtzionarioek kidegoan sartzeko espezialitate eta hizkuntzako lanpostu guztiak eskatu behar dituzte eta, orobat, titular direneko espezialitateetako lanpostu guztiak, nahi duten hizkuntzan. Gainera, titular direneko espezialitateetatik abiatuta hauta ditzaketen beste lanpostu batzuk ere eskatzen ahal dituzte borondatez, IV. eranskinean ezarritakoarekin bat.

Lehiatzen ez direnei edo lehiatu arren behar adina lanpostu eskatzen ez dituztenei edo nahitaezkoei lanpostuak esleitzeko espezialitate guztien ordena adierazten ez dutenei libreki esleituko zaie behin betiko destinoa kidegoan sartzeko erabilitako espezialitate eta hizkuntzako lanpostuetan edo, bestela, kidegoan sartu ondoren lortu dituzten espezialitateetako edozeinetan, IV. eranskinean agertzen diren ordenaren arabera, hizkuntza berean, Nafarroako Foru Komunitateko ikastetxeetan betiere. Behin betiko destinoa lortzen ez badute, behin-behineko destinoko egoeran geldituko dira.

Orobat, C letra honetan xedatutakoa otsailaren 23ko 276/2007 Errege Dekretuaren babesean dei egindako sarrerako hautapen prozedurak gaindituta dituzten funtzionarioei aplikatuko zaie, baldin eta lehendik lortu badute behin betiko destinoa eta lekualdatze lehiaketa honetan behin-behineko gisa parte hartzen badute.

D) Nahitaezko eszedentzian dauden funtzionarioak, baldin eta deialdi honetan parte hartzen ez badute edo, parte hartu arren, behar adina ikastetxe eskatzen ez badituzte eta behin betiko destinoa lortzen ez badute, norberaren intereseko borondatezko eszedentzian geldituko dira, Nafarroako Administrazio Publikoen Zerbitzuko Langileen Estatutuaren testu bategineko 26.1 c) artikuluaren arabera.

E) Kanpoko lanpostuei atxikirik egon ondoren edo epai bat betetzearen edo errekurtso bat ebaztearen ondorioz behin betiko destinoa galtzeagatik edo behin betiko lanpostua berariaz kendu izanagatik deialdian parte hartzen duten funtzionarioei destinoa esleitzerakoan, arau hauei jarraituko zaie:

–Ebazpen honen seigarren oinarrian ezarritako moduan lehentasunezko eskubideaz baliaturik parte hartu badute eta destinorik lortu ez badute, behin-behineko destinoarekin geldituko dira, baina atxikita izan duten azken ikastetxeko herrian ikastetxeak aukeratzeko eskubidearekin, lanpostu hutsik izanez gero.

–Parte hartu beharra izan arren lehiatzen ez diren funtzionarioei, edo, deialdi honen seigarren oinarriak aipatzen duen lehentasunezko eskubideaz baliatu gabe parte harturik, eskatutako lanpostuetan destinorik lortzen ez dutenei eta, lehentasunezko eskubidea baliaturik ikastetxearen edo herriaren eskaera zuzen bat gutxienez egin ez dutenei, oinarri honen B) edo C) ataletan xedatutakoaren arabera esleituko zaie libreki behin betiko destinoa. Behin betiko destinoa lortzen ez badute, behin-behineko destinoko egoeran geratuko dira.

F) Lehenbiziko behin betiko destinoa lortu ez duten irakasle funtzionarioek Nafarroako Gobernuko Hezkuntza Departamentuaren mendeko lanpostuetara jo dezakete soilik. Ondorio horietarako, lehiaketaren bidez lortutako destinoaren jabetza hartua izan behar dute.

G) Nahitaezko esleipena deialdi honen II. eta III. eranskinetan ageri den ikastetxeen ordenaren arabera eginen da, irakasle kidego bakoitzeko.

H) Ez dira inolaz ere nahitaez esleituko deialdi honen V. eranskinean ageri diren lanpostuak.

3. Destinoa eskuratzeko lehentasunezko eskubidea erabili nahi dutenek deialdi honetako seigarren oinarrian ezarritakoa bete beharko dute.

Laugarrena.–Deialdiko lanpostuak eta haien argitalpena.

Urriaren 1eko EFP/1015/2018 Aginduaren bosgarren apartatuan aurreikusitako datetan zehaztuko dira deialdi honetan bete beharreko behin-behineko eta behin betiko lanpostu hutsak (agindu horren bidez ezarri dira 2018-2019 ikasturtean egin beharreko estatu mailako lekualdatze lehiaketetan aplikatu beharreko prozedura-arauak, hain zuzen ere Hezkuntzari buruzko maiatzaren 3ko 2/2006 Lege Organikoko irakasle kidegoetako funtzionarioentzako lekualdatze-lehiaketetarako –lege organiko hori aldatu zen Hezkuntzaren Kalitatea Hobetzeko abenduaren 9ko 8/2013 Lege Organikoaren bidez–), eta jendaurrean jarriko dira Hezkuntza Departamentuaren iragarki-taulan eta haren web-orrian (https://www.educacion.navarra.es/eu/web/dpto/inicio).

Horren ondorioetarako, hezkuntzako plangintza orokorrean aurreikusten diren lanpostuak sartuko dira, baita kidego bakoitzaren lehiaketaren ondorioz hutsik gelditzen direnak ere. Horiez gain, erretiroengatik, heriotzengatik edo lanpostua gordetzeko eskubiderik ez duten eszedentziengatik sor daitezkeen lanpostu hutsak ere gehitzen ahalko dira, gutxienez 2018ko abenduaren 31ra arte sortzen direnak. Lanpostu horien guztien funtzionamenduak eskola plangintzan aurreikusita egon beharko du.

Bigarren Hezkuntzako, hizkuntza eskola ofizialetako eta arte plastikoetako eta diseinuko katedradunen kidegoetako funtzionarioek maila bereko irakasleen kidegoetako funtzionarioekin batera hartuko dute parte, eta lanpostu huts berberak eskainiko zaizkie, katedradunen kidegoetakoak izateagatik aplikatzen ahal zaizkien berariazko merezimenduak galarazi gabe.

Bosgarrena.–Parte-hartzaileek eska ditzaketen lanpostuak.

1. Deialdiaren hirugarren oinarriko 2, A eta B atalean ezarritakoa galarazi gabe, irakasleen kidegoetako funtzionarioek titular direneko espezialitateetako lanpostuak eskatzen ahalko dituzte.

2. Halaber, irakasleen kidegoetako funtzionarioek titular direneko espezialitatearen baldintza duten beste lanpostu batzuk eskatzen ahalko dituzte, deialdi honen IV. eranskinean ezarritakoarekin bat.

3. Hezkuntzari buruzko maiatzaren 3ko 2/2006 Lege Organikoaren lehenbiziko xedapen iragankorraren eta Estatuko lekualdatze lehiaketak arautzen dituen errege dekretuaren arabera, Derrigorrezko Bigarren Hezkuntzako lehenbiziko bi kurtsoetan ezartzen diren lanpostuak maisu-maistren kidegoko funtzionarioek eska ditzakete, baldin eta deialdietan eskatutako gainerako baldintzak betetzen badituzte eta hurrengo kasu hauetakoren batean sarturik badaude: Derrigorrezko Bigarren Hezkuntzako lehenbiziko bi kurtsoetako lanpostuei behin betiko atxikitzea eta kurtso horietan behin betikotasunez betetzen zuten lanpostua galtzea, lanpostua kendu delako, betiere beste behin betiko destino bat lortu ez badute lanpostua kendu ondoren.

Langile horiek beharrezkoa den gaikuntza frogatu beharko dute, deialdi honen IV. eranskinean ezarritakoarekin bat.

4. Bigarren Hezkuntzako institutuetan eta Derrigorrezko Bigarren Hezkuntzako institutuetan Pedagogia Terapeutikoko lanpostuak eskatzen ahalko dituzte espezialitate horretako titularrak diren maisu-maistren kidegoko funtzionarioek, deialdi honetako IV. eranskinean ezarritakoarekin bat.

5. Euskara jakin beharra duten lanpostuak eskatzeko, EGA-Euskararen Gaitasun Agiriaren edo titulu baliokide baten jabe direla frogatu beharko dute, espezialitateko betebeharraz gain, salbu jadanik zerbitzuen orrian jaso bada.

6. Atzerriko hizkuntzaren profila (frantsesa, ingelesa eta alemana) duten irakaskuntza espezialitateei dagozkien lanpostuak eskatzeko, irakasleak kasuan kasuko hizkuntza ezagutzearen egiaztagiria eduki beharko du, Nafarroako Gobernuko Hezkuntza Departamentuak emana, apirilaren 30eko 37/2014 Foru Dekretuaren 9. artikuluan xedatuarekin bat.

Frogagiri hori, edo lehiakideen espediente pertsonalean dago jasota PI, PF edo PALE profilaren gisa, edo justifikatzen ahal da profil horietarako martxoaren 11ko 32/2013 Foru Aginduaren I. eranskinean eskatzen diren titulazioetako bat aurkeztuta, deialdiko eskaerak aurkezteko epearen barnean (foru agindu horrek ezartzen du irakasleek frogatu ditzaketen berariazko eskakizunak zehazteko eta hura egiaztatzeko prozedura). Azkeneko kasu horretan, aipatu foru aginduan aurreikusitako batzordeak dagokien profilean (PI, PF edo PALE) egiaztatuko ditu izangai horiek.

7. 1992ko Estatuko Aurrekontu Orokorrei buruzko abenduaren 30eko 31/1991 Legearen 29. xedapen gehigarriaren indarrez Bigarren Hezkuntzako katedradunen eta irakasleen kidegoetan sartu diren langileek, Nafarroako Foru Komunitateko Administrazioaren irakasle funtzionario gisa integratzeko foru dekretuetan egindako atxikipenei jarraikiz titular diren espezialitateetan parte hartzen ahalko dute, IV. eranskinean ezarritakoaren arabera. Kasu horretan, deialdi honen bidez beste ikastetxe batean behin betiko destino berri bat lortzean, parte-hartzaileak galdu eginen ditu atxikipen esparruan sartutako gainerako espezialitateen gainean izaten ahal dituen eskubideak.

Seigarrena.–Lehentasunezko eskubideak.

Oinarri honetan ezarritako kasuetakoren batean dauden karrerako irakasle funtzionarioak lehentasunezko eskubideaz balia daitezke, parte hartzen duteneko kidegoan lanpostu hutsik izanez gero, eta parte hartzeko eskabidean horixe adieraziko dute, eskariaren oinarri den arrazoiarekin batera.

Irakasle funtzionarioentzako estatu mailako lekualdatze lehiaketak arautzen dituen errege dekretuarekin eta Nafarroako Foru Komunitateko ikastetxeen sarea berrantolatzeko arauak ematen dituen martxoaren 13ko 69/1995 Foru Dekretuarekin bat, lanpostuak eskatzerakoan lehentasunezko eskubide hauek soilik alegatzen ahalko dira:

1.–Ikastetxea aukeratzeko lehentasunezko eskubidea.

Behin betiko destinoa zein ikastetxetan duten edo izan duten, horretan behin betiko destinoa lortzeko lehentasunezko eskubidea izanen dute, behin bakarrik, oinarri honetan aipatzen diren baldintzetakoren batean dauden irakasleek, lehentasun hurrenkeraren arabera:

1.1. Ikastetxe bateko behin betiko lanpostua kentzeagatik behin betiko destinorik gabe dauden irakasleak, harik eta behin betiko beste destino bat lortu arte, lanpostu horretan aritzeko eskatzen diren baldintzak betez gero.

Deialdi honen ondorioetarako, kendutako lanpostutzat hartuko dira ebazpen formal baten bidez berariaz kendu direnak.

1.2. Bigarren Hezkuntzako katedradunen eta irakasleen eta Lanbide Heziketako irakasle teknikoen kidegoetako irakasleak, espezialitate berri bat eskuratu dutenak, ekainaren 4ko 850/1993, otsailaren 27ko 334/2004 eta otsailaren 23ko 276/2007 Errege Dekretuetan xedatutakoaren babesean, espezialitate berriko lanpostu bat lortzeko behin betiko destinoa zuten ikastetxean.

1.3. Behin betiko destinoa duten irakasleak, gaztelaniaz irakasteko lanpostu bati atxikirik egonik EGA agiria edo baliokide bat dutenak, behin betiko destinoko ikastetxean espezialitate bereko edo beste bateko euskaraz irakasteko lanpostu bati edo euskara irakasteko lanpostu bati atxiki ahal izateko, horretan aritzeko baldintzak betetzen badituzte.

Bat-egitearen edo integrazioaren ondorioz sortutako ikastetxeko lanpostu hutsei aplikatzen ahalko zaie eskubide hori. Lerroak edo unitateak bereizten badira, bereizitako lerro edo unitateak jasotzen dituen ikastetxeari ere aplikatzen ahalko zaio.

Aurreko ataletako bakoitzean aipatu egoeretan dauden bi funtzionario edo gehiago lehiatuz gero, merezimenduen baremoan puntuazio handiena duenari esleituko zaio lanpostua. Puntuazioetan berdinketak izaten badira, hori hausteko lehenbiziko irizpidea izanen da ikastetxean karrerako funtzionario gisa zein aritu den denbora gehiago benetako zerbitzuetan, eta, beharrezkoa izanez gero, merezimenduen baremoan aurreikusitako gainerako irizpideak aplikatuko dira, agertzen diren hurrenkera berean.

2.–Ikastetxea aukeratzeko lehentasunezko eskubidea erabiltzea.

Ikastetxea aukeratzeko lehentasunezko eskubideetako bat, aurreko atalean aipatua, erabili nahi duten irakasleek parte hartzeko eskabidean lehen-lehenik jarri beharko dute (ikastetxea aukeratzeko lehentasunezko eskubideari dagokion epigrafean) lehentasunezko eskubidearekin parte hartzen duteneko kasua eta zer ikastetxetan erabiltzen den eskubide hori. Gainera, lehentasunezko hurrenkeraren arabera jarri beharko dituzte eskubide horretaz baliatzeko eskaerak, honako hauek adieraziko dituztenak: espezialitatea eta hizkuntza, eta, hala denean, elebitasuna edo/eta lanpostu ibiltaria. Ondorio horietarako, lanpostu desberdintzat joko da hizkuntzaren baldintza eta/edo ibiltari izaera duena.

Parte-hartzaileak ez daude beharturik titular direneko espezialitate guztiak eskatzera eta titular direneko espezialitatearen baldintza duten beste lanpostu batzuk borondatez eskatzen ahalko dituzte, deialdi honen IV. eranskinean ezarritakoarekin bat.

Oinarri honetan ikastetxea aukeratzeko ezarritako lehentasunezko eskubideetako bi edo gehiago erabiltzen ahal dituzten irakasleek eskabidean adierazi beharko dute kasurik onuragarriena zein den, oinarri honen 1. atalean ageri den lehentasun hurrenkeraren arabera.

Titularrak direneko espezialitateen arabera eskura ditzaketen lanpostuetarako beste eskaera batzuk sartzen ahalko dira eskabide berean, lehentasunezko eskubiderik izan gabe haiek lortzeko lehiaketan parte hartu nahi badute.

3.–Herria edo eskualdea aukeratzeko lehentasunezko eskubideak.

Herri edo eskualde bateko ikastetxeetan behin betiko destinoa lortzeko lehentasunezko eskubidea izanen dute, behin bakarrik eta lanpostu hutsik bada, oinarri honetan aipatzen diren baldintzetakoren bat betetzen duten karrerako funtzionarioek, lehentasun hurrenkeraren arabera:

3.1. Ikastetxe bateko behin betiko lanpostua kendu edo aldatzeagatik behin betiko destinorik ez duten irakasleek lehentasunezko eskubidea izanen dute, behin betiko beste destino bat lortu arte, kendutako lanpostua zegoen herri edo eskualde bereko beste ikastetxe batean beste lanpostu bat lortzeko.

3.2. Administrazio publikoan beste postu batera pasatzeagatik, behin betiko betetzen zuten irakasle lanpostua galduta, eta betiere azken postua utzi badute.

3.3. Atzerriko ikastetxe publikoak uzteagatik haietarako atxikipen denbora bukatu delako (Hezkuntza, Kultura eta Kirol Ministerioaren kanpoko administrazioa arautzen duen urriaren 31ko 1138/2002 Errege Dekretuaren 10.6 eta 14.4 artikuluak), edo Espainian irakastera legez ezarritako beste arrazoiren batengatik itzultzeagatik.

3.4. Behin betiko destinoa epai bat betetzearen edo errekurtso administratibo bat ebaztearen ondorioz galdu izateagatik.

3.5. Ezintasun iraunkorraren ondoriozko erretiro egoeran deklaratu ondoren jardunerako birgaitu direnak.

Aurreko ataletako bakoitzean aipatu egoeretan dauden karrerako bi funtzionario edo gehiago lehiatuz gero, merezimenduen baremoan puntuazio handiena duenari esleituko zaio lanpostua. Puntuazioen guztirakoan berdinketarik izaten bada, deialdiaren hamalaugarren oinarrian berdinketa hausteko ezarritako irizpideak aplikatuko dira.

4.–Herria edo eskualdea hautatzeko lehentasunezko eskubidea erabiltzea.

Lehentasunezko eskubidea zein herritatik datorkion, hantxe erabili beharko da (deialdiaren II. eta III. eranskinak); aukeran izanen da eskualdeko beste herri baterako edo batzuetarako erabiltzea (deialdiaren II-A eta III. eranskinak). Halaber, parte-hartzailea titular deneko espezialitate guztietarako nahitaez erabili beharko da lehentasunezko eskubide hori; gainera, aukeran izanen da hizkuntzaren baldintza (bertakoa eta/edo kanpokoa) edo ibiltari izaera duten espezialitateetarako erabiltzea, bai eta Derrigorrezko Bigarren Hezkuntzako lehenengo bi kurtsoetako lanpostuetarako eta Bigarren Hezkuntzako institutuetako eta Derrigorrezko Bigarren Hezkuntzako institutuetako Pedagogia Terapeutikoko lanpostuetarako. Titular direneko espezialitatearen baldintza duten beste lanpostu batzuk borondatez eskatzen ahalko dira, deialdi honen IV. eranskinean ezarritakoarekin bat.

Lanpostu bereziei atxikitako maisu-maistren kidegoko irakasleek lehentasunezko eskubidea erabiltzen ahalko dute, aurreko paragrafoan xedatukoaren arabera. Horretarako, ebazpen honen II-A eranskinean biltzen diren herrietako bat aukeratu beharko dute, betiere kendutako lanpostuaren jarduketa eremuaren barnean badago (II-B eranskina).

Apirilaren 30eko 37/2014 Foru Dekretuaren bidez irakasleen kidego guztietarako, maisu-maistren kidegorako izan ezik, onetsitako zonifikazioarekin bat, Iruña bi lurralde eremutan edo bi herritan banatzen da. Ondorio horietarako, III. eranskinean zerrendatzen diren Iruñeko ikastetxeak bi lurralde eremu horietakoak dira (Iruña 1 eta Iruña 2). Bi herri desberdinen modura funtzionatzen dute, bi eremu desberdinetan sartuta, lehentasunezko eskubidea erabiltzearen ondorioetarako.

Aurreko atalean ageri diren herria edo eskualdea hautatzeko lehentasunezko eskubideetako bat erabiltzen duten irakasleek honako hau adierazi beharko dute parte hartzeko eskabidean:

1. Lehenik, “herria aukeratzeko lehentasunezko eskubidea” izeneko epigrafean, ondokoak jarri beharko dira: lehentasunezko eskubidearekin zein kasuren bidez parte hartzen den, zein herritan erabiltzen den eta, hala balegokio, hautatu den herriko eskualdearen gainean lehentasunezko eskubidea erabiltzen dela adierazi.

Aurretik adierazitakoarekin bat, irakasleen kidego guztientzat, maisu-maistren kidegoarentzat izan ezik, Iruña bada lehentasunezko eskubidearen herria, parte-hartzaileek herriari dagokion epigrafean “Iruña 1” edo “Iruña 2” zehaztu beharko dute, lehentasunezko eskubidearen ikastetxea non kokatzen den, III. eranskinean jasotakoari jarraituz.

2. Bigarrenik, lehentasun hurrenkeraren bidez, bete beharko dira titular direneko espezialitate guztiak. Lehiatzaileak bertako hizkuntzako lanpostua eskatzen ahal badu, aukeratzea dauka bertako hizkuntzarekin eta/edo gabe eskatu nahi duen titular deneko espezialitate bakoitza. Horrela egiten ez bada eta destinoa ez bada lortzen adierazitako batean, Administrazioak askatasunez esleituko du postuaren erreserba adierazi gabeko espezialitateren batean; lehenik bertako hizkuntza eskatzen duen adierazi gabeko espezialitate bakoitza garatuko du, eta gero, bertako hizkuntza eskatzen ez dutenak, baldin lehiatzaileak bertako hizkuntza duten lanpostuak eskatzeko baldintzak betetzen baditu.

Hizkuntzaren eta/edo ibiltaritzaren baldintza duten espezialitateetarako postua gordetzeko eskaria eginez gero, espezialitate eta hizkuntzetarako gordetako laukitxoen ondoan dauden laukitxoetan adieraziko dute. Beren espezialitateen arabera borondatez hauta ditzaketen lanpostuetarako erreserba eskatuz gero, zer lanpostu eskatzen dituzten adierazi beharko dute deialdiaren IV. eranskinari jarraikiz. Lehentasun hori kontuan hartuko da herria eta espezialitatea erreserbatzeko.

Lehentasunezko eskubideaz baliaturik herriaren eta espezialitatearen erreserba lortuta, destinoko ikastetxea erabakiko da baremoan lortutako puntu kopuruaren arabera, lekualdatze lehiaketetako gainerako parte-hartzaileekin lehian.

3. Hirugarrenik, ikastetxea lortzeko, herri edo eskualderako lehentasunezko eskubidea erabiltzen dutenek eskabidean jarri beharko dituzte (“lekualdatze lehiaketarako eskaerei” dagokien epigrafean), lehentasun hurrenkeraren arabera, eskubidea sortzen duen herriko ikastetxe guztiak (II. eranskinean ageri dira maisu-maistren kidegorako eta III. eranskinean gainerako kidegoetarako), eta, hala denean, eskualdearen barnean nahi dituen herrien eranskin beretako ikastetxe guztiak; herria eskatuz gero, herri horretan lanpostu hutsak dituen edozein ikastetxetan jasoko du destinoa; ikastetxeak eskatuz gero, herrien multzo homogeneotan bilduta egon beharko dute ikastetxeek. Eskubidea sortzen duen herriko ikastetxe guztiak eta aukeran eskatutako herriko edo herrietako ikastetxe guztiak eskatzen ez badira, herri horietakoren batean lanpostu hutsik bada, Administrazioak libreki destinatuko ditu herri horretako edo horietako gainerako ikastetxeetako edozeinetara, eranskinetan kidego bakoitzerako zerrendan ageri den hurrenkerari jarraikiz, salbu eta deialdi honen V. eranskinean nahitaezkoendako esleipenetik kanpo gelditutako ikastetxeak. Berdin jokatuko da interesdunek lanpostu erreserba lortu badute, beren lehentasunen arabera, hizkuntzaren edo ibiltaritzaren baldintza duen espezialitatean edo beren espezialitateen arabera borondatez hauta ditzaketen lanpostuetan.

Aurretik aipatu diren kasu guztietan, lehentasunezko eskubidea erabiltzen duten lehiatzaileek “DPL” –lehentasunezko eskubidea– siglak jarri beharko dituzte eskatutako ikastetxearen espezialitateari dagokion laukitxoan. Hala, parte hartzeko oinarri diren espezialitate guztiak eskatu direla ulertuko da.

Oinarri honetan herria aukeratzeko ezarritako lehentasunezko eskubideetako bi edo gehiago erabiltzen ahal dituzten lehiatzaileek eskabidean adierazi beharko dute kasurik onuragarriena zein den, oinarri honen 3. atalean ageri den lehentasun hurrenkeraren arabera.

Horien ondotik, titularrak direlako, espezialitateen arabera eskura ditzaketen beste lanpostu batzuetarako eskaerak sartzen ahalko dituzte, lehentasunezko eskubiderik izan gabe haiek lortzeko lehiaketan parte hartu nahi badute.

5.–Lehentasunezko eskubideen arteko lehentasun hurrenkera.

Oinarri honetan onartutako lehentasunezko eskubideen artean honako lehentasun hurrenkera aplikatuko da:

a) Ikastetxea aukeratzeko lehentasunezko eskubidea.

b) Herria edo eskualdea aukeratzeko lehentasunezko eskubidea.

Zazpigarrena.–Batera aurkezteko eskubidea.

1. Batera aurkezteko eskubidetzat jotzen da honako aukera hau: irakasle kidego berekoak diren eta behin betiko destinoa duten karrerako zenbait funtzionariok lehiaketan beren borondatez parte hartzeko baldintza gisa jartzea destinoa probintzia jakin bateko ikastetxe batean edo batzuetan lortzea.

2. Eskubide horrek berezitasun hauek ditu:

–Parte-hartzaileek beren eskabideetan probintzia bakar bateko ikastetxeak sartuko dituzte, berbera talde bakoitzarentzat.

–Talde bakoitzean lau pertsona bil daitezke gehienez.

–I. eranskineko merezimenduen baremoa aplikatuta zehaztuko da destinoaren esleipena.

–Modalitate honen xedea da talde bateko pertsona guztiek probintzia bateko ikastetxe batean edo batzuetan eta aldi berean lortzea destinoa. Horietakoren batek lanposturik lortzerik ez badu, ezetsitzat joko dira beraz taldearen eskaera guztiak.

3. Modalitate honi heltzen dion irakasleak berarekin batera aurkezten diren funtzionarioen identifikazio datuak jarri beharko ditu. Datu horiek jarri ez edo oker ematen badira, taldeko guztien eskabideak deuseztatuko dira.

4. Modalitate honi heldu nahi dioten irakasleek deialdiaren bigarren oinarrian borondatez parte hartzeari buruz ezarritako baldintzak bete beharko dituzte.

Zortzigarrena.–Parte hartzeko eskabidea eta aurkeztu beharreko agiriak.

1. Parte-hartzaile guztiek agiri hauek aurkeztu beharko dituzte parte hartzeko eskabidearekin batera:

A) Hezkuntza Administrazio honek deitutako lekualdatze lehiaketetatik 2010-2011 ikasturteaz geroztik onetsietako batean parte hartu duten izangaiei parte hartu zuten azken lekualdatze lehiaketan lortutako behin betiko puntuazioa berretsiko zaie, ondoko honekin bat etorriz:

–Puntuazioa berretsiko zaie Hezkuntza Administrazio honek dei egindako lekualdatze lehiaketa horietan parte hartu zuten langileei, salbu praktiketako funtzionario gisa lehiatu ziren langileei.

–Parte hartu zuten azken lehiaketan lortutako behin betiko puntuazioa berretsiko da, salbu eta merezimenduen baremoaren I. atala, Giza Baliabideen Zerbitzuak ofizioz baloratuko baitu.

–Parte-hartzaile horiek, soilik, kasuan kasuko lekualdatze-lehiaketaren deialdirako eskaerak aurkezteko epea bukatu ondoren hobetutako merezimenduak aurkez ditzakete.

–Puntuazioa berresteko baldintzak betetzen dituzten interesdunek eskuratu dezakete azken lekualdatze-lehiaketan lortutako behin betiko puntuazioa, eskaerak aurkezteko aplikazio telematikoan. Orobat, aplikazio horretan adieraziko zaie interesdunei noiz bukatzen zen eskaerak aurkezteko epea parte hartu duten azken deialdian.

–Behin betiko puntuazioak berretsiko dira deialdi honen I. eranskineko merezimenduen baremoan ezarritako balorazio irizpideei jarraituta.

Giza Baliabideen Zerbitzuak lekualdatze lehiaketaren puntuazioari ofizioz erantsiko dio parte hartu duten azken deialdian eskaerak aurkezteko epea bukatu ondoren parte hartzaileek hobetutako merezimenduen puntuazioa, baremoaren ondoko atal hauei dagokienez: 4.1 eta 4.2 atalak; 4.3 ataleko aholkulari lanpostuak; 6.4 eta 6.5 ataletako merezimenduak (Nafarroako Gobernuko Hezkuntza Departamentuak izendatutako epaimahaietan parte hartzea), parte-hartzaile bakoitzaren espedientean dagoen dokumentazioari jarraikiz.

Parte hartu duten azken deialdian eskaerak aurkezteko epea bukatu aurretik hobetutako merezimendu berriak aurkeztu nahi dituztelako edo konforme ez daudelako, parte hartu zuten lekualdatze lehiaketaren azken puntuazioa berretsi nahi ez duten parte-hartzaileek propio adierazi beharko dute parte hartzeko eskabideari dagokion laukitxoan. Parte-hartzaile horiek, baita lehiaketa horietan parte hartu ez zutenek ere, merezimenduak frogatzen dituen hurrengo dokumentazioa erantsi beharko diote parte hartzeko eskabideari, aurkezten direnak bakarrik baloratuko baitira:

Deialdi honen I. eranskinean argitaratutako baremoko 3., 4.3 ataletan (prestakuntzako aholkulari lanpostuak izan ezik), 5., 6.1, 6.2, 6.3, 6.5 ataletan (beste hezkuntza administrazio batzuek izendatutako epaimahaietan parte hartzea) eta 6.6 atalean aipatu merezimenduen baloraziorako frogagiriak.

B) Euskaraz jakin beharra duten lanpostuak eskatzen dituzten izangaiek EGA-Euskararen Gaitasun Agiriaren edo titulu baliokide baten jabe direla frogatzeko dokumentazioa aurkeztu beharko dute, salbu jadanik zerbitzu orrian jaso bada.

C) Atzerriko hizkuntzaren profila (frantsesa, ingelesa eta alemana) duten irakaskuntza espezialitateei dagozkien lanpostuetarako izangaiek aurkeztu beharko dute martxoaren 11ko 32/2013 Foru Aginduaren I. eranskinean jasotako titulazioak dituztela PI, PF eta PALE profiletarako frogatzen duen dokumentazioa, non ez diren jasotzen profil horiek haien espediente pertsonaletan.

D) Giza Baliabideen Zerbitzuak ofizioz sartuko ditu baremoko 1., 2., 4.1 eta 4.2 atalei dagozkien merezimenduak; 4.3 ataleko aholkulari lanpostuak; 6.4 eta 6.5 ataletako merezimenduak (Nafarroako Gobernuko Hezkuntza Departamentuak izendatutako epaimahaietan parte hartzea), parte-hartzaile bakoitzaren espedientean dagoen dokumentazioari jarraikiz.

Halaber, Giza Baliabideen Zerbitzuak ofizioz baloratuko die, baremoko 6.7 atalean, zerbitzu orrian ageri den euskarazko titulazioa, euskaraz emandako espezialitate bati atxikita dauden edo horren titular diren irakasleei, ez badute behintzat parte-hartzaileek merezimenduen baremoko 3.3 atalean aipatu euskarazko titulazioaren frogagiria aurkezten eta, horrekin batera, baremoko atal honetan baloratzeko eskatzen.

2. Agiriak jatorrizkoak edo kopia konpultsatuak izanen dira. Horretarako, Hezkuntza Departamentuaren mendeko ikastetxeetako zuzendariek ahalmena dute agiriak konpultsatzeko, maiatzaren 18ko 182/2001 Foru Aginduan ezarritakoari jarraikiz.

3. Parte hartzeko betebehar guztiak eta alegatutako merezimenduak eskabideak aurkezteko epea bukatzen den egunean bete beharko dira.

Bederatzigarrena.–Eskabideak eta agiriak aurkeztea.

1. Deialdi honetako parte-hartzaileek, espezialitate eta hizkuntza baterako baino gehiagotarako lehiatuta ere, eskabide bakarra aurkeztuko dute parte hartzeko, oinarri honetan ezarritako arauekin bat.

Hezkuntzako kontseilariak martxoaren 14an emandako 35/2017 Foru Aginduan xedatutakoarekin bat (foru agindu horren bidez ezarri zen administrazio prozedura elektronikoa eta telematika bidezko tramitazioa nahitaezkoak direla Hezkuntza Departamentuko Giza Baliabideen Zerbitzuak kudeatzen dituen hainbat eskaera, komunikazio eta beste dokumentu batzuk aurkezteko, hartzaileak Hezkuntza Departamentuari atxikitako langileak direnean edo departamentu horretan irakasle gisa zerbitzuak emateko aldi baterako kontratazioa egiteko indarreko zerrendetako hautagaiak direnean), lekualdatze lehiaketa honetan parte hartzen duten irakasle guztiek bete beharko dute parte hartzeko eskabidea Hezkuntza Departamentuaren web-orrian eskura duten aplikazio informatikoaren bidez (https://www.educacion.navarra.es/eu/web/dpto/inicio).

Aplikazioak emanen dituen jarraibideen arabera beteko da eskabidea.

Lehenik, aplikazio informatikoa erabiliz betetako eskabidea sinatu egin beharko da eta, gero, aplikazio beraren bidez igorri. Behar bezala sinatu eta eskabideak aurkezteko epean aurkezten ez diren eskabideen zirriborro guztiak automatikoki ezabatuko dira epea bukatutakoan.

Interesdunek aurkeztu nahi dituzten merezimendu edo/eta baldintzen frogagiriak Giza Baliabideen Zerbitzuari zuzenduko zaizkio eta Hezkuntza Departamentuko Erregistroan aurkeztuko dira (San Domingo kalea z.g., Iruña), edo, bestela, Nafarroako Gobernuko Erregistro Orokorrean, Nafarroako Gobernuaren gainerako erregistro bulegoetan edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan adierazitako bideren bat erabiliz.

Dokumentazioa posta bulego batean aurkeztuz gero, gutun-azal ireki batean aurkeztuko da, postako langileek data eta zigilua jar diezazkioten ziurtapena egin aurretik.

Salbuespen gisa eta Hezkuntza Departamentuari aldez aurretik jakinarazi eta hark onartuta, parte hartzeko eskabidea zuzenean aurkezten ahalko da, telematika bidez aurkeztea zaildu edo galarazten duten inguruabarrik egonez gero.

2. Parte hartzeko eskabide bat baino gehiago aurkeztuz gero, epearen barrenean aurkezten den azkeneko eskabidea baizik ez da tramitatuko, eta horrek bakarrik balioko du.

Hamargarrena.–Eskabideak eta agiriak aurkezteko epea.

Hau izanen da eskabideak eta agiriak aurkezteko epea: 2018ko azaroaren 6tik 27ra, bi egun horiek barne.

Eskabidea aurkeztu ondoren, eskabideak aurkezteko epea amaitu baino lehen soilik egin dakioke uko lehiaketan parte hartzeari. Hamalaugarren oinarriaren 2. puntuan adierazten den epean ere aurkezten ahalko dira ukoak. Uko horrek parte hartzeko eskabidean adierazitako eskaera guztiak hartuko ditu.

Aurkezteko epea bukatuta, ez da onartuko eskabide gehiagorik, egindako eskaeren gaineko inolako aldaketarik edo merezimenduen agiririk.

Hamaikagarrena–Lanpostuen eta postuen eskaerak.

A) Parte-hartzaile guztiei dagozkien arauak:

1. Parte-hartzaileek eskaerak egin ditzaten, deialdi honen eranskinetan azaltzen dira Nafarroako Foru Komunitateko Administrazioaren kudeaketa esparruko ikastetxe eta eskualdeak, baita eska daitezkeen lanpostuak ere. Hona hemen:

–II. eranskina: maisu-maistren kidegorako ikastetxe eta eskualdeen zerrenda.

–III. eranskina: gainerako irakasle kidegoetarako ikastetxeen eta eskualdeen zerrenda.

–IV. eranskina: parte-hartzaileek kidego bakoitzean eska ditzaketen lanpostuak edo postuak.

2. Deialdi honetan parte hartzen duten irakasleek, parte hartzeko eskabidean (“lekualdatze lehiaketarako eskaerak” izeneko epigrafean), titular direneko espezialitateen arabera eskura ditzaketen lanpostuei buruzko eskaerak adierazi beharko dituzte, lehentasun hurrenkeraren arabera. Ikastetxeak (II. edo III. eranskinak) eta espezialitateak edo lanpostuak (IV. eranskina) jarriko dituzte.

Eskaera guztietan ikastetxearen edo herriaren kodea eta lanpostu motaren kodea (lanpostuaren edo espezialitatearen kodea) azaldu beharko dira, eta beharrezkoa denean baino ez, bertako hizkuntzaren kodea ere adierazi beharko da euskarazko lanpostuetarako, elebidunaren kodea programa eleaniztunetako lanpostuetarako, eta/edo lanpostu ibiltariak diren. Parte-hartzaile bakoitzak ezin ditu 300 eskaera baino gehiago egin eskabidean. Nafarroako aplikazio telematikoak kodeak letra bihurtzeko aukera emanen die izangaiei; alabaina, kode horiek azalduko dira parte-hartzaileak hartuko duen eskabide erregistratuaren gordekinean.

3. Ikastetxe edo herri jakin baterako egiten ahal dira eskaerak, eta bi bideak batera erabil daitezke. Herri baterako eskaerak egiten badira, herri horretan lanpostu hutsik edo ondoriozko lanposturik duen lehen ikastetxea esleituko da, deialdian ageri diren hurrenkera berean, nahitaezkoendako esleipenetik kanpo gelditutako ikastetxeak izan ezik (V. eranskina). Herri bateko ikastetxeei dagokienez parte-hartzaileak horietako bat edo batzuk lehentasunez eskatu nahi izanez gero, ikastetxe horiek banakako eskaera gisa ager daitezke lehentasun hurrenkeran ezarrita eta, gero, dagokion herria jarri; ulertuko da herriko gainerako ikastetxeak deialdian argitaratu diren hurrenkeran gehitu direla.

Irakasleen kidego guztientzat, maisu-maistren kidegoarentzat izan ezik, Iruña bi lurralde eremutan edo bi herritan dago banaturik. Horrenbestez, lanpostuak eskatzeko ondorioetarako, III. eranskinean zerrendatzen diren Iruñeko ikastetxeak bi lurralde eremutakoak dira (Iruña 1 eta Iruña 2) eta bi herri desberdinen modura funtzionatzen dute deialdi honetan.

4. Ikastetxe edo herri bateko lanpostu espezialitate bat baino gehiago eskatzen bada, beharrezkoa da eskatzen diren lanpostuak adina aldiz errepikatzea ikastetxea edo herria. Ondorio horietarako, espezialitate desberdintzat hartuko da hizkuntza betebeharra (bertako hizkuntza edo elebiduna) eta/edo izaera ibiltaria duena.

5. Betiere, eskabidean adierazitako kodeei dagozkien lanpostuak izanen dira parte-hartzaileek eskatutako lanpostutzat hartuko direnak.

Osatu gabeko kodeak, existitzen ez direnak, behar den laukitxoan jartzen ez direnak edo parte-hartzaileak eskatzen ahal dituen lanpostuekin bat ez datozenak dituzten eskaerak deuseztatuko dira.

Lehiatzaile boluntarioek ez badute lanposturik eskatzen eskabideak aurkezteko epearen barruan, lekualdatze lehiaketatik kanpo geldituko dira.

Eskaera guztiak aurreko inguruabarrak direla-eta bertan behera uzten badira, lehiatzaileak ez du destinorik jasoko lekualdatze lehiaketan, deialdian ezarritakoaren arabera destinoa ofizioz esleitzeko kasuak galarazi gabe.

Interesdunak daturen bat oker ematen badu edo eman gabe uzten badu, ezin izanen du halakorik aipatu geroko erreklamazioetan, ez eta ondorioztatu ere hargatik bere interes nahiz eskubideak urratu direla.

Eskabideak aurkezteko epea bukatu ondoan, ezin izanen da inolako arrazoirengatik beste eskaerarik egin edo egindako eskaerak aldatu, ezta bertan eskatutako lanpostuen lehentasunezko hurrenkera ere.

B) Lanpostuak karrerako funtzionarioek eskatzea, egitura organikoaren eta eginkizunen ondorioetarako Nafarroako Gobernuko Hezkuntza Departamentuaren mende daudenek:

1. Nafarroako Gobernuko Hezkuntza Departamentuaren kudeaketa esparruaren barneko lanpostuak eskatzea:

Euskaraz irakasteko lanpostuak eskatuz gero, “euskara” adierazi beharko da hizkuntzaren laukitxoan, zein den ere eskatutako ikastetxearen hizkuntza eredua. Hizkuntzaren betebeharra daukan lanpostua eskatzea beste eskaera bat balitz bezala kontatuko da. Gaztelaniazko lanpostuak eskatzeko, hizkuntzaren laukitxoa bete behar da (gaztelania). Euskal Hizkuntza eta Literatura (Nafarroa), Euskara, Euskara (Nafarroa), Euskal hizkuntza, Euskara helduentzat eta Komunikazioaren esparrua: euskara izeneko espezialitateei dagozkien lanpostuen eskaerek “lanpostuko hizkuntza euskara” eramanen dute.

Eskatzen diren lanpostuak, frantseseko, ingeleseko edo alemaneko programa eleaniztunekoak badira, inguruabar hori aipatu beharko da, “lanpostu elebiduna” izeneko laukitxoan zer hizkuntza eskatzen den adierazita.

Frantseseko, ingeleseko edo alemaneko espezialitateei dagozkien eskaerek ez dute inoiz kode elebidunik eramanen.

Maisu-maistren kidegoan, ikastetxe eta herriak eskatzerakoan, postuak ibiltariak badira hura jakinarazi beharko da dagokion laukitxoa (I) markatuta.

Helduentzako Pedagogia Terapeutikoa, Helduen Lehen Hezkuntza, Helduen Ingelesa, Helduen Frantsesa, Gutxiengo Kulturalak eta Entzumena eta Hizkuntza Eskualdean espezialitateei dagozkien lanpostuen eskaerek ez dute inoiz ibiltaritzako koderik eramanen.

2. Beste hezkuntza administrazio batzuetako lanpostuak eskatzea:

Egitura organikoaren eta eginkizunen ondorioetarako Nafarroako Gobernuko Hezkuntza Departamentuaren mende dauden funtzionarioek, beste hezkuntza administrazio batzuetako lanpostuak eskatu nahi badituzte, deialdi horietan ezartzen diren baldintzak bete beharko dituzte, eta kasuan kasuko deialdietan jasotzen diren espezialitateak, bertako hizkuntzak, ikastetxeak, herriak eta abar adierazi beharko dituzte aplikazio telematikoan.

Nafarroako aplikazio telematikoak ez du iragazki edo kontrolik ezartzen beste hezkuntza administrazio batzuetarako lanpostu eskaeren kasuan.

C) Nafarroako Gobernuko Hezkuntza Departamentuaren kudeaketa eremuko lanpostuak eskatzea beste hezkuntza administrazio batzuen mendeko funtzionarioek:

Euskarazko lanpostuak eskatuz gero, 1 adierazi beharko da “bertako hizkuntzaren” laukitxoan (V), zein den ere eskatutako ikastetxearen hizkuntza eredua. Hizkuntzaren betebeharra daukan lanpostua eskatzea beste eskaera bat balitz bezala kontatuko da. Gaztelaniazko lanpostuak eskatzeko, ez da bertako hizkuntzaren laukitxoa bete behar. Euskal Hizkuntza eta Literatura (Nafarroa), Euskara, Euskara (Nafarroa), Euskal hizkuntza, Euskara helduentzat eta Komunikazioaren esparrua: euskara izeneko espezialitateei dagozkien lanpostuen eskaerek “lanpostuko hizkuntza euskara” eraman beharko dute.

Eskatzen diren lanpostuak atzerriko hizkuntzaren eskakizuna duten irakaskuntza espezialitateei badagozkie (frantsesa, ingelesa eta alemana), 1, 2 edo 3 jarri beharko da, hurrenez hurren, “elebiduna” (B) kontzeptuari dagokion laukitxoan.

Frantseseko, ingeleseko edo alemaneko espezialitateei dagozkien eskaerek ez dute inoiz kode elebidunik eraman beharko.

Maisu-maistren kidegoan, ikastetxe eta herriak eskatzerakoan, postuak ibiltariak badira hura jakinarazi beharko da dagokion laukitxoa (I) markatuta.

Helduentzako Pedagogia Terapeutikoa, Helduen Lehen Hezkuntza, Helduen Ingelesa, Helduen Frantsesa, Gutxiengo Kulturalak eta Entzumena eta Hizkuntza Eskualdean espezialitateei dagozkien lanpostuen eskaerek ez dute inoiz ibiltaritzako koderik eramanen.

Hamabigarrena.–Merezimenduen baremoa.

Deialdian aurreikusitako lehentasunezko eskubideak erabiltzeari buruz ezarritakoa galarazi gabe, I. eranskineko merezimenduen baremoari jarraikiz ebatziko da lehiaketa.

Praktiketako funtzionarioei destinoa esleitzerakoan hautapen prozeduran lortutako puntuazioa hartuko da kontuan, eta jabetza hartzeko ezinbestekoa izanen da praktikaldia gainditzea.

Funtzionario izaera Estatuko 1992ko Aurrekontu Orokorrei buruzko abenduaren 30eko 31/1991 Legearen hogeita bederatzigarren xedapen gehigarriaren arabera lortu zuten irakasleei merezimenduen baremoko 1.1.1, 1.2.1, 4. eta 6.4 atalak aplikatuko zaizkie, deialdi honen I. eranskineko bosgarren xedapen osagarrian ezarritako arauekin bat.

Hamahirugarrena.–Merezimenduen balorazioa.

Lehiatzaileek alegatutako merezimenduen balorazioa organo hauek eginen dute:

A) Hezkuntza Departamentuko Giza Baliabideen Zerbitzua:

Hezkuntza Departamentuko Giza Baliabideen Zerbitzuari egokituko zaio parte-hartzaileei deialdi honen I. eranskin gisa ageri den merezimenduen baremoaren 1., 2., 4.1, 4.2, 5.3, 6.4, 6.5 eta 6.7 atalei dagokien puntuazioa esleitzea.

B) Balorazio batzordeak:

Balorazio batzordeei dagokie deialdi honen I. eranskin gisa ageri den merezimenduen baremoko gainerako atalei dagokien puntuazioa parte-hartzaileei esleitzea.

Balorazio batzorde horiek Hezkuntzari buruzko Lege Organikoak aipatzen dituen irakasleen kidegoetako funtzionarioek osatutako dituzte, eta Giza Baliabideen Zerbitzuko zuzendariak emandako ebazpenaren bidez hautatuko dira. Izendapen-ebazpen hori argitaratuko da Hezkuntza Departamentuaren iragarki-taulan eta haren web-orrian (https://www.educacion.navarra.es/eu/web/dpto/inicio).

Balorazio batzordeak osatuko dituzten langileak Hezkuntza Departamentuko zuzendaritza nagusiek proposatuta izendatuko dira, edo lehen deituraren hurrenkera alfabetikoaren eta, hala behar bada, bigarren deiturakoaren arabera, kontuan harturik Giza Baliabideen Zerbitzuan, abiapuntuko letrak finkatzeko, eginen den zozketaren emaitza.

Batzordeek merezimenduak baloratuko dituzte Hezkuntza Departamentuak zehazten duen ordutegian. Batzordeen egoitza Hezkuntza Departamentuko Unibertsitateen eta Hezkuntza Baliabideen Zuzendaritza Nagusian egonen da.

Erakunde sindikalek balorazio batzordeetan parte hartzen ahalko dute.

Giza Baliabideen Zerbitzuko zuzendariaren urriaren 16ko 2838/2017 Ebazpenaren bidez onetsitako lekualdatze lehiaketaren balorazio batzordeetan parte hartu zuten irakasle funtzionarioak oinarri honetan aurreikusitako balorazio batzordeetako kideak zozketaz izendatzeko prozesutik kanpo gelditzen ahal dira, salbu eta lehiaketaren xedeko espezialitateren batean balorazio batzordea osatzeko irakasle aski ez badago, edo, beren borondatez, hartan parte hartzea eskatzen badute.

Izendatzen den balorazio batzordeetako bakoitzean, kasuan kasuko batzordeak izendatzen duen funtzionarioak eginen du idazkari lana.

Ordezko batzordekideak izendatzen ahalko dira, batzordeak aukeratzeko erabilitako irizpideei jarraikiz. Halaber, balorazio batzordeen jardueren koordinatzaileak izendatzen ahalko dira.

Batzordeko kideak Sektore Publikoaren Araubide Juridikoari buruzko urriaren 1eko 40/2015 Legearen 23. eta 24. artikuluetan ezartzen diren abstentzio eta errefusatze kausei lotuta eginen dira.

Hamalaugarrena.–Destinoen esleipena.

1. Parte-hartzaile eta puntuazioen behin-behineko zerrendak:

Departamentuan batzordeen aktak lehiatzaileei esleitutako puntuazioekin hartuta direla, parte-hartzaile eta puntuazioen behin-behineko zerrendak onetsi eta argitaratuko dira, baita merezimenduak zuzentzeko aktak ere, Hezkuntza Departamentuaren iragarki-taulan eta web-orrian: https://www.educacion.navarra.es/eu/web/dpto/inicio.

Argitaratze horren bidez, ukitutako lehiatzaile guztiak jakinaren gainean jarri direla ulertuko da.

Zerrenda horien kontra, interesdunek erreklamazioak aurkezten ahalko dituzte edo/eta merezimenduak zuzentzeko aktetan jasotzen diren akats formalak zuzendu, haiek argitaratu eta 10 egun balioduneko epean. Erreklamazio horiek Hezkuntza Departamentuko Giza Baliabideen Zerbitzuari zuzenduko zaizkio eta deialdiaren bederatzigarren oinarriaren 1. atalean adierazitako erregistroetako edozeinetan aurkeztuko dira.

Lehiatzaileren batek ez baditu akats formalak epe horretan zuzentzen, eskaerari uko egiten diola ulertuko da.

Lehiatzaileek eskabideak aurkezteko epearen barruan alegatzen ez dituzten merezimenduak ez dira inoiz kontuan hartuko.

2. Behin-behineko esleipena eta parte-hartzeari uko egiteko eta erreklamazioak aurkezteko epea:

Parte-hartzaileen eskaerei, I. eranskineko baremoaren arabera lortutako behin-behineko puntuazioei eta deialdi honetan xedatutakoari jarraituz, egokitu daitezkeen destinoak behin-behinekoz esleituko dira.

Deialdi honetako seigarren oinarrian bildutako lehentasunezko eskubideei dagokiena galarazi gabe, puntuazioen guztirakoan berdinketarik izaten bada, baremoko atalak banan-banan hartuko dira, agertzen diren ordenaren arabera, eta lehenbiziko ataletik hasita puntuaziorik altuena lortzen duena izanen da aurretik. Berdinketak jarraitzen badu, azpiataletan lortutako puntuazioari jarraituko zaio, baremoan jasotzen den hurrenkeraren arabera; berdinketak jarraituz gero, baremoaren azpiataletako azpiataletan lortutako puntuazioari jarraituko zaio, dauden hurrenkeraren arabera. Kasu guztietan, atal bakoitzean aintzat hartzen den puntuazioa ez da izanen baremoan atal horretxentzat ezarritako gehieneko puntuazioa baino altuagoa, eta, azpiatalen kasuan, horiexek biltzen dituen atalaren gehieneko puntuazioa baino altuagoa. Irizpide horiek aplikatuta, azpiatal batean edo batzuetan atal guztiari emandako gehieneko puntuazioa lortzen bada, gainerako azpiatalen puntuazioak ez dira kontuan hartuko.

Beharrezkoa baldin bada, berdinketa hausteko irizpide hauek erabiliko dira ordena honetan: kidegoan sartzeko hautapen prozeduraren deialdia zein urtetan izan zen, eta hautapen prozeduran lorturiko puntuazio handiena.

Destinoen behin-behineko esleipena jendaurrean jarriko da Hezkuntza Departamentuan eta Hezkuntza Departamentuaren web-orrian: https://www.educacion.navarra.es/eu/web/dpto/inicio.

Argitaratze horren bidez, ukitutako lehiatzaile guztiak jakinaren gainean jarri direla ulertuko da.

Lehiatzaileek erreklamazioak aurkezten ahalko dituzte behin-behineko ebazpenen kontra, horiek argitaratu eta biharamunetik bost egun balioduneko epean.

Halaber, borondatez parte hartzen dutenek lehiaketan parte hartzeari uko egiten ahal diote epe berean. Uko horrek parte hartzeko eskabidean adierazitako eskaera guztiak ukituko ditu. Hori dela eta, adierazten da behin-behineko ebazpenean destinorik ez lortzeak ez dakarrela ezinbestean behin betiko ebazpenean destinoa lortzerik ez dagoela. Era berean, behin-behineko ebazpenean destinoa lortzeak ez dakar berarekin behin betiko ebazpenean destinoa lortzea.

Erreklamazioak eta ukoak Hezkuntza Departamentuko Giza Baliabideen Zerbitzuari zuzenduko zaizkio eta deialdiaren bederatzigarren oinarriko 1. atalean adierazitako erregistroetako edozeinetan aurkeztuko dira.

3. Onartu eta baztertuen behin betiko zerrendak:

Lehiatzaileek behin-behineko puntuazioen aurka aurkeztutako erreklamazioak eta merezimendu zuzenketak berrikusi eta, zein den kasua, kontuan hartuta, onetsi eta Hezkuntza Departamentuaren iragarki-taulan eta web-orrian (https://www.educacion.navarra.es/eu/web/dpto/inicio) argitaratuko dira parte-hartzaile eta puntuazioen behin betiko zerrendak.

Argitaratze horren bidez, ukitutako lehiatzaile guztiak jakinaren gainean jarri direla ulertuko da.

4. Behin betiko esleipena:

Behin-behineko esleipenaren aurka aurkeztutako erreklamazioak eta uko egiteak aintzat harturik, destinoen behin betiko esleipena onesten duen ebazpena emanen da. Ebazpen hori Hezkuntza Departamentuaren iragarki-taulan argitaratuko da, eta departamentuaren webgunean: https://www.educacion.navarra.es/eu/web/dpto/inicio.

Argitaratze horren bidez, ukitutako lehiatzaile guztiak jakinaren gainean jarri direla ulertuko da.

Lekualdatze lehiaketan esleitzen diren destinoak Nafarroako Aldizkari Ofizialean argitaratuko dira.

Esleitzen diren lanpostuei ezin izanen zaie uko egin; beraz, parte-hartzaileek lortutako lanpostuetan lanean hasi beharko dute.

5. Deialdi honen ebazpena lehenbiziko oinarrian aipatutako kidego guztietarako batera egiten ahalko da, edo kidego bat edo batzuk bereizita.

Nahiz eta kidego, espezialitate edo organo dei-egile desberdinetako lanpostuetarako lehiatu, destino bakar bat lortzen ahalko da.

Hamabosgarrena.–Borondatezko eszedentzian egonda, behin betiko destinoa lortzen dutenak.

Eszedentzian egon eta lekualdatze lehiaketa honetan destinoa lortzearen ondorioz jarduneko zerbitzura itzultzen diren funtzionarioek, lanpostuaren jabetza hartu baino lehen, Estatuko Administrazioaren, Toki Administrazioaren edo Administrazio Autonomikoen inongo kidego edo eskalatatik zigor-espediente bidez bereizia ez izatearen eta eginkizun publikoetan aritzeko ezgaitua ez izatearen zinpeko aitorpena edo hitzematea aurkeztu beharko dute Hezkuntza Departamentuko Giza Baliabideen Zerbitzuan.

Behin betiko destinoa lortuta, jardunean hasten ez badira, funtzionario izaera galduko dute, Nafarroako Administrazio Publikoen zerbitzuko Langileen Estatutuaren testu bategina onetsi zuen abuztuaren 30eko 251/1993 Legegintzako Foru Dekretuaren 26. artikuluan xedatutakoari jarraikiz.

Hamaseigarrena.–Lanpostuaren jabetza hartzea

Deialdi honetan ezarritakoari jarraituz lortzen diren destino berrien jabetza hartzea 2019ko irailaren 1ean izanen da, eta data horretatik aurrera hasiko dira ondorio administratibo eta ekonomikoak.

Aurreko paragrafoan xedatutakoa gorabehera, deialdi honen bidez destino berri bat lortzen duten irakasleek beren jatorrizko ikastetxeetan egon beharko dute ikasturtea bukatzeko aurreikusita dauden jarduerak bukatu arte, betiere hala erabakitzen badu Hezkuntza Departamentuak.

Hamazazpigarrena.–Errekurtsoak.

Ebazpen honen eta berau aplikatzeko egintzen kontra gora jotzeko errekurtsoa jar daiteke, Lehendakaritzako, Funtzio Publikoko, Barneko eta Justiziako kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik aurrera, honako hauekin bat: Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikulua eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluak.

Lekualdatze lehiaketan ematen den behin betiko ebazpenaren kontrako errekurtsoak, hezkuntzako zein administrazioren bitartez parte hartu den kontuan hartu gabe, errekurtsoaren xede den lanpostuari dagokion hezkuntza administraziora igorri beharko dira eta hark ebatziko ditu.

XEDAPEN GEHIGARRIAK

Lehenbizikoa.

Parte-hartzaileek frogatzen dituzten merezimenduak eskabideak aurkezteko epea bukatzen den egunerako beteta edo onartuta eduki behar dira. Hortaz, hura bukatu arte hobetu eta frogatutako merezimenduak baloratuko dira soilik.

Bigarrena.–Antzinatasuna.

1.1.3 azpiatalarengatik puntuazioa esleituko zaie ondoko egoera hauetan dauden lehiatzaileei:

–Behin betiko destinoa zailtasun bereziko lanpostu, postu edo ikastetxean edukita, lehiaketan 1.1.1 azpiatalaren arabera parte hartzen dutenak.

–Behin-behineko gisa emandako denbora zailtasun bereziko lanpostu, postu edo ikastetxean egonda, lehiaketan 1.1.2 azpiatalaren arabera parte hartzen dutenak.

–Zerbitzu eginkizun bat zailtasun bereziko beste lanpostu, postu edo ikastetxean izanda, 1.1.1 eta 1.1.2 azpiatalen arabera parte hartzen dutenak.

Hirugarrena.–Merezimendu akademikoak.

1. Unibertsitateko beste titulazio ofizial batzuengatik puntuazioa jaso ahal izateko, konpultsaturik aurkeztu beharko dira titulu guztien fotokopiak, kidegoan sartzeko alegatutakoarena barne.

2. 3.1eko azpiataletan, titulu bat baloratuko da soilik haietako bakoitzerako. 3.1.2 azpiatalean ez da barematuko irakaskuntzako funtzio publikoan sartzeko eskatutako inolako masterrik. Orobat, 3.1.2 azpiatalaren ondorioetarako, doktore titulua alegatzen denean, ez da baloratuko doktoregorako derrigorrezko baldintza den master ofizialaren titulua.

3. Lehenbiziko zikloko tituluak barematzeari dagokionez, ez da halakotzat hartuko egokitze ikastaro bat gainditzea. 3.2 atala baloratzeko, titulazio berean oinarritzen diren aipamenak ez dira titulu desberdintzat hartuko.

4. Tituluak atzerrian lortuak badira edo beste herrialde batzuetako hezkuntza erakundeek emanak, homologazioa ere aurkeztu beharko da.

5. Ez dira 3.1 eta 3.2 azpiataletan barematuko unibertsitateko titulu ez-ofizialak, unibertsitateek eman dituztenak beren autonomia baliatuz, urriaren 29ko 1393/2007 Errege Dekretuaren hamaikagarren xedapen gehigarriaren arabera (errege dekretu horren bidez ezarri zen unibertsitateko irakaskuntza ofizialen antolamendua).

Laugarrena.–Zuzendaritza karguak eta beste eginkizun batzuk baloratzea.

1. Merezimenduen baremoko 4.1, 4.2 eta 4.3 azpiataletan ezarritakoaren ondorioetarako, honako ikastetxe publiko hauek hartuko dira bigarren hezkuntzako ikastetxe publikoen parekotzat:

• Batxilergoko institutuak.
• Lanbide Heziketako institutua.
• Helduentzako ikastetxeak, betiere ikastetxe horietan azpiatal hauetan aipatutako ikasketa berak ematen badira.
• Irakaskuntza Bateratuen ikastetxeak.

Ondorio horietarako, ikastetxe publikotzat hartzen dira musika kontserbatorioetako musikako eta arte eszenikoetako katedradunen eta irakasleen kidegoetako lanpostuei dagozkienak:

• Musikako edo dantzako goi mailako kontserbatorioak.
• Musikako edo dantzako kontserbatorio profesionalak.
• Oinarrizko musika kontserbatorioak.
• Arte dramatikoko goi mailako eskolak.
• Goi Mailako Kantu Eskola.

2. Merezimenduen baremoko 4.1 azpiatalean aurreikusitako ondorioetarako, baloratu eginen dira ikastetxe publikoetako zuzendari albokoaren karguak eta hiru unitate baino gutxiagoko eskola unitarioen arduradun karguak.

3. Merezimenduen baremoko 4.2 azpiatalean ezarritakoa betetzeko, honako hauek hartuko dira zuzendaritza kargu parekatutzat:

• Idazkari albokoa.
• Atal honetan aipatutako karguak, Lanbide Heziketako ataletan jardun denean.
• Ikasketaburu albokoa.
• Egoitzako burua.
• Batxilergoko Institutuko ikasketaburuaren delegatua edo autonomia erkidegoetan horren pareko direnak.
• Atal delegatuko zuzendaria-ikasketaburua.
• Atal filialeko zuzendaria.
• Irakaskuntza Ertainaren Patronatuko ikastetxe ofizialeko zuzendaria.
• Lanbide Heziketako ikastetxeen administratzailea.
• Irakasle delegatua, Lanbide Heziketako Atalaren kasuan.

4. Merezimenduen baremoko 4.3 azpiatalean ezarritakoaren ondorioetarako, eginkizun hauek ere baloratuko dira:

• Idazkariordea.
• Gaueko ikasketen delegatua-ikasketaburua Atal Delegatuan.
• Batxilergoko Institutuetako Hedapenetako idazkariaren delegatua edo autonomia erkidegoetan horien pareko direnak.
• Toki Korporazioekin egindako hitzarmeneko zentro homologatuetako zuzendari, ikasketaburu edo idazkaria.
• Ikastetxe libre adoptatuko zuzendaria, langilearen erregistro zenbakia duena.
• Irakaskuntza Ertainaren Patronatuko ikastetxe ofizialeko idazkaria.
• Mintegiko buru albokoa.
• Departamentuko buru albokoa.

Bosgarrena.

–Estatuko 1991ko Aurrekontu Orokorrei buruzko Legearen 29. xedapen gehigarriaren arabera irakasleen kidegoetan sartutako langileei baremoa aplikatzeko arauak.

Funtzionario izaera Estatuko 1992ko Aurrekontu Orokorrei buruzko abenduaren 30eko 31/1991 Legearen hogeita bederatzigarren xedapen gehigarriaren arabera lortu zuten irakasleei, Nafarroako Foru Komunitatean lanpostuak esleitzearen ondorioetarako, merezimenduen baremoko 1.1.1 eta 1.2.1 atalak aplikatuko zaizkie, arau hauei jarraikiz:

Baremoaren 1.1.1 atalean, funtzionario bihurtu eta kidegoan sartu zen egunetik hasita egindako egonaldia kontatuko da, non eta ez den egun horren ondotik beste destino bat lortu; kasu horretan, behin betiko azken destinoa lortuz geroztik egindako egonaldia kontatuko da.

Merezimenduen baremoko 1.2.1, 4. eta 6.4 ataletan, Nafarroako Gobernuan lan-kontratu finkoa duen langile gisa eta sartu deneko kidegoko funtzionario gisa egindako zerbitzu urteak kontatuko dira (lehen zerbitzu urtea ez da kontuan hartuko).

IV. ERANSKINA

Parte-hartzaileek eska ditzaketen lanpostuak

1.–Maisu-maistren kidegoa.

A) Espezialitateak:

Jarraian azaltzen diren lanpostuak eskatu ahal izateko, espezialitateko titularra izan behar da:

B) Lanpostu bereziak:

Jarraian aipatzen diren lanpostuak eskatu ahal izateko, espezialitateko titularra izan behar da, “espezialitateko baldintza” zutabean aipatzen baita.

C) Lanpostuak Derrigorrezko Bigarren Hezkuntzako lehen bi kurtsoetan.

Maisu-maistren kidegoko irakasleek, baldin eta deialdiaren arabera Derrigorrezko Bigarren Hezkuntzako lehenengo bi kurtsoetan eska baditzakete lanpostuak, beharrezkoa den gaikuntza dutela frogatu beharko dute, honakoari jarraikiz:

D) Pedagogia Terapeutikoko lanpostuak Bigarren Hezkuntzako institutuetan edo Derrigorrezko Bigarren Hezkuntzako institutuetan.

Jarraian azaltzen diren lanpostuak eskatu ahal izateko, Pedagogia Terapeutikoa espezialitateko titularra izan behar da:

2.–Bigarren Hezkuntzako Katedradunen eta Irakasleen Kidegoak.

A) Espezialitateak:

Jarraian azaltzen diren lanpostuak eskatu ahal izateko, espezialitateko titularra izan behar da:

B) Beste lanpostu batzuk:

Bigarren Hezkuntzako katedradun eta irakasleek jarraian azaltzen diren lanpostuak eskatzen ahalko dituzte, baldin eta “espezialitateko baldintza” zutabean horietako bakoitzerako aipatzen diren espezialitateetakoren baten titularrak badira:

–Kultura Klasikoko lanpostuak: urriaren 6ko 1635/1995 Errege Dekretuaren hamargarren xedapen gehigarriaren babesean, lanpostu horiek lortzen dituzten irakasleek bai Grekoko bai Latineko gaiak eman beharko dituzte.

–Natur Zientzietako lanpostuak Derrigorrezko Bigarren Hezkuntzako Institutuetan: uztailaren 6ko 225/1998 Foru Dekretuaren seigarren xedapen gehigarriaren babesean, lanpostu horiek lortzen dituzten irakasleek Natur Zientzien arloa eman beharko dute.

–Komunikazioaren esparruko lanpostuei dagokienez (Frantsesa, Ingelesa, Gaztelania eta Euskara), lanpostu horiek lortzen dituzten irakasleek kasuan kasuko hizkuntzari esleitutako moduluak emanen dituzte Helduen Bigarren Hezkuntzan.

–Gizarte Jakintzaren esparruko lanpostuak: lanpostu horiek lortzen dituzten irakasleek Gizarteko moduluak emanen dituzte Helduen Bigarren Hezkuntzan.

–Zientziaren eta Teknologiaren esparruko lanpostuak: lanpostu horiek lortzen dituzten irakasleek Matematikako eta Teknologiako moduluak eta Naturaren eta Osasunaren moduluak emanen dituzte Helduen Bigarren Hezkuntzan.

3.–Lanbide Heziketako irakasle teknikoen kidegoa.

A) Espezialitateak:

Jarraian azaltzen diren lanpostuak eskatu ahal izateko, espezialitateko titularra izan behar da:

B) Beste lanpostu batzuk:

Lanbide Heziketako irakasle teknikoek jarraian azaltzen diren lanpostuak eskatzen ahalko dituzte, baldin eta “espezialitateko baldintza” zutabean horietako bakoitzerako aipatzen diren espezialitateetakoren baten titularrak badira:

4.–Hizkuntza Eskola Ofizialetako katedradunak eta irakasleak.

Jarraian azaltzen diren lanpostuak eskatu ahal izateko, espezialitateko titularra izan behar da:

5.–Arte Plastikoetako eta Diseinuko Katedradunen eta Irakasleen Kidegoa

Jarraian azaltzen diren lanpostuak eskatu ahal izateko, espezialitateko titularra izan behar da:

6.–Arte plastikoetako eta diseinuko tailer maisu-maistren kidegoa.

Jarraian azaltzen diren lanpostuak eskatu ahal izateko, espezialitateko titularra izan behar da:

7.–Musikako eta arte eszenikoetako katedradunen kidegoa.

Jarraian azaltzen diren lanpostuak eskatu ahal izateko, espezialitateko titularra izan behar da:

8.–Musikako eta arte eszenikoetako irakasleen kidegoa.

Jarraian azaltzen diren lanpostuak eskatu ahal izateko, espezialitateko titularra izan behar da:

9.–Bertako hizkuntza duten lanpostuen (v), elebidunen (b) eta lanpostu ibiltariaren (I) kodeak.

A) Bertako hizkuntzaren kodeak.

B) Lanpostu elebidunaren kodeak.

C) Ibiltaritza kodeak.

V. ERANSKINA

Nahitaezko esleipenetik kanpo utzitako lanpostuak edo postuak

Ez dira inolaz ere nahitaez esleituko lanpostu edo postu hauek:

1.–Maisu-maistren kidegoan.

A) Lanpostu bereziak:

B) Derrigorrezko Bigarren Hezkuntzako lehenbiziko bi kurtsoetako lanpostuak:

C) Pedagogia Terapeutikoko lanpostuak Bigarren Hezkuntzako institutuetan edo Derrigorrezko Bigarren Hezkuntzako institutuetan.

D) Lanpostu ibiltariak eta atzerriko hizkuntzaren profila (frantsesa, ingelesa eta alemana) duten irakaskuntza espezialitateei dagozkienak.

E) Iruñeko Espetxeko lanpostuak.

2.–Bigarren Hezkuntzako katedradunen eta irakasleen kidegoetan.

–Atzerriko hizkuntzaren profila (frantsesa, ingelesa eta alemana) duten irakaskuntza espezialitateei dagozkien lanpostuak.

3.–Lanbide Heziketako irakasle teknikoen kidegoan.

Iragarkiaren kodea: F1812526