1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
1147/2018 EBAZPENA, urriaren 11koa, Landa Garapeneko, Nekazaritzako eta Abeltzaintzako zuzendari nagusiak emana, zeinaren bidez onesten baita Landa Garapeneko, Nekazaritzako eta Abeltzaintzako zuzendari nagusiaren azaroaren 21eko 1417/2017 Ebazpenaren bidez baimendutako kreditua aldatzea. Ebazpen horren bidez onetsi ziren laguntzak emateko oinarri arautzaileak eta 2017ko deialdia, “Ureztapenetarako ez diren inbertsioak Nafarroako Ubidearen jarduketa eremuko nekazaritzako ustiategietan” izeneko neurriari dagokionez, Nafarroako 2014-2020 Landa Garapeneko Programaren barnean. DDBN identifikazioa: 372491.
Landa Garapeneko, Nekazaritako eta Abeltzaintzako zuzendari nagusiaren azaroaren 21eko 1417/2017 Ebazpenaren bidez onetsi ziren laguntzak emateko oinarri arautzaileak eta 2017ko deialdia, “Ureztapenetarako ez diren inbertsioak Nafarroako Ubidearen jarduketa eremuko nekazaritzako ustiategietan” izeneko neurriari dagokionez, Nafarroako 2014-2020 Landa Garapeneko Programaren barnean, 8.000.000 euroko baimendutako gastuarekin.
Landa Garapeneko, Nekazaritzako eta Abeltzaintzako zuzendari nagusiaren azaroaren 21eko 1418/2017 Ebazpenaren bidez onetsi ziren Nafarroako Ubidearen jarduketa eremuko nekazaritzako ustiategiei laguntzak emateko oinarri arautzaileak eta 2017ko deialdia, ureztapenerako ekipamenduetan inbertsioak egin ditzaten, “Inbertsioak nekazaritzako ustiategietan” izeneko neurriarekin bat, Nafarroako 2014-2020 Landa Garapeneko Programaren barnean, 2.000.000 euroko baimendutako gastuarekin.
1418/2017 Ebazpenaren 3. puntuak ezartzen du ezen gertatuko balitz txikiagoa izatea Nafarroako Ubidearen jarduketa eremuko nekazaritzako ustiategietan ureztapenerako ekipamenduetan inbertsioak egiteko laguntzen eskaera guztiei, betiere onartzeko baldintzak betetzen dituztenei, erantzuteko behar den zenbatekoa deialdian baimendutako zenbatekoa baino, soberakina “Ureztapenetarako ez diren inbertsioak Nafarroako Ubidearen jarduketa eremuko nekazaritzako ustiategietan” izeneko neurriari dagozkion laguntzen deialdian aplikatzen ahalko dela, 1.000.000 eurora arteko mugarekin (laguntza horiek 1417/2017 Ebazpenean daude jasota).
Landa Garapeneko, Nekazaritzako eta Abeltzaintzako zuzendari nagusiaren uztailaren 17ko 881/2018 Ebazpenaren bidez onetsi ziren Landa Garapeneko, Nekazaritzako eta Abeltzaintzako zuzendari nagusiaren azaroaren 21eko 1418/2017 Ebazpenean xedatutako deialdiari dagozkion laguntzak jasoko dituzten espedienteak eta ezetsitako espedienteak.
Kontuan harturik, Nekazaritzako Ustiategien eta Elikagaien Sustapenerako Zerbitzuaren txostenaren arabera, laguntzetarako emandako zenbatekoa txikiagoa dela deialdian baimendutakoa baino, zilegi da 1.000.000 euro handitzea “Ureztapenetarako ez diren inbertsioak Nafarroako Ubidearen jarduketa eremuko nekazaritzako ustiategietan” izeneko neurriari dagozkion 2017ko laguntzen deialdian baimendutako zenbatekoa, 1417/2017 Ebazpenaren 3. puntuan xedatutakoarekin bat.
Adierazitakoarekin bat, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22. artikuluak eta Landa Garapeneko, Ingurumeneko eta Toki Administrazioko Departamentuaren oinarrizko egitura organikoa ezartzen duen irailaren 21eko 78/2016 Foru Dekretuak ematen dizkidaten eskudantziak erabiliz,
EBATZI DUT:
1.–Aldatzea Landa Garapeneko, Nekazaritzako eta Abeltzaintzako zuzendari nagusiaren azaroaren 21eko 1417/2017 Ebazpena.
Landa Garapeneko, Nekazaritzako eta Abeltzaintzako zuzendari nagusiaren azaroaren 21eko 1417/2017 Ebazpenaren 3. puntuaren lehen paragrafoa aldatzen da, aurrekontuko kredituei dagokiena. Ebazpen horren bidez onetsi ziren laguntzak emateko oinarri arautzaileak eta 2017ko deialdia, “Ureztapenetarako ez diren inbertsioak Nafarroako Ubidearen jarduketa eremuko nekazaritzako ustiategietan” izeneko neurriari dagokionez, Nafarroako 2014-2020 Landa Garapeneko Programaren barnean. Honela idatzita agertuko da:
“3. Aurrekontuko kredituak.
Deialdi honek sortzen dituen gastuei aurre egiteko, 1.000.000 euroko gastu gehigarria baimentzen da 2019ko ekitaldian, 2019ko Aurrekontu Orokorretako honako partida honen baliokidearen kargura: 720004 71630 7700 412102 partida, “Inbertsioak nekazaritzako ustiategietan. Landa Garapenerako Programa, Landa Garapenerako Europako Nekazaritza Funtsa 2014-2020” izenekoa. Horrenbestez, baimendutako zenbatekoa 9.000.000 eurokoa izanen da.”
2.–Nafarroako Gobernuko Diru-laguntzen Datu Baseari (NGDDB) jakinaraztea.
Ebazpen hau Nafarroako Gobernuko Diru-laguntzen Datu Basean erregistratu behar da.
3.–Argitalpena.
Ebazpen hau Nafarroako Aldizkari Ofizialean argitaratzen da.
4.–Administrazio errekurtsoak.
Ebazpen honen aurka gora jotzeko errekurtsoa jar daiteke, Landa Garapeneko, Ingurumeneko eta Toki Administrazioko kontseilariari zuzendua, ebazpen hau Nafarroako Aldizkari Ofizialean argitaratu eta biharamunetik hilabeteko epean.
Iruñean, 2018ko urriaren 11n.–Landa Garapeneko, Nekazaritzako eta Abeltzaintzako zuzendari nagusia, Ignacio Gil Jordán.
Iragarkiaren kodea: F1812381
