2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
PUIU
Herri-lurreko baso-aprobetxamenduaren enkante publikoa
Nafarroako Gobernuak behar bezala baimendurik, ekainaren 26ko 622/2018 Ebazpenaren bitartez, eta 2018ko irailaren 26ko osoko bilkura arruntean baldintza ekonomiko-administratiboen agiria onetsi ondoren, Puiuko Udalak gutun-azal itxien bidezko enkante publikoa eginen du baso-aprobetxamendu hau adjudikatzeko:
Jabetza | Puiuko Udala |
Zuhaitz mota | Larizio pinua (pinus nigra) eta alepo pinua (pinus halepensis) |
Alderdiak | “La Legua”, “Kurpegi”, “Carasol del Montico” |
Jarduketaren azalera | 23,5 ha |
Mozketa mota | Bigarren bakanketa/arraseko mozketa |
Enbor txikiaren bolumena | 3.226 m³ |
Zutoinen bolumena | 146 m³ |
Enbalajerako bolumena | 286 m³ |
BOLUMENA, GUZTIRA | 3.658 m³ |
BALORAZIO EKONOMIKOA | 41.630,00 euro (BEZik gabe) |
Baldintza teknikoen eta ekonomiko-administratiboen agiria: Orbaibarko Administrazio Zerbitzuen Batasuneko Idazkaritzan eta Nafarroako Kontratazioaren Atarian.
Eskaintzak aurkezteko tokiak: Puiuko Udalaren Erregistro Orokorra (La Plaza kalea 12), jendea hartzeko ordutegia: astelehen, asteazken eta ostiraletan, 11:00etatik 14:30era; Orbaibarko Administrazio Zerbitzuen Batasuna (Katalaingo multzoa, NA 5100 errepidea, 2. km, Garinoain), astelehenetik ostiralera, 11:00etatik 14:30era; edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan aurreikusitako edozein, baldintza ekonomiko-administratiboen agiriaren zortzigarren klausulan aipatuarekin bat.
Eskaintzak aurkezteko epea: hamabost egun natural, lizitazio iragarkia Nafarroako Aldizkari Ofizialean argitaratu eta biharamunetik hasita. Hala ere, epearen azken eguna baliogabea bada Puiun, hurrengo lehen egun balioduna arte luzatuko da epea.
Proposamenak irekitzea: Udaleko iragarki-taulan eta Nafarroako Kontratazioaren Atarian argitaratuko dira, gutxienez ere 48 ordu lehenago, proposamen ekonomikoak jendaurrean irekitzeko tokia, data eta ordua.
Puiun, 2018ko irailaren 28an.–Alkate udalburua, Nekane Salaberria Etxeberria.
Iragarkiaren kodea: L1811924