2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
AIEGI
Herri-galdeketarako deialdia, Aiegiko udalerria eremu mistoan sartzeari buruzkoa, Euskarari buruzko 18/1986 Foru Legearekin bat
Aiegiko Udaleko alkate udalburuak 2018ko urriaren 10ean ebazpena eman zuen; haren bidez erabaki zen herri-galdeketarako deialdia egitea Aiegiko udalerria eremu mistoan sartzeari buruz. Hona haren xedapen zatiak dioena:
Lehena.–Herri-galdeketarako deialdia egitea, eremu mistoan sartzeari buruz, honela:
Nahi al duzu Aiegi, eremu ez-euskaldunean dagoena, eremu mistoan sartzea Euskarari buruzko 18/1986 Foru Legearen ondorioetarako?
Gurutze batez adierazi hautaturiko aukera:
BAI.
EZ.
Bigarrena.–Bozketa eguna ezartzea: heldu den 2018ko azaroaren 18a.
Hirugarrena.–Informazio kanpainak 15 egun natural iraunen du: azaroaren 2an hasiko da 00:00etan eta azaroaren 16an bukatuko, 24:00etan.
Laugarrena.–Kontsulta hau gauzatzeko hauteskunde-atal bakarra ezarriko da udalerri osorako, eta hauteskunde mahai bakarra botoa emateko, Udaletxearen barruan dagoen udal liburutegian.
Bosgarrena.–Herri-galdeketarako deialdia argitaratzea Nafarroako Aldizkari Ofizialean, udal honen iragarki-taulan eta udalerri honetan hedapen handiena duten komunikabideetan.
Aditzera ematen da orok jakin dezan eta Toki Esparruko Herri Kontsultak arautzen dituen urriaren 28ko 27/2002 Foru Legearen 10.2 artikuluan ezarritakoa betetzeko.
Aiegin, 2018ko urriaren 10ean.–Alkate udalburua, Juan María Yanci López.
Iragarkiaren kodea: L1812291
