195. ALDIZKARIA - 2018ko urriaren 8a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

ANDOSILLA

Herri-galdeketaren emaitza, herriko besten egunak aldatzeari buruzkoa

2018ko irailaren 16an Andosillan egindako herri-galdeketaren aldarrikapen aktarekin bat, Lizarrako Eskualdeko Hauteskunde Batzordeak egindako zenbaketaren ondotik, hona hemen emaitza:

Lizarran, 2018ko irailaren 24an.

Goizeko 10:00ak direla, Hauteskundeen Araubide Orokorrari buruzko 5/1985 Lege Organikoaren 108.2 artikuluan ezarritako epea iraganik (Hauteskunde Batzorde honen zenbaketa saioaren aktaren aurka erreklamazioak eta kexak aurkezteko egun batekoa), ez denez halakorik aurkeztu, Andosillako Udalak deituriko herri-galdeketaren emaitza aldarrikatzen da, herriko besten egunak aldatzeari buruzkoa.

Jasotzen da aipatu herri-galdeketan honako emaitza hauek atera zirela:

–Hautesle kopurua: 2.273.

–Boto-emaileak: 1.195.

–Galdeketaren galdera bakarrari emandako “Bai” boto kopurua: 573.

–Galdeketaren galdera bakarrari emandako “Ez” boto kopurua: 607.

–Boto zurien kopurua: 5.

–Boto baliogabeen kopurua: 10.

Aurrean jasotakoarekin eta Toki Esparruko Herri Kontsultak arautzen dituen 27/2002 Foru Legearen 26. artikuluan eta Hauteskunde Araubide Orokorraren 5/1985 Lege Organikoaren 108. artikuluan ezarritakoarekin bat, Lizarrako Hauteskunde Batzorde honek boto gehien jaso duen “Ez” emaitza aldarrikatzen du. Hona hemen galdera bakarra: “Ados zaude Andosillako Udalak herriko bestak ospatzeko egunak aldatu eta abuztuaren 7tik 14ra ospatzearekin?”

Aditzera ematen da orok jakin dezan eta Toki Esparruko Herri Kontsultak arautzen dituen urriaren 28ko 27/2002 Foru Legearen 26.3 artikuluan ezarritakoa betetzeko.

Andosillan, 2018ko irailaren 25ean.–Alkate udalburua, José Manuel Terés Azcona.

Iragarkiaren kodea: L1811779