189. ALDIZKARIA - 2018ko irailaren 28a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

BERTIZARANA

Egoitza elektronikoa sortzea

Alkatetzaren 2018ko irailaren 13ko 4/09-2018 Ebazpenaren bidez, eta Herritarrak zerbitzu publikoetara bide elektronikoz sartzeari buruzko ekainaren 22ko 11/2007 Legean xedatua bete beharrez, erabaki da Bertizaranako Udaleko egoitza elektronikoa sortzea, http://bertizarana.sedelectronica.es helbide elektronikoan. Haren titularra Bertizaranako Udala izanen da, eta horrek hartzen du bere gain aipatu helbidearen bidez eskuratzen ahal diren informazioaren eta zerbitzuen ardura, haien osotasunari, egiazkotasunari eta jarduketari dagokienez. Halaber, aipatu ebazpenaren bidez, egoitza horri lotutako erregistro elektronikoa eratu da, zehaztutako helbide elektronikoan.

Bertizaranan, 2018ko irailaren 13an.–Alkatea, Andrés Echenique Iriarte.

Iragarkiaren kodea: L1811458