2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ALTSASU
Ur hornidura zerbitzuaren tasak borondatez ordaintzeko epea, 2018ko bigarren lauhilekoa
Diru-bilketaren gaineko Erregelamenduari jarraikiz, aditzera ematen da 2018ko urriaren 21ean bukatuko dela epea, ur hornidura zerbitzuaren tasak borondatez ordaintzeko, epez epe kobratzen baitira, 2018ko bigarren lauhilekoari dagokionez.
Helbideratu gabeko ordainagiriak La Caixako edozein bulegotan ordain daitezke, ordainagiria aurkeztuta.
Helbideratutako ordainagiriak 2018ko irailaren 21ean kargatuko dira kontuetan.
Borondatez ordaintzeko epe hori iraganez gero, Diru-bilketaren gaineko Erregelamendu Orokorrean ezarritako errekarguak ezarriko dira eta tramiteak eginen dira premiamendu bidez kobratzeko.
Altsasun, 2018ko irailaren 7an.–Alkatea, Javier Ollo Martínez.
Iragarkiaren kodea: L1811200
