2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BURLATA
Laburpena, desgaitasuna duten Burlatako herritarrak zentro okupazionaletara tutoretzapean garraiatzeko 2018ko gizarte laguntzen deialdiarena
Burlatako Udalak, Zinegotzigo Delegatuaren 2018ko abuztuaren 31ko 31/2018 Ebazpenaren bitartez, onetsi du banakako ebaluazioaren bidez diru-laguntzak emateko deialdi publikoa, desgaitasuna duten Burlatako herritarrak 2018an zentro okupazionaletara tutoretzapean garraiatzeko gizarte laguntzak eman beharrez.
Deialdiaren laburpena ematen da argitara; haren testu osoa Diru-laguntzen Datu Base Nazionalean kontsulta daiteke (http://www.pap.minhafp.gob.es/bdnstrans/GE/eu/index): DDBN (kodea): 414175.
Onuradunak eta helburua:
Laguntza hauen xedea da adimen-desgaitasuna duten Burlatako herritarren joan-etorriak erraztea, baldin tutoretzapeko garraioa erabili behar badute zentro okupazionalera joateko.
Oinarri arautzaileak: Diru-laguntzen Datu Base Nazionalean (identifikazio kodea: 414175) eta Udalaren web-orrian (www.burlada.es).
Laguntzetarako dagoen diru kuota osoa:
Guztira justifikatuko kostuaren %75ek izanen du diru-laguntza; gainerako %25a erabiltzailearen kontura geldituko da.
Diru-laguntzak emateko baldintza izanen da indarra duen udal aurrekontu arruntean kreditu erabilgarria izatea.
Eskabideak aurkezteko epea: 20 egun natural, iragarki hau Nafarroako Aldizkari Ofizialean argitaratu eta biharamunetik hasita.
Burlatan, 2018ko abuztuaren 31n.–Gizarte Zerbitzuetako zinegotzi ordezkaria, Joseba Ginés Eleno.
Iragarkiaren kodea: L1811116
