1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
617/2018 EBAZPENA, irailaren 5ekoa, Toki Administrazioko zuzendari nagusiak emana, uztailaren 4ko 482/2018 Ebazpena zuzentzen duena, bertan akats bat baitago. Ebazpen horren bidez, Nafarroako udalei uholde arriskuaren aurkako udal jarduketa plana egiteko edo eguneratzeko ematen zaizkien diru-laguntzen 2018ko deialdia ebatzi zen.
Uztailaren 4ko 482/2018 Ebazpenean akats bat atzeman da, II. Eranskinean, zerbait falta delako. Akats hori ondoren azaltzen den moduan zuzentzen da:
Andosillako udala entitate eskatzaileen artean sartzen da, baina, kreditu nahikorik ez dagoenez, deialditik kanpo geratu da, deialdiko balorazio irizpideak aplikatzearen ondorioz ezarri den ordenari jarraikiz.
Horrenbestez, Diru-laguntzei buruzko azaroaren 9ko 11/2005 Foru Legeak eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22. artikuluak ematen dizkidaten eskumenak erabiliz,
EBATZI DUT:
1. Uztailaren 4ko 482/2018 Ebazpenaren II. Eranskinean atzemandako akatsa zuzentzea, eta, horrenbestez, Andosillako Udala hango zerrendan sartzea, bazterturik gelditu diren entitateen taldean. Ebazpen horren bidez, Nafarroako udalei uholde arriskuaren aurkako udal jarduketa plana egiteko edo eguneratzeko ematen zaizkien diru-laguntzen 2018ko deialdia ebatzi zen.
2. Ebazpen hau Andosillako Udalari jakinaraztea, behar diren ondorioak izan ditzan, eta aditzera ematea bidezko dela haren kontra gora jotzeko errekurtsoa paratzea, Landa Garapeneko, Ingurumeneko eta Toki Administrazioko kontseilariari zuzendua, jakinarazi eta biharamunetik hasita hilabeteko epean.
3. Uztailaren 4ko 482/2018 Ebazpen hau eta I. eta II. eranskinak Nafarroako Aldizkari Ofizialean argitaratzea.
Iruñean, 2018ko irailaren 5ean.–Toki Administrazioko zuzendari nagusia, Xabier Lasa Gorraiz.
I. ERANSKINA
Entitate onuradunak
ESP. | ENTITATEA | LAGUNTZA TEKNIKOAREN KOSTUA | LAGUNTZAREN ZENBATEKOA |
7/2018 | Villatuerta | 10.992,85 euro | 4.000,00 euro |
3/2018 | San Adrián | 7.331,00 euro | 4.000,00 euro |
9/2018 | Araitz | 12.366,20 euro | 4.000,00 euro |
17/2018 | Urdazubi | 4.936,80 euro | 3.949,44 euro |
14/2018 | Betelu | 11.202,18 euro | 4.000,00 euro |
13/2018 | Garde | 4.936,00 euro | 3.948,80 euro |
II. ERANSKINA
Baztertutako entitateak
ESP. | ENTITATEA | ARRAZOIA |
2/2018 | Erriberri | Kreditu aski ez |
8/2018 | Altsasu | Kreditu aski ez |
16/2018 | Etxarri Aranatz | Kreditu aski ez |
11/2018 | Esteribar | Kreditu aski ez |
10/2018 | Agoitz | Kreditu aski ez |
1/2018 | Galar | Kreditu aski ez |
5/2018 | Viana | Kreditu aski ez |
12/2018 | Bidankoze | Kreditu aski ez |
4/2018 | Ledea | Kreditu aski ez |
18/2018 | Andosilla | Kreditu aski ez |
6/2018 | Uharte | Epez kanpo aurkeztua |
15/2018 | Orbara | Epez kanpo aurkeztua |
Iragarkiaren kodea: F1811187