2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BARASOAIN
Hiri jarduketarako plan berezia, 464. lurzatian.
Hasierako onespena
Barasoaingo Udalak, 2018ko abuztuaren 29an egin osoko bilkuran, aho batez, erabaki hau hartu zuen, gai-zerrendako 3. puntuan:
Hasiera batean onestea hiri jarduketarako plan berezia, 464. lurzatian (Camino de la Fuente kalea 5), bizilagun batek sustatua. Aurretik herritarren parte-hartze prozesua egin da horri buruz.
Jendaurrean egonen da hilabeteko epean, iragarki hau Nafarroako Aldizkari Ofizialean argitaratzen denetik hasita, Lurraldearen Antolamenduari eta Hirigintzari buruzko Foru Legearen testu bategina onesten duen uztailaren 26ko 1/2017 Legegintzako Foru Dekretuaren 74. eta 79. artikuluetan xedatuari jarraikiz.
Aipatu hiri jarduketarako plan berezia eta herritarren parte-hartze prozesuari buruzko akta Udalaren Idazkaritzan aztertzen ahal dira, jendea hartzeko orduetan, eta egokitzat jotzen diren ohar eta alegazioak aurkezten ahal dira.
Barasoainen, 2018ko abuztuaren 30ean.–Alkate udalburua, Rita Delia Roldán Murillo.
Iragarkiaren kodea: L1810919
