174. ALDIZKARIA - 2018ko irailaren 7a

1. NAFARROAKO FORU KOMUNITATEA

1.3. LURRALDEAREN ANTOLAMENDUA ETA HIRIGINTZA

666E/2018 EBAZPENA, abuztuaren 22koa, Ingurumeneko eta Lurraldearen Antolamenduko zuzendari nagusiak emana, behin betiko onesten duena Cordovillako (Galar) suhiltzaile-etxearen eta heliportuaren Udalez gaindiko Proiektu Sektorialaren aldaketa xehatua. Aldaketa horren xedea da Zaragoza etorbidearen parean dagoen suhiltzaile-etxearen eremuan determinazio xehatuak finkatzea, eta Nafarroako Gobernuko Lehendakaritzako, Funtzio Publikoko, Barneko eta Justiziako Departamentuko Nafarroako Suhiltzaileen Zerbitzuak sustatu du.

Ingurumeneko eta Lurraldearen Antolamenduko zuzendari nagusiaren maiatzaren 4ko 268E/2018 Ebazpenaren bidez, hasiera batean onetsi eta jendaurrean jarri zen Cordovillako (Galar) suhiltzaile-etxearen eta heliportuaren Udalez gaindiko Proiektu Sektorialaren aldaketa xehatua. Aldaketa horren xedea da Zaragoza etorbidearen parean dagoen suhiltzaile-etxearen eremuan determinazio xehatuak finkatzea, eta Nafarroako Gobernuko Lehendakaritzako, Funtzio Publikoko, Barneko eta Justiziako Departamentuko Nafarroako Suhiltzaileen Zerbitzuak sustatu du.

Aldaketaren esparrua soil-soilik Zaragoza etorbidearen parean dagoen suhiltzaile-etxeari dagokiona da.

Aldaketaren xedea UPSean hirigintza-antolamendu xehatuko determinazioak ezartzea da, azpiegitura edo instalazio berriak egin ahal izateko. Zehazki, honako determinazio xehatuak ezartzen dira:

–Lerrokadurak: lurzatiaren mugak gehieneko lerrokadura gisa ezartzen dira. Muga hauek bat datoz egungo eraikineko lerrokadurekin, Zaragozako etorbidera ematen duen lurzatiaren parean.

–Sestrak: Zaragozako etorbidetik suhiltzaile-etxera sartzeko puntua itsas mailatik 428,86 metrora dago. Suhiltzaile-etxe osoaren sestra itsas mailatik 428,86 metrora dago.

–Instalazioen gehieneko altuera: Noaingo aireportuko zortasun aeronautikoek ahalbidetzen dutena (1875/1973 Dekretua eta 2010eko Plan Zuzentzailea).

–Eraikigarritasuna: librea. Kasu bakoitzean justifikatu beharko da.

Espedientean txosten sektorial hauek jaso dira:

–Herri Lan Zuzendaritza Nagusia. 2018ko martxoaren 8an, txosten bat eman zuen, non adierazten baitu aldaketaren gainean ez duela inolako determinaziorik ezartzen eta PA-31 errepidean (Iruñeko hegoaldera eta aireportura sartzeko bidea) ez dagoela ukipen berririk, mantentzen baita kanpoaldeko gehieneko lerrokadura egungo eraikinaren fatxadan.

–Iruñerriko Mankomunitatea. Martxoaren 5ean aldeko txostena eman zuen hornidura eta saneamendu azpiegiturei dagokienez, eta adierazi zuen ez zuela txostenik emanen mankomunitateak ematen dituen gainerako zerbitzuez.

–Abiazio Zibileko Zuzendaritza Nagusia. 2018ko uztailaren 13an, Abiazio Zibileko zuzendari nagusiak aldeko txostena eman zuen, non adierazi zuen eremu guztia zegoela Iruñeko aireportuari dagozkion zortasun aeronautikoen zonan eta ezarri zituen aldaketa-agirian egin beharreko zuzenketa batzuk. 2018ko uztailaren 31n, espedientea sustatu zuen Zerbitzuak aurrekoaren ordezko aldaketa-agiria aurkeztu zuen, eta aipatutako aldaketak gehitu zituen hartan. Agiri hori Abiazio Zibileko Zuzendaritza Nagusiari igorri zaio, horren berri izan dezan eta behar diren ondorioak izan ditzan.

Bestalde, eta Ingurumen-ebaluazioari buruzko abenduaren 9ko 21/2013 Legean aurreikusiarekin bat, ingurumen ebaluazio estrategiko sinplifikatua egin da, eta Ingurumeneko eta Lurraldearen Antolamenduko zuzendari nagusiaren abuztuaren 6ko 629E/2018 Ebazpenaren bidez eman zaio bukaera. Aipatutako 629E/2018 Ebazpenaren bidez, ingurumen-txosten estrategikoa eman zen aipatutako proiektuaren aldaketa xehatuaren gainean (Cordovillako –Galar– suhiltzaile-etxearen eta heliportuaren Udalez gaindiko Proiektu Sektoriala, Nafarroako Suhiltzaileen Zerbitzuak sustatua –Nafarroako Gobernuaren Lehendakaritzako, Funtzio Publikoko, Barneko eta Justiziako Departamentua–). Ebazpen horrek ez du determinaziorik ezartzen.

Lurralde eta Paisaia Zerbitzuak espedientea azterturik, eta Lurraldearen Antolamenduari eta Hirigintzari buruzko Foru Legearen testu bateginarekin bat (uztailaren 26ko 1/2017 Legegintzako Foru Dekretuaren bidez onetsi zen), eta Landa Garapeneko, Ingurumeneko eta Toki Administrazioko Departamentuaren egitura organikoa ezartzen duen irailaren 21eko 78/2016 Foru Dekretuaren bidez emandako ahalmenak erabiliz,

EBATZI DUT:

1. Behin betiko onestea Cordovillako (Galar) suhiltzaile-etxearen eta heliportuaren Udalez gaindiko Proiektu Sektorialaren aldaketa xehatua. Aldaketa horren xedea da Zaragoza etorbidearen parean dagoen suhiltzaile-etxearen eremuan determinazio xehatuak finkatzea, eta Nafarroako Gobernuko Lehendakaritzako, Funtzio Publikoko, Barneko eta Justiziako Departamentuko Nafarroako Suhiltzaileen Zerbitzuak sustatu du.

2. Ebazpen hau eta onetsitako agiria argitaratzea Nafarroako Aldizkari Ofizialean, eta jakinaraztea Galarko Udalari, Iruñerriko Mankomunitateari, Herri Lan Zuzendaritza Nagusiari, Abiazio Zibileko Zuzendaritza Nagusiari, Lurralde eta Paisaia Zerbitzuari, eta espedientearen sustatzaile den Nafarroako Suhiltzaileen Zerbitzuari, behar diren ondorioak izan ditzaten.

3. Adieraztea ebazpen honek administrazio bidea amaitzen duela, eta honen aurka administrazioarekiko auzi-errekurtsoa jar daitekeela Nafarroako Auzitegi Nagusiko Administrazioarekiko Auzien Salan, bi hilabeteko epean, argitaratu eta biharamunetik hasita.

Dena dela, administrazio publikoek aurretiazko errekerimendua egiten ahalko dute, Nafarroako Gobernuari zuzendua, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.

Ebazpen honen jakinarazpena egin edo, bestela, Nafarroako Aldizkari Ofizialean argitaratu eta biharamunetik aurrera hasiko dira kontatzen epe horiek.

Iruñean, 2018ko abuztuaren 22an.–Ingurumeneko eta Lurraldearen Antolamenduko zuzendari nagusia, Eva García Balaguer.

ERANSKINA

Honako proiektu honen aldaketa xehatua: Cordovillako (Galar) suhiltzaile-etxearen eta heliportuaren Udalez gaindiko Proiektu Sektoriala (PDFa).

Iragarkiaren kodea: F1810559