1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
GORA JOTZEKO ERREKURTSOAK, Hezkuntza Departamentuko Giza Baliabideen Zerbitzuko zuzendariaren abuztuaren 2ko 2492/2018 Ebazpenaren aurka.
Iragarki honen bidez aditzera ematen da Francisca Aguera Fernández andreak, Ander Barberena Rota jaunak, Julia María Orna Esteban andreak, Aurelia Echamendi Zalba andreak, David Jiménez Moreno jaunak, Laura Remacha Laliena andreak, María Virginia Gómez Álvarez andreak, Felix Bueno Maisterra jaunak, Ana María Izco Aramendia andreak, Ana Martínez Izco andreak eta María Montserrat Busto Iriberri andreak gora jotzeko errekurtsoa jarri dutela Hezkuntza Departamentuko Giza Baliabideen Zerbitzuko zuzendariaren abuztuaren 2ko 2492/2018 Ebazpenaren aurka. Ebazpen horren bidez, merezimenduen behin betiko balorazioa onetsi zen Nafarroako Foru Komunitateko Administrazioaren kudeaketa esparruko Bigarren Hezkuntzako irakasleen kidegoan sartzeko eta bertara igotzeko eta Lanbide Heziketako irakasle teknikoen kidegoan sartzeko hautapen prozeduraren lehiaketaldiaren baitan, zeina Hezkuntza Departamentuko Giza Baliabideen Zerbitzuko zuzendariaren martxoaren 6ko 850/2018 Ebazpenaren bidez onetsi baitzen.
Horrenbestez, Administrazio Publikoen Administrazio Prozedura Erkideari buruzko urriaren 1eko 39/2015 Legearen 45. eta 118. artikuluetan xedaturikoarekin bat, honako espezialitate eta hizkuntzetako interesdunak epatzen dira:
Bigarren Hezkuntzako irakasleak:
–Gaztelania eta Literatura (gaztelania).
–Fisika eta Kimika (gaztelania).
–Ingelesa (gaztelania).
–Gorputz Hezkuntza (gaztelania).
–Teknologia (gaztelania).
–Esku-hartze Soziokomunitarioa (gaztelania).
–Geografia eta Historia (euskara).
Lanbide Heziketako irakasle teknikoak:
–Osasun eta Laguntza Prozedurak (gaztelaniaz).
Alegazioak egiteko aukera izanen baitute, iragarki hau Nafarroako Aldizkari Ofizialean argitaratu eta biharamunetik hasita gehienez ere hamar egun balioduneko epean. Alegazioak Hezkuntza Departamentuko Erregistroan aurkeztu beharko dira (Iruñeko San Domingo aldapa, z.g.) edo, bestela ere, Administrazio Publikoen Administrazio Prozedura Erkideari buruzko urriaren 1eko 39/2015 Legeko 16. artikuluan ezarritako bideetatik edozein erabiliz.
Aurkeztutako errekurtsoen kopiak interesdunen eskura daude Hezkuntza Departamentuko Idazkaritza Tekniko Nagusiko Araubide Juridikoaren Atalean (Iruñeko San Domingo aldapa, zk.g.).
Iruñean, 2018ko abuztuaren 30ean.–Araubide Juridikoaren Ataleko burua, Tania Pérez Tellería. (109/2017 Foru Agindua, abenduaren 1ekoa, Hezkuntzako kontseilariak emana, Hezkuntza Departamentuko zuzendari nagusien eta idazkari tekniko nagusiaren aldi baterako ordezkoak izendatzen dituena).
Iragarkiaren kodea: F1810956