1. NAFARROAKO FORU KOMUNITATEA
1.7. BESTELAKOAK
537/2018 EBAZPENA, abuztuaren 9koa, Unibertsitateen eta Hezkuntza Baliabideen zuzendari nagusiak emana, Iruñeko “Hijas de Jesús” Haur, Lehen eta Bigarren Hezkuntzako ikastetxe pribatuaren eta “Hijas de Jesús” Haur Hezkuntzako Lehen Zikloko ikastetxe pribatuaren baimena aldatzen duena, titulartasuna aldatzeagatik.
Ikusirik Rosa María Romo Soler andreak, “Fundación Educativa Jesuitinas” erakundea ordezkatuz, eskatuta tramitatu den espedientea, Iruñeko “Hijas de Jesús” Haur, Lehen eta Bigarren Hezkuntzako ikastetxe pribatuaren eta “Hijas de Jesús” Haur Hezkuntzako Lehen Zikloko ikastetxe pribatuaren baimena aldatzeko, titulartasuna aldatzeagatik, “Congregación de las Hijas de Jesús - Provincia de España” delakoak lehen aipatutako erakundearen mesedetan.
Ikusirik uztailaren 6ko 251/1992 Foru Dekretuaren 16. artikuluko g) letrak ezarritakoa, zeinaren bidez Nafarroako Foru Komunitatean araubide orokorreko irakaskuntza ez-unibertsitarioa ematen duten ikastetxe pribatuak baimentzeko prozedura ezarri baitzen.
Hori horrela, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1.d) artikuluak ematen dizkidan ahalmenak erabiliz eta Hezkuntzako Azpiegituren Zerbitzuak hala proposaturik,
EBATZI DUT:
1. Iruñeko “Hijas de Jesús” Haur, Lehen eta Bigarren Hezkuntzako ikastetxe pribatuak (ikastetxearen kodea: 31004731) eta “Hijas de Jesús” Haur Hezkuntzako Lehen Zikloko ikastetxe pribatuak (ikastetxearen kodea: 31014670) daukaten baimena aldatzea, titulartasuna aldatu delako, zeina 2018ko irailaren 1etik aurrera “Fundación Educativa Jesuitinas” (IFZ R2802437J) erakundearena izango baita.
2. Adieraztea titular berriak subrogatuak izanen dituela indarra duen legerian ezarritako eskubide, betebehar eta karga guztiak, ikastetxean eragina dutenak; bereziki, Nafarroako Gobernuarekiko hezkuntza itunen araubideari dagokion guztia.
3. Ebazpen hau ikastetxearen titularrari jakinaraztea, eta aditzera ematea haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hilabeteko epean.
4. Ebazpen hau igortzea Hezkuntzako Ikuskapen Zerbitzuari, Hezkuntzako Azpiegituren Zerbitzuari, Ikastetxeen, Finantzaketaren eta Ikasketetarako Laguntzen Atalari, Aurrekontuen eta Kudeaketa Ekonomikoaren Atalari, Kontratazioaren, Zerbitzu Osagarrien eta Koordinazio Administratiboaren Atalari, Itunpeko eta Diruz Lagundutako Ikastetxeetako Nominen Bulegoari, eta Ikastetxeetako Informazioa Kudeatzeko Bulegoari.
5. Ebazpen hau Nafarroako Aldizkari Ofizialean argitaratzea.
Iruñean, 2018ko abuztuaren 9an.–Hezkuntzako Azpiegituren Zerbitzuko zuzendaria, Eneko Ardaiz Ganuza. (Unibertsitateen eta Hezkuntza Baliabideen zuzendari nagusiaren ordez, Hezkuntzako kontseilariaren abenduaren 1eko 109/2017 Foru Aginduaren arabera).
Iragarkiaren kodea: F1810309
