1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
1909/2018 EBAZPENA, uztailaren 16koa, Nafar Lansare-Nafarroako Enplegu Zerbitzuko zuzendari kudeatzaileak emana, Nafarroako Enplegu Zerbitzuko zuzendari kudeatzailearen eta erakunde autonomoaren egiturako zerbitzuetako zuzendarien aldi baterako ordezkoak izendatzen dituena.
Nafar Lansare-Nafarroako Enplegu Zerbitzuaren estatutuak onetsi zituen abenduaren 2ko 263/2015 Foru Dekretuaren 11. artikuluan xedatuta dagoenez, zuzendari kudeatzailea kanpoan edo eri denean edo karguan aritzeko aldi baterako ezindua dagoenean, berak berariaz izendatzen duen erakunde autonomoko zerbitzuko zuzendariak ordeztuko du.
Bestalde, Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen otsailaren 21eko 30/2005 Foru Dekretuaren 5. artikuluak 8. artikuluari buruz ezartzen duenari jarraikiz, Nafar Lansare-Nafarroako Enplegu Zerbitzuko zuzendari kudeatzaileari dagokio erakundeko zerbitzuetako zuzendarien aldi baterako ordezkoak izendatzea.
Horrenbestez, Nafar Lansare-Nafarroako Enplegu Zerbitzuaren estatutuak onesten dituen abenduaren 2ko 263/2015 Foru Dekretuak eta otsailaren 21eko 30/2005 Foru Dekretuak eskuordetu dizkidaten ahalmenekin bat,
EBATZI DUT:
1. Nafar Lansare-Nafarroako Enplegu Zerbitzuko zuzendari kudeatzailea falta denean, gaixorik dagoenean edo karguan aritzeko aldi baterako ezintasunen bat duenean, aipatzen diren zerbitzuetako titularrek ordeztuko dute aldi baterako, hurrenkera honi jarraikiz:
a) Laguntza eta Kudeaketa Administratiboaren Zerbitzua.
b) Lanbide Gaitasunak Garatzeko Zerbitzua.
c) Enplegua Sustatzeko eta Enpresentzako Zerbitzuetarako Zerbitzua.
d) Lana Aktibatzeko eta Lurraldea Koordinatzeko Zerbitzua.
2. Laguntza eta Kudeaketa Administratiboaren Zerbitzuko zuzendaria falta denean, gaixorik dagoenean edo karguan aritzeko aldi baterako ezintasunen bat duenean, aipatzen diren zerbitzuetako titularrek ordeztuko dute aldi baterako, hurrenkera honi jarraikiz:
a) Lanbide Gaitasunak Garatzeko Zerbitzua.
b) Enplegua Sustatzeko eta Enpresentzako Zerbitzuetarako Zerbitzua.
c) Lana Aktibatzeko eta Lurraldea Koordinatzeko Zerbitzua.
3. Lanbide Gaitasunak Garatzeko Zerbitzuko zuzendaria falta denean, gaixorik dagoenean edo karguan aritzeko aldi baterako ezintasunen bat duenean, aipatzen diren zerbitzuetako titularrek ordeztuko dute aldi baterako, hurrenkera honi jarraikiz:
a) Enplegua Sustatzeko eta Enpresentzako Zerbitzuetarako Zerbitzua.
b) Laguntza eta Kudeaketa Administratiboaren Zerbitzua.
c) Lana Aktibatzeko eta Lurraldea Koordinatzeko Zerbitzua.
4. Enplegua Sustatzeko eta Enpresentzako Zerbitzuetarako Zerbitzuko zuzendaria falta denean, gaixorik dagoenean edo karguan aritzeko aldi baterako ezintasunen bat duenean, aipatzen diren zerbitzuetako titularrek ordeztuko dute aldi baterako, hurrenkera honi jarraikiz:
a) Lanbide Gaitasunak Garatzeko Zerbitzua.
b) Laguntza eta Kudeaketa Administratiboaren Zerbitzua.
c) Lana Aktibatzeko eta Lurraldea Koordinatzeko Zerbitzua.
5. Lana Aktibatzeko eta Lurraldea Koordinatzeko Zerbitzuko zuzendaria falta denean, gaixorik dagoenean edo karguan aritzeko aldi baterako ezintasunen bat duenean, aipatzen diren zerbitzuetako titularrek ordeztuko dute aldi baterako, hurrenkera honi jarraikiz:
a) Enplegua Sustatzeko eta Enpresentzako Zerbitzuetarako Zerbitzua.
b) Lanbide Gaitasunak Garatzeko Zerbitzua.
c) Laguntza eta Kudeaketa Administratiboaren Zerbitzua.
6. Nafar Lansare-Nafarroako Enplegu Zerbitzuko zuzendari kudeatzaileak abenduaren 21ean emandako 2710/2015 Ebazpena indarrik gabe uztea.
7. Ebazpen hau igortzea ukitutako zerbitzuetako zuzendariei, bai eta Nafar Lansare-Nafarroako Enplegu Zerbitzuko Kontu-hartzailetza Delegatuari ere, behar diren ondorioak izan ditzan.
8. Ebazpen hau Nafarroako Aldizkari Ofizialean argitaratzea.
Iruñean, 2018ko uztailaren 16an.–Nafar Lansare-Nafarroako Enplegu Zerbitzuko zuzendari kudeatzailea, Paz Fernández Mendaza.
Iragarkiaren kodea: F1809190