2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BURLATA
Laburpena, Burlatako ikastetxeetan bazkaltzeko prestazio ekonomikoen deialdi publikoarena (2018-2019 ikasturtea).
Epe berezia, inskripzio berriko ikasleentzat
Zinegotzigo Ordezkariak eman 25/2018 Ebazpenaren bitartez, epe berezia irekitzea onetsi da inskripzio berriko eta/edo ikastetxez aldatutako ikasleentzat.
Deialdiaren laburpena ematen da argitara; haren testu osoa Diru-laguntzen Datu Base Nazionalean kontsulta daiteke (http://www.pap.minhafp.gob.es/bdnstrans/GE/eu/index), DDBN (kodea): 411212.
Onuradunak eta xedea:
Gizarte zerbitzuen arloko diru-laguntzak emateko prozedura juridikoa arautzea, banakako ebaluazio araubidean, Burlatan erroldaturik eta bertan bizi diren familientzako, eskola-adineko adingabeak eskolako jantokira joan daitezen, baldin eta Haur Hezkuntzako bigarren zikloa edo Lehen Hezkuntza ikasten ari badira Burlatako ikastetxeetan.
Ekonomia arazoak dituzten familientzako laguntza ekonomikoa da, Biztanleen Udal Erroldan izena eman baldin badute 2018-2019 ikasturterako jantokirako bekak eskatzeko epe arrunta bukatu ondoren.
Zenbatekoa:
Gastu konputagarriak ken gastu kengarriak eta familia unitate bakoitzeko kide kopurua kontuan hartuta, familia unitate horrek jasoko du dagokion laguntzaren ehunekoa, %100etik %40ra bitartekoa, Burlatako eskola jantokietako batezbesteko kostuaren %95aren gainean. Oinarri arautzaileak: Udalaren www.burlada.es/eu/ web-orrian eta 2017ko 121. Nafarroako Aldizkari Ofizialean, ekainaren 23an, argitaratuak.
Baldintzak eta dokumentazioa:
Ordenantza honetan ezarriak: Burlatako ikastetxeetan bazkaltzeko banakako ebaluazioaren araudian emateko diru-laguntzena. Ordenantza 2017ko 121. Nafarroako Aldizkari Ofizialean argitaratu zen, ekainaren 23an.
Eskaeren aurkezpena:
2018ko irailaren 3tik 7ra bitarte, Burlatako Udalaren Erregistro Nagusian (Larrainetako plaza, z.g., 31600 Burlata).
Burlatan, 2018ko abuztuaren 6an.–Gizarte Zerbitzuetako zinegotzi ordezkaria, Joseba Ginés Eleno.
Iragarkiaren kodea: L1810131