16. ALDIZKARIA - 2018ko urtarrilaren 23a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

Laburpena, Politika Ekonomiko eta Enpresarialaren eta Lanaren zuzendari nagusiak urtarrilaren 9an emandako 19/2018 Ebazpenarena. Ebazpen horren bidez onetsi da Nafarroako enpresa txiki eta ertainei diru-laguntzak emateko deialdia, 2018. urterako, kanpo-merkataritzako lan teknikoak eginen dituzten pertsonak kontrata ditzaten.

Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan aurreikusitakoari jarraituz, argitara ematen da deialdiaren laburpena; haren testu osoa Diru-laguntzen Datu Base Nazionalean kontsulta daiteke (http://www.pap.minhafp.gob.es/bdnstrans/GE/eu/index): DDBN (identifikazioa): 381471, eta aldizkari honetako “Diru-laguntzak, laguntzak eta bekak” izeneko apartatuan.

Lehena.–Onuradunak.

Betebehar hauek betetzen dituzten enpresak:

a) Enpresa txiki edo ertain baten izaera izatea, Batzordeak 2003ko maiatzaren 6an emandako 2003/361/EE Gomendioko definizioari jarraikiz.

b) Helbide fiskala Nafarroan izatea.

c) Kontratazioaren xedeko lanpostuan enplegurik deuseztatu ez izana deialdia argitaratzen denetik kontratua sinatzen denera bitarte.

Diru-laguntzei buruzko azaroaren 9ko 11/2005 Foru Legearen 13.2 artikuluan onuradun izateko ezarritako debeku egoeraren batean ez egotea.

Bigarrena.–Xedea.

Deialdiaren xedea da enpresei laguntza ematea kanpo-merkataritzako lan teknikoak eginen dituzten pertsonak kontratatzeko.

Iruñean, 2017ko urtarrilaren 9an.–Industriaren, Energiaren eta Berrikuntzaren zuzendari nagusia, María Yolanda Blanco Rodríguez.

Iragarkiaren kodea: F1800772