2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ESA
Birzatitzeko proiektua, Esako Udal Planeko UE-11 unitatean.
Behin betiko onespena
Osoko Bilkurak 2017ko abenduaren 1ean hartutako erabakiaren bidez, hasiera batean onetsi zen Esako Udaleko Hirigintza Planeko UE-11 unitatea birzatitzeko proiektua. José Ramón Barcos Fletak sustatu du, Mercado y Desarrollo de Terrenos SL enpresa (IFK: B31452501) ordezkatuz. Hura behin betiko onesteko, beharrezkoa zen:
1. Nafarroako Gobernuko Bide Zerbitzuaren aldeko txostena.
2. Behin betiko onestea Udalaren Hirigintza Planeko UE-11 exekuzio unitatearen mugaketaren aldaketa.
3. Udaleko arkitektoaren txostenean adierazitako akatsak zuzentzea.
4. Kudeaketa hitzarmena onestea eta hirigintzako aprobetxamenduaren %10 ordaintzea.
Hasierako onespena 2018ko urtarrilaren 2ko Nafarroako Aldizkari Ofizialean argitaratu zen, eta jendaurreko epea iragan da inork alegaziorik aurkeztu gabe. Aurreko izapideak beteta, eta Lur-ondasunen eta Ondarearen gaineko Tributuen Zerbitzuaren aldeko txostena jasota, Lurraldearen Antolamenduari eta Hirigintzari buruzko Foru Legearen testu bateginaren hamabigarren xedapen gehigarriak ezarri bezala.
Lurraldearen Antolamenduari eta Hirigintzari buruzko Foru Legearen testu bategina onesten duen uztailaren 26ko 1/2017 Legegintzako Foru Dekretuaren 168. artikuluan eta hurrengoetan xedatuari jarraikiz, Esako Udalaren Osoko Bilkurak erabaki du behin betiko onestea Esako Udalaren Hirigintza Planeko UE-11 unitatea birzatitzeko proiektua, eta onespen hori Nafarroako Aldizkari Ofizialean argitaratzea, legezko ondorio guztiak izan ditzan. Proiektua José Ramón Barcos Fletak aurkeztu du, Mercado y Desarrollo de Terrenos SL enpresa ordezkatuz.
Esan, 2018ko uztailaren 2an.–Alkatea, Roberto Martínez Luyando.
Iragarkiaren kodea: L1808708
