2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑA
Laburpena, kirol elkarteei diru-laguntzak norgehiagokako araubidean emateko deialdiarena. Elkarteek instalazio propioak izan behar dituzte, eta defizit ekonomikoa aurreikusi
2018ko ustiapen-kontuan
Oharra: testu osoa Diru-laguntzen Datu Base Nazionalean kontsulta daiteke (http://www.pap.minhafp.gob.es/bdnstrans/GE/eu/index), DDBN (identifikazioa): 406426.
1.–Administrazio deitzailea: Iruñeko Udala.
2.–Organo emailea: Komunitate Garapeneko Zinegotzigo Delegatua.
3.–Alor kudeatzailea: Komunitate Garapeneko Alorra.
4.–Instrukzio organoa: diru-laguntza kudeatzen duen alorreko Idazkaritza Teknikoa.
Deialdiaren xedea:
Deialdiaren xedea diru-laguntza ematea da irabazi-asmorik gabeko kirol elkarteei, zehazki instalazio propioak eta, aurreikuspenen arabera, 2018ko ustiapen-kontuan defizit ekonomikoa dituztenei.
Deialdiaren helburua:
Laguntza ekonomikoa ematea kirol elkarteei, ariketa fisikoa eta kirola sustatzen baitute, baldin eta finantzaketa arazoak badituzte beren helburuak lortzeko.
Diruz lagun daitezkeen ekintzak/proiektuak/jokabideak/jarduerak egiteko baldintzak, betekizunak eta epea:
Diru-laguntza eskatzen duten kirol elkarteek baldintza hauek bete beharko dituzte, bestela eskaera onartuko ez baita:
1.–Kirol entitate gisa eraturik egotea, irabazi-asmorik ez izatea eta eskatzaile guztiak onartzea bazkide, inguruabar pertsonal edo sozialengatik inor diskriminatu gabe.
2.–Defizit ekonomikoa aurreikustea 2018ko ustiapen-kontuan.
3.–Udako eta neguko kirol instalazio propioak izatea; gutxienez, kanpoko igerilekuak eta igerileku estaliak.
Iruñean, 2018ko uztailaren 2an.–Komunitate Garapeneko Alorreko zinegotzi ordezkaria, Esther Cremaes Mayorga.
Iragarkiaren kodea: L1808684
