2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑA
Laburpena, Iruñeko ikastetxe publiko eta itunduetan ikaskuntza/zerbitzu proiektuak egiteko lehiaketaren deialdiarena
Oharra: testu osoa Diru-laguntzen Datu Base Nazionalean kontsulta daiteke (http://www.pap.minhafp.gob.es/bdnstrans/GE/eu/index), DDBN (identifikazioa): 405909.
Iruñeko Udalak “Iruñeko ikastetxe publiko eta itunduetan ikaskuntza/zerbitzu proiektuak egiteko lehiaketa” deitu du, norgehiagokako araubidea erabiliz, Iruñeko Udalaren Diru-laguntzei buruzko ordenantza orokorrean xedatuari jarraikiz, zeina argitaratu baitzen 2006ko 21. Nafarroako Aldizkari Ofizialean, otsailaren 17koan.
1.–Xedea.
Lehiaketaren xedea da sustatzea Iruñeko ikastetxe publiko eta itunduetan ikaskuntza/zerbitzu proiektuak prestatu eta egin daitezela, ikaskuntzako prozesuak eta ikasleen tokiko komunitatearentzako zerbitzuen prozesuak konbinatzen dituen metodologia didaktiko gisa, ongi antolatutako proiektu soil bakarrean egituratua, zeinaren bidez parte-hartzaileek curriculum-edukiak eta balio zibiko eta gizatiarrak ikasten baitituzte, hirian dauden eta biztanleek dituzten benetako premietan landuz, egoerak hobera egin dezan.
Horren bidez, Iruñeko Udalak agerian jarri nahi du, hiri osoan, ikastetxeen konpromiso solidarioa eta zibikoa, eta indartu, horrela, gizartearen kohesioa eta komunitateko eragile guztien parte-hartzea tokiko bizi-baldintzen hobekuntzan.
2.–Sariaren modalitatea.
Sari modalitate hauek ezarri dira:
1. modalitatea: Haur eta Lehen Hezkuntzako ikastetxeen proiektuetarako.
2. modalitatea: DBHko eta Batxilergoko ikastetxeen proiektuetarako.
3. modalitatea: Lanbide Heziketako ikastetxeen proiektuetarako.
Iruñean, 2018ko ekainaren 28an.–Komunitate Garapeneko Alorreko zinegotzi ordezkaria, Esther Cremaes Mayorga.
Iragarkiaren kodea: L1808595