1. NAFARROAKO FORU KOMUNITATEA
1.7. BESTELAKOAK
ERABAKIA, Nafarroako Gobernuak 2018ko ekainaren 20an hartua, zeinaren bidez foru intereseko inbertsio deklaratzen baita Trans Jaylo SAk sustatutako enpresa-inbertsioaren proiektua.
Trans Jaylo SAk, 2018ko maiatzaren 4an, eskatu zuen foru interesekoa deklara zedila Tuteran (Nafarroa) dituen instalazioak handitzeko inbertsio proiektua.
Enpresa Sustapenaren Zerbitzuak inbertsio proiektua ebaluatu duelarik, kontuan harturik proiektuaren ezaugarriak, enplegua sortzeari begira izanen duen eragina eta haren garapena sustatu beharra, proposatu du foru intereseko inbertsio deklaratzea, abenduaren 9ko 15/2009 Foru Legearen 4. artikuluan ezarritakoaren ondorioetarako (enpresa edo lanbide jarduerak abian jartzeko xedearekin administrazioa errazteko neurriei buruzkoa da foru lege hori).
Adierazitakoarekin bat, Nafarroako Gobernuak, Garapen Ekonomikorako kontseilariak proposaturik,
ERABAKI DU:
1. Trans Jaylo SAk sustatu duen inbertsio proiektua, Tuteran dituen instalazioak handitzekoa, foru intereseko inbertsio deklaratzea, abenduaren 9ko 15/2009 Foru Legearen 4. artikuluan ezarritakoaren ondorioetarako (enpresa edo lanbide jarduerak abian jartzeko xedearekin administrazioa errazteko neurriei buruzkoa da foru lege hori). Deklarazio honek inbertsio proiektua bukatu arte izanen ditu ondorioak.
2. Erabaki hau igortzea Nafarroako Parlamentuko Garapen Ekonomikorako Batzordeari, abenduaren 9ko 15/2009 Foru Legearen 4. artikuluan ezarritakoaren ondorioetarako.
3. Erabaki hau Nafarroako Aldizkari Ofizialean argitaratzea, orok jakin dezan, eta Trans Jaylo SAri jakinaraztea, behar diren ondorioak izan ditzan.
Iruñean, 2018ko ekainaren 28an.–Nafarroako Gobernuko kontseilari idazkaria, María José Beaumont Aristu.
Iragarkiaren kodea: F1808188
