1. NAFARROAKO FORU KOMUNITATEA
1.7. BESTELAKOAK
114E/2018 EBAZPENA, maiatzaren 16koa, Lurralde eta Paisaia Zerbitzuko zuzendariak emana, Gas Navarra SAk eskatuta Lekunberriko industrialdean gasa hornitzeko antenarako abiarazitako espedientea iraungia dela deklaratzen duena.
2018ko urtarrilaren 12an Lurralde eta Paisaia Zerbitzuan sartu zen aurreko paragrafoan aipatutako espedientea.
Eskaerarako aurkeztu zen dokumentazio teknikoa ikusirik, 2018ko otsailaren 9an jakinarazitako idazkiaren bidez eskatu zen dokumentazio osagarria (proiektua eta ingurumen agiria) bidaltzeko, beharrezkoa espedientea behar bezala tramitatzeko. Errekerimendu horretan, berariaz ohartarazi zen ezen, dokumentazio hori igorri ez eta, horregatik, espedientea hiru hilabetetik gora geldiaraziz gero, eskaera iraungiko litzatekeela eta jarduketak artxibatuko liratekeela, eta, ondorioz, ezin izanen liratekeela proiektatutako obra eta instalazioak egin, hori guztia Administrazio Publikoen Administrazio Prozedura Erkideari buruzko urriaren 1eko 39/2015 Legearen 95. artikuluan xedatutakoaren arabera.
Emandako epea igaro denez egindako errekerimenduari erantzun gabe, Landa Garapeneko, Ingurumeneko eta Toki Administrazioko Departamentuaren egitura organikoa onesten duen irailaren 21eko 78/2016 Foru Dekretuaren indarrez, eta Ingurumeneko eta Lurraldearen Antolamenduko zuzendari nagusiaren urriaren 4ko 760/2016 Ebazpenaren bidez eskuordetuak ditudan eskumenak erabiliz,
EBATZI DUT:
1. Gas Navarra SAk eskatuta Lekunberriko industrialdean gasa hornitzeko antenarako abiarazitako espedientea iraungia dela deklaratzea, eta horretan egindako jarduketak bukatutzat jotzea.
Adieraztea etorkizunean obra horiek egin nahi izanez gero beste espediente bat hasi beharko dela.
2. Ebazpen honek ez du administrazio bidea agortzen, eta espedientean interesa dutenek, administrazio publikoek izan ezik, gora jotzeko errekurtsoa jartzen ahal dute, Landa Garapeneko, Ingurumeneko eta Toki Administrazioko kontseilariari zuzendua, hilabeteko epean.
Administrazio Publikoek zilegi dute administrazioarekiko auzi-errekurtsoa jartzea, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuan aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
Epeak ebazpen hau jakinarazi eta biharamunetik hasita kontatuko dira.
3. Ebazpen hau Nafarroako Aldizkari Ofizialean argitaratzea.
4. Ebazpen hau sustatzaileari, Lurraldearen Antolamenduaren eta Estrategiaren Atalari eta Azpiegitura Energetikoen Atalari igortzea, jakinaren gainean egon daitezen eta behar diren ondorioak izan ditzan.
Iruñean, 2018ko maiatzaren 16an.–Lurralde eta Paisaia Zerbitzuko zuzendaria, Carmen Ursúa Sesma.
Iragarkiaren kodea: F1806617
