2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
PUIU
Herri-larreen adjudikazioa, enkante publikoko prozeduraren bidez
Puiuko Udalak, 2018ko maiatzaren 11ko osoko bilkuran, erabaki zuen hasiera ematea herri-larreak adjudikatzeko prozedurari, enkante publikoaren bidez, hainbat larre eman gabe edo soberan gelditu baita herritarren arteko adjudikazio prozeduran. Bilkura berean onetsi zuen enkantearen baldintza-agiria, haren baldintzak ezartzen baititu:
–Enkante mota: gutun-azal itxien bidezkoa.
–Bazkalekuaren deskripzioa, ordenantzaren 1. artikuluan adierazten den bezala: “herri-larreek ustiapen unitatea osatzen dute beste finka partikularrekin batera, antzinako ohitura, lege nahiz hitzarmenei jarraikiz; bazkaleku bakar batek hartzen du Puiuko udal-mugarte osoa, eta alderdi hauek osatzen dute: Aranbero, Makotxa, Monte Sierra, Ariamain eta Valdelobos”.
–Adjudikazio epea: 8 urte. 2026ko abenduaren 31n bukatuko da.
–Hasierako prezioa: 2.800,00 euro.
–Behin-behineko fidantza: 56,00 euro.
–Eskaintzak aurkezteko epea: hamabost egun natural, lizitazio iragarkia Nafarroako Aldizkari Ofizialean argitaratu eta biharamunetik hasita. Hala ere, epearen azken eguna baliogabea bada Puiun, hurrengo lehen egun balioduna arte luzatuko da epea.
Baldintza ekonomiko-administratibo partikularren agiria Puiuko udaletxean dago, baita Orbaibarko Administrazio Zerbitzuen Batasunean eta Nafarroako Kontratazio Atarian ere.
Puiun, 2018ko ekainaren 18an.–Alkatea, Nekane Salaberria Etxeberria.
Iragarkiaren kodea: L1808043