2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ETXAURI
2018ko karga-tasak
Nafarroako Toki Ogasunei buruzko martxoaren 10eko 2/1995 Foru Legeak xedatzen duenari jarraituz, Etxauriko Udalak osoko bilkuran erabaki du aho batez:
1. 2018ko urtarrilaren 1etik aitzina indarrean jarriko diren karga-tasak onestea:
–%0,38ko karga-tasa ezartzea hiri-lurreko ondasunentzat.
–%0,80ko karga-tasa ezartzea landa-lurreko ondasunentzat.
–%1,40ko karga-tasa aplikatuko da ekonomia-jardueren gaineko zergarako ezarritako kuotaren gainean.
–%5eko karga-tasa aplikatuko da lizentzia behar duten instalazio, eraikuntza eta obren gaineko zergaren gainean.
–%14ko karga-tasa ezartzea hiri-lurren balio igoeraren gaineko zergaren gainean.
2. Ludotekaren zerbitzurako, arau eta prezio publiko hauek onestea 2018ko ekitaldirako eta 2017-2018 ikasturterako:
–Ludotekako matrikula: 20,00 euro jarduna hastean.
–Kuotak:
- Lehenbiziko semea/alaba: hiruhilekoa: 30,00 euro.
- Bigarren semea/alaba: hiruhilekoa: 15,00 euro.
- Hirugarren semea/alaba: hiruhilekoa: 5,00 euro.
- Kanpotarra: lehenbiziko semea/alaba: hiruhilekoa: 45,00 euro.
- Kanpotarra: bigarren semea/alaba: hiruhilekoa: 22,50 euro.
- Kanpotarra: hirugarren semea/alaba: hiruhilekoa: 7,50 euro.
Ordutegia: astelehenetan, astearteetan eta ortzegunetan, arratsaldez, 17:30etik 19:30era ikasturtean zehar.
1.–Astelehenetan: euskarara hurbiltzea (A, G eta PAI ereduak).
2.–Astearteetan: D eredua.
3.–Ortzegunetan: eredu guztiak.
Altak eta bajak: behin betiko bajak baizik ez dira onartuko, ez aldi baterakoak. Hiruhileko osoa kobratuko da beti.
Onarpenerako irizpideak: Eredu guztietako (D, A, G, PAI, eta abar) haurrak Haur Hezkuntzako lehenengo mailan (irailean) hasten ahal dira.
Kasu bereziak banan-banan aztertuko dira.
Ordainketa: kuoten zenbatekoa hiruhileko natural bakoitzean kobratuko da. Horretarako ematen den kontuan kargatuko da.
Telebanaketa sareari lotzeko tasak onestea, 2018ko ekitaldirako:
–Etxebizitzen jabeak: 175,00 euro etxebizitza bakoitzeko.
–Antena kolektiboa duten etxebizitzetako jabeak: 70,00 euro etxebizitza bakoitzeko.
–Telebanaketa zerbitzua erabiltzeagatik: 21,00 euroko kuota urtean, sareari lotutako telebista duen etxebizitza bakoitzeko.
Etxaurin, 2017ko abenduaren 22an.–Alkatea, Idoia Aritzala Etxarren.
Iragarkiaren kodea: L1715039