2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BURLATA
Laburpena, nazioarteko lankidetza-senidetzeetarako
laguntzen deialdi publikoarena
Diru-laguntzei buruzko azaroaren 17ko 38/2003 Lege Orokorraren 17.3b eta 20.8 artikuluetan ezarritakoari jarraituz, argitara ematen da deialdiaren laburpena; haren testu osoa Diru-laguntzen Datu-base Nazionalean kontsultatu daiteke (http://www.pap.minhafp.gob.es/bdnstrans/GE/eu/index), DDBN (Identifikazioa): 405050.
Lehena.–Deialdiaren xedea.
Lankidetzarako lerro honen xede nagusiak dira zuzeneko senidetzeak, legez eratuak Burlatako herritarren elkarteen eta garapen integralaren bidean diren herrialde eta estaturik gabeko herrietako kontraparteen artean, garapen komunitarioko ekintzak sustatzeko eta elkartasun eta hezkuntza arloko esperientziak trukatzeko Nafarroako lankidetzarako plan zuzendariaren arabera lehentasuna duten sektoreetan (osasuna, hezkuntza, landa-nekazaritza-abeltzaintzaren garapena, ur hornidura, elkarte zibilak indartzea, emakumeari buruzko programak eta garapena).
Bigarrena.–Onuradunak.
Irabazi-asmorik gabeko elkarteak, Nafarroako Gobernuaren Elkarteen Erregistroan inskribatuak eta deialdian adierazi baldintzak betetzen dituztenak, eta xede berariazkoa dutenak garapenerako laguntza arloko jarduketak egitea eta herrien arteko elkartasuna sustatzea.
Hirugarrena.–Oinarri arautzaileak.
Udalaren nazioarteko lankidetza-senidetzeetarako laguntzak arautzen dituen ordenantza. (2018ko 96. Nafarroako Aldizkari Ofiziala, maiatzaren 21ekoa).
Laugarrena.–Eskaerak aurkezteko epea.
Hamabost egun baliodunekoa izanen da, deialdia Nafarroako Aldizkari Ofizialean argitaratu eta biharamunetik hasita.
Burlatan, 2018ko ekainaren 18an.–Gizarte Zerbitzuetako zinegotzi ordezkaria, Joseba Ginés Eleno.
Iragarkiaren kodea: L1808212