1. NAFARROAKO FORU KOMUNITATEA
1.7. BESTELAKOAK
55/2018 FORU AGINDUA, ekainaren 18koa, Hezkuntzako kontseilariak emana, Hezkuntza Departamentuaren menpeko irakaskuntza ez-derrigorrezkoen tarifak finkatzen dituena, 2018-2019 ikasturterako.
Nafarroako Foru Komunitateko Administrazioaren eta haren erakunde autonomoen zein zerbitzu eta jardueratan eska daitezkeen prezio publikoak ezartzen dituen otsailaren 19ko 24/2014 Foru Dekretuaren 2. artikuluak prezio publikoen bitartez finantza daitezkeen zerbitzu eta jarduerak aipatzen ditu. Horien artean daude derrigorrezkoa ez den irakaskuntza ematen duten ikastetxeen zerbitzuak, beren irakaste jardueren ondorio direnak.
Hezkuntza Departamentuari dagokio derrigorrezkoak ez diren irakaskuntza mailetan ematen diren zerbitzuen tarifak ezartzea eta eguneratzea, Nafarroako Foru Komunitateko Administrazioaren eta haren erakunde autonomoen tasa eta prezio publikoei buruzko martxoaren 27ko 7/2001 Foru Legearen 18. artikuluan xedatutakoaren arabera.
Nafarroako Gobernuari eta Lehendakariari buruzko abenduaren 3ko 14/2004 Foru Legearen 41.1.e) artikuluan ematen zaizkidan ahalmenak erabiliz,
AGINDU DUT:
1.–Irakaskuntza ez-derrigorrezkoa ematen duten Hezkuntza Departamentuaren menpeko ikastetxeen zerbitzuen tarifak finkatzea 2018-2019 ikasturterako, zenbateko hauen arabera:
1. “Pablo Sarasate” Musika Kontserbatorio Profesionala:
–Espedientea irekitzea: 29,30 euro.
–Ikasturte osoa: 52,80 euro irakasgai bakoitzeko.
–Gainditu gabeko irakasgaiak: 61,60 euro.
–Musikako irakaskuntza profesionaletako sarrera-proba: 18,50 euro.
–Zerbitzu orokorrak: 11,90 euro.
–Lanbide titulua eskuratzeko proba: 105,80 euro.
2. Nafarroako Goi Mailako Musika Kontserbatorioa:
–Goi mailako sarrera-proba: 61,30 euro.
–Lehen matrikula: 18,40 euro kreditu bakoitzeko.
–Espedientea irekitzea: 26,30 euro.
–Zerbitzu orokorrak: 10,70 euro.
–Ondorengo matrikulak: 25,00 euro kreditu bakoitzeko.
–Kredituak onartu eta/edo transferitzeko eskaera: 10,00 euro irakasgai bakoitzeko.
3. Dantza Eskola.
3.1. A eta B hastapena (6 eta 7 urteko haurrak):
–Lehen inskripzioa: 34,40 euro.
–Sarrera-proba: 7,50 euro.
–Dantzan ikasten hasteko ikastaro osoa: 148,80 euro.
3.2. Oinarrizko maila:
–Lehen inskripzioa: 34,40 euro.
–Sarrera-proba: 7,50 euro.
–Oinarrizko mailako ikastaro osoa: 180,60.
3.3. Erdiko maila:
–Lehen inskripzioa: 34,40 euro.
–Sarrera-proba: 31,40 euro.
–Erdi mailako ikastaro osoa: 241,40 euro.
3.4. Helduak:
–Helduentzako ikastaroetako sarrera-proba: 7,50 euro.
Dantza espainiarraren ikastaroa:
–Lehen inskripzioa: 34,40 euro.
–Irakasgai bakoitzeko: 210,00 euro.
Dantza garaikidearen ikastaroa:
–Lehen inskripzioa: 34,40 euro.
–Irakasgai bakoitzeko: 210,00 euro.
Dantza klasikoaren ikastaroa:
–Lehen inskripzioa: 34,40 euro.
–Irakasgai bakoitzeko: 210,00 euro.
4. Iruñeko eta Tuterako Hizkuntza Eskola Ofizialak:
4.1. Irakaskuntza ofiziala:
–Lehen inskripzioa: 30,00 euro.
–Ikastaro presentzial bakoitzeko matrikula: 148,00 euro.
4.1.1. Ingeleseko B2 eta C1 mailetako egiaztapena lortzeko ikastaroetako matrikula, Hezkuntza Departamentuaren eta hezkuntzako beste erakunde batzuen menpeko ikastetxeetako irakasleei zuzenduak:
–Azterketa eskubideak: 52,00 euro.
4.2. Eguneratze eta hobekuntza ikastaroak:
–Lehen inskripzioa: 30,00 euro.
–Urteko ikastaro presentzial bakoitzeko matrikula: 148,00 euro.
–Lau hileko ikastaro presentzial bakoitzeko matrikula: 74,00 euro.
4.3. Irakaskuntza librea:
–Lehen inskripzioa: 30,00 euro.
–Azterketa eskubideak: 52,00 euro.
4.4. Arautu gabeko hizkuntzak:
–Kurtso bakoitzeko matrikula: 223,00 euro.
4.5. Jarduera osagarriak:
–Mintza praktikako taldeak eta lantegiak:
- Ordubete: 45,00 euro.
- 1,5 ordu: 60,00 euro.
- 2 ordu: 90,00 euro.
–Udako ikastaro trinkoak: 200,00 euro.
4.6. Tasak materialagatik eta erreprografia zerbitzuagatik: 25 euro gehienez.
5. Nafarroako Urrutiko Hizkuntza Eskola Ofiziala:
5.1. Bigarren Hezkuntzarekiko lankidetza programarako matrikula:
–Zerbitzu orokorrak: 10,10 euro.
–Lehen inskripzioa: 23,80 euro.
–Lehen hizkuntza: 60,00.
–Bigarren hizkuntza: 42,00.
–Hirugarren hizkuntza: 30,00.
5.2. That’s English ikastaroa:
–Zerbitzu orokorrak: 10,10 euro.
–Lehen inskripzioa: 23,80 euro.
–Ikastaroko matrikula: 45,00 euro.
5.3. Ingeleseko B2 eta C1 mailetako egiaztapena lortzeko ikastaroetako matrikula, Hezkuntza Departamentuaren eta hezkuntzako beste erakunde batzuen menpeko ikastetxeetako irakasleei zuzenduak:
–Azterketa eskubideak: 52,00 euro.
–Tasak materialagatik eta erreprografia zerbitzuagatik: 25 euro gehienez.
5.3.1. Hasiera batean irakasleei zuzendutako ingeleseko B2 eta C1 mailetako ikastaroetan dauden ikaspostu hutsetan irakasle ez den pertsona ororentzako matrikula arrunta:
–Zerbitzu orokorrak: 10,10 euro.
–Lehen inskripzioa: 23,80 euro.
–Ikastaro presentzial bakoitzeko matrikula: 148,00 euro.
–Tasak materialagatik eta erreprografia zerbitzuagatik: 25 euro gehienez.
5.4. Hezkuntza Departamentuak eta hezkuntzako beste erakunde batzuek atzerriko hizkuntzak egiaztatzeko berariaz sinatutako hitzarmenpeko ikasleek ordaindu beharreko matrikula B2 eta C1 mailetarako: 65 euro.
6. Helduei euskara irakasteko irakaskuntza, Zubiarte Euskaltegia.
–Zerbitzu orokorrak: 10,00 euro.
–Lehen inskripzioa: 25,00 euro.
–Astean 4 eguneko ikastaro osorako matrikula: 80,00 euro.
–Astean 2-3 eguneko ikastaro osorako matrikula: 45,00 euro.
–Astean egun bateko ikastaro osorako matrikula, “autoikaskuntza modalitatea”: 45,00 euro.
–Astean 5 eguneko iraileko ikastaro trinkorako matrikula: 25,00 euro.
7. Nafarroako Gobernuaren Euskararen Gaitasun Agiria (EGA) titulua lortzeko azterketa egiteko eskubideak.
–Matrikula arrunta: 26,00 euro.
8. Diseinuko goi mailako ikasketak.
–Diseinuko goi mailako ikasketetako sarrera-probak: 61,30 euro.
–Lehen matrikula: 8,90 euro kreditu bakoitzeko.
–Espedientea irekitzea: 26,30 euro.
–Zerbitzu orokorrak: 10,70 euro.
–Ondorengo matrikulak: 12,10 euro kreditu bakoitzeko.
–Kredituak onartu eta/edo transferitzeko eskaera: 10,00 euro irakasgai bakoitzeko.
2.–Familia Ugariak Babesteko azaroaren 18ko 40/2003 Legean eta maiatzaren 18ko 6/2005 Foru Legean xedatutakoarekin bat, foru agindu honetan ezarritako prezio publikoei honako hauek aplikatuko zaizkie:
a) %100eko salbuespena, kategoria bereziko familia ugarietako kideentzat.
b) %50eko hobaria, kategoria orokorreko familia ugarietako kideentzat.
3.–Ekintza terroristen biktimak, baita haien ezkontide eta seme-alabak ere, irakaskuntza ez-derrigorrezkoen tarifak ordaintzetik salbuetsita daude.
4.–Genero-indarkeriaren biktimak, baita haien seme-alabak ere, irakaskuntza ez-derrigorrezkoen tarifak ordaintzetik salbuetsita daude.
5.–Desgaitasun aitortua duten pertsonei honako hauek aplikatuko zaizkie:
a) %100eko salbuespena, %65eko edo gehiagoko desgaitasun aitortua duten pertsonentzat.
b) %50eko hobaria, %33ko edo gehiagoko desgaitasun aitortua duten pertsonentzat.
6.–Foru agindu honek Nafarroako Aldizkari Ofizialean argitaratu eta biharamunetik aurrera izanen ditu ondorioak.
7.–Foru agindu hau igortzea Ekonomia eta Ogasuneko eta Finantza Politikako Departamentuak Hezkuntzakoan duen kontu-hartzaile delegatuari, Baliabide Ekonomikoen Zerbitzuari, Eleaniztasunaren eta Arte Ikasketen Zerbitzuari eta Aurrekontu eta Kudeaketa Ekonomikoaren Atalari, behar diren ondorioak izan ditzan.
Iruñean, 2018ko ekainaren 18an.–Hezkuntza Departamentuko kontseilaria, María Roncesvalles Solana Arana.
Iragarkiaren kodea: F1808005