11. ALDIZKARIA - 2018ko urtarrilaren 16a

2. NAFARROAKO TOKI ADMINISTRAZIOA

2.1. OPOSIZIOAK ETA LEHIAKETAK. LAN PUBLIKOAREN ESKAINTZA

ZANGOZAKO ESKUALDEKO ZERBITZUEN MANKOMUNITATEA

Deialdia, Zangozako Eskualdeko Zerbitzuen Mankomunitatean administrari laguntzaile lanpostuetan aldi baterako kontratuarekin aritzeko izangaien zerrenda hautaproben bidez osatzeko

Zangozako Eskualdeko Zerbitzuen Mankomunitateak, urriaren 9an eman 123/2017 Lehendakaritzaren Ebazpenaren bidez, honako deialdi hau onetsi du: Zangozako Eskualdeko Zerbitzuen Mankomunitatean administrari laguntzaile lanpostuetan aldi baterako kontratuarekin aritzeko izangaien zerrenda hautaproben bidez osatzeko deialdia.

Zangozako Eskualdeko Zerbitzuen Mankomunitateko buruak 168. Ebazpena eman du 2017ko abenduaren 15ean, deialdiaren 6. oinarria aldatzeko eta eskabideak aurkezteko epe berria ezartzeko, indarrean den deialdiko oinarrietan ezarritako gainerako epeak mantenduz, deusetan ukatu gabe ebazpen hau eman den egunean Mankomunitateko erregistroan jadanik aurkeztuak diren eskabideen baliozkotasuna.

OINARRI ARAUTZAILEAK

1. oinarria.–Deialdiaren xedea eta arau orokorrak.

1.1. Honako deialdi hau iragartzen da: Zangozako Eskualdeko Zerbitzuen Mankomunitatean administrari laguntzaile lanpostuetan aldi baterako kontratuarekin aritzeko izangaien zerrenda hautaproben bidez osatzeko deialdia.

1.2. Deialdi hau Nafarroako Aldizkari Ofizialean eta Mankomunitatearen iragarki-oholean argitaratuko da, eta oinarriak interesdunen eskura egonen dira Mankomunitatearen erregistro orokorrean (Kale Nagusia, 9-11, Zangoza).

1.3. Kontratazioen ezaugarriak, hau da, araubide juridikoa (administratiboa; lanekoa), jardunaldia (osoa; partziala) eta iraupena, horiek justifikatzen dituen kausalitatea eta bidezkoak diren bestelakoak kasu bakoitzean plantilla organikoan ezarritako zehaztapenen eta Zangozako Eskualdeko Zerbitzuen Mankomunitateko lanpostuen zerrendaren araberakoak izanen dira.

1.4. Lan-ordutegia Zangozako Eskualdeko Zerbitzuen Mankomunitatearen lan egutegian ezarritakoa izanen da; edonola ere, lanaldia luzatzen ahalko da zerbitzuaren beharren arabera, indarreko legediarekin bat.

1.5. Lanpostuak Nafarroako Administrazio Publikoen zerbitzuko Langileen Estatutuan D mailarako ezarritako ordainsariak izanen ditu, baita plantilla organikoan lanpostu horretarako ezarritako osagarriak ere.

1.6. Deialdi honi jarraikiz kontratatzen den pertsonak izanen dituen eginkizunak eta egin beharko dituen lanak bere mailaren eta kategoriaren eta deialdian eskatutako titulazioaren eta ikasketen araberakoak izanen dira, hala nola jendeari arreta egitea, kontabilitatea eramatea, ordenagailuak erabiltzea, testuak tratatzea, kudeaketa-programaz arduratzea, etab., bai eta bere eginkizunetatik oro har adierazten zaizkionak ere.

2. oinarria.–Eskaerak.

2.1. Deialdian parte hartu nahi dutenek eskabide ofiziala aurkeztu beharko dute, deialdia argitaratu eta gehienez ere hogeita hamar egun naturaleko epean, Zangozako Eskualdeko Zerbitzuen Mankomunitatean (Kale Nagusia, 9-11, Zangoza) edo Administrazio Publikoen Administrazio Prozedura Erkideari buruzko urriaren 1eko 39/9 Legean ezarritako moduetako edozein erabiliz. Eskabideari gehitu beharko zaizkio deialdi honen hirugarren oinarrian ezartzen diren baldintzak betetzen dituztela frogatzen duten agiriak. Agiriak jatorrizkoak edo kopia behar bezala konpultsatuak izanen dira; bestela, aurkeztu gabetzat joko dira.

2.2. Eskabideak deialdian (I. eranskina) argitaratzen den ereduaren araberakoak izanen dira, eta hura eskuragarri egonen da Zangozako Eskualdeko Zerbitzuen Mankomunitatearen erregistro orokorrean (Kale Nagusia, 9-11, Zangoza). Haietan izangaiek adierazi beharko dute eskatutako baldintza guztiak betetzen dituztela eskabideak aurkezteko epea bururatzen den egunerako.

Eskaerak Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan ezarritakoaren babesean aurkezten badira, hots, Zangozako Eskualdeko Zerbitzuen Mankomunitatearen erregistro orokorrean ez, beste batean, eskatzaileek eskabidearen kopia eta sartzeko baldintzak betetzen dituztela frogatzen duten agiriak, zigilua eta erregistroko sarrera-data dituztela, mancomunidad@mscs.es helbide elektronikora igorri beharko dituzte, betiere aurkezteko epearen barruan.

Nahitaezkoa eta saihestezina izanen da aipatu agiriak posta elektronikoz igortzea, hautapen-prozeduraren tramitazioak aurrera egin dezan, baina ez du erabateko baliorik izanen Zangozako Eskualdeko Zerbitzuen Mankomunitatean jatorrizko ereduaren araberako eskabidea sartzen ez den bitartean.

Igorpen prozedura hori bete ezean, izangaia hautapen-prozeduratik kanporatua izanen da, baldin eta erregistratutako eskabidea izangai onartu eta baztertuen hasierako zerrendaren argitalpenaren ondotik iristen bada.

2.3. Desgaitasun aitortua duten izangaiek egokitzapenak eskatzen ahalko dituzte, denbora eta baliabideen aldetik, ariketak egin ahal izateko, hala behar izanez gero. Halakoetan, eskabidean adierazi beharko dute, beste orrialde batean, zer nolako desgaitasuna duten eta zein egokitzapen eskatzen dituzten.

3. oinarria.–Izangaiek bete behar dituzten baldintzak.

Hautaprobetan onartuak izateko, izangaiek eskabideak aurkezteko epea bukatzen den egunean honako baldintza hauek bete beharko dituzte:

a) Espainiako nazionalitatea izatea.

Europar Batasuneko zuzenbideari jarraikiz, Europar Batasuneko kide diren beste estatuetako nazionalitatea dutenek ere sartzea izanen dute lanpostu publiko guztietan, espainiarrei eskatzen zaizkien baldintza beretan, salbu eta botere publikoan zuzenean edo zeharka parte hartzea dakarten lanpostuetan eta Estatuaren edo administrazio publikoen interesak defendatzea helburu duten eginkizunetan.

Aitzineko paragrafoan ezarritakoa aplikatuko zaie, orobat, espainiarren eta Europar Batasuneko beste estatu bateko nazionalitatea dutenen ezkontideei, zuzenbidearen arabera bananduta ez badaude, hala nola haien oinordekoei eta ezkontidearen oinordekoei ere, zuzenbidearen arabera bananduta ez badaude, baldin eta oinordekoak hogeita bat urtetik beheitikoak badira edo, zaharragoak izanda ere, haien bizkar bizi badira.

Halaber, Europar Batasunak sinatu eta Espainiak berretsitako nazioarteko itunen aplikazio esparruan sartutako pertsonek badute parte hartzeko eskubidea, herrialde horietan langileen zirkulazio librea aplikagarria bada.

Nafarroako administrazio publikoek finkatuko dute, nork bere eskumenen esparruan, zer lanpostutan ezin izanen diren sartu Europar Batasuneko beste estatuetako kide diren herritarrak.

b) Adinez nagusia izatea eta, kasua bada, erretiroa nahitaez hartzeko gehieneko adina ez gainditzea.

c) Gutxienez ere, Administrazio alorreko Lanbide Heziketako titulua izatea, edo maila handiagokoa, edo akademikoki baliokidetzat aitortutako prestakuntza, betiere eskabideak aurkezteko epea bukatzen den egunean.

Atzerrian lortutako tituluak badira, homologazioaren frogagiria eduki beharko da.

d) Bete behar dituen eginkizunetan aritzeko adinako gaitasun fisiko eta psikikoa izatea.

e) Eginkizun publikoak betetzeko gabetua edo desgaitua ez izatea, eta inongo administrazio publikoren zerbitzutik berezia ez izatea.

Eskaerak aurkezteko epea bukatzen den egunerako bete beharko dira aurreko baldintzak, eta hautapen-prozedurak eta kontratazioak iraun bitartean beharko dira bete.

4. oinarria.–Prozedura.

Nafarroako Administrazio Publikoetan sartzeko ekainaren 5eko 113/1985 Foru Dekretuaren bidez onetsitako Erregelamenduaren 42. artikuluan ezarritakoarekin bat, “Aldi baterako kontratatuak izateko izangaien zerrendak osatzen ahalko dituzte Nafarroako Administrazio Publikoek, hautatzeko sistema hauekin bat:... c) Kasuan kasuko lanpostua aldi baterako betetzeko hautaproben deialdi publikoaren bidez osaturiko izangai zerrendak, kasuan kasuko hautaprobetan lorturiko puntuen hurrenkerari jarraituz.”

Orobat, egokitzat jotzen bada, lan-eskaintza hau Foru Komunitatean gehien saltzen diren idatzizko komunikabideetan argitaratuko da, behar bezala zabal dadin, bai eta bandoak edo bestelako bitartekoak erabiliz ere, eskaintzaren zabalkundea indartzeko.

5. oinarria.–Izangaien onarpena eta erreklamazioak.

5.1. Eskaerak aurkezteko epea bukatutakoan, Zangozako eskualdeko Zerbitzuen Mankomunitateko buruak ebazpena emanen du, onartu eta baztertuen behin-behineko zerrendak onesteko, eta Mankomunitateko iragarki-oholean eta web-orrian (www.mscs.es) argitaratuko dira.

5.2. Oholean argitaratzen denetik hasita, izangaiek hamar egun naturaleko epea izanen dute erreklamazioak aurkezteko edo eskabidean egindako akatsak zuzentzeko.

5.3. Erreklamazioak aurkezteko epea bukatu eta haiek ebatzi ondoan, Zangozako Eskualdeko Zerbitzuen Mankomunitateko buruak ebazpena emanen du izangai onartu eta baztertuen behin betiko zerrenda onesteko; hura Mankomunitateko iragarki-oholean eta web-orrian (www.mscs.es) jarriko da jendaurrean, deialdi honen 7. oinarrian aipatzen diren hautaprobak egiteko eguna eta tokia adierazita.

Izangai bazterturik ez bada, zuzenean onetsiko da izangaien behin betiko zerrenda eta Zangozako Eskualdeko Zerbitzuen Mankomunitatearen iragarki-oholean eta web-orrian (www.mscs.es) argitaratuko da, deialdi honetako hautaproba egiteko eguna eta tokia adierazita.

Onartuen zerrendetan agertzea ez da aski deialdi honetan eskatutako baldintzak betetzen direla onartzeko.

Izangaiek kontratazioa egiteko deia egiten zaielarik aurkeztu behar duten dokumentazioa aztertutakoan, baldintzaren bat denbora edo formari dagokionez betetzen ez dela ohartuz gero, interesdunek deialdi honetan parte hartzeagatik dituzten eskubide guztiak galduko dituzte.

Hautapen-prozesuaren bitartean, epaimahaiak jakiten badu izangairen batek ez dituela parte hartzeko baldintzak betetzen, interesdunari entzun ondoren, Mankomunitateko buruari jakinaraziko dio, izangaia bazter dadin proposatuko dio eta aditzera emanen dizkio, orobat, izangaiak eskabidean egindako faltsukeriak edo zehaztugabetasunak, behar diren ondorioetarako. Kasu horretan, behar den ebazpena eman arte, izangaiak hautapen-prozesuan parte hartzen jarraitzen ahalko du, baldintzapean.

Zerrendan akats materialik edo egitatezkorik dagoela ikusiz gero, edozein unetan zuzentzen ahalko da, ofizioz edo interesdunak eskaturik, Administrazio Publikoen Administrazio Prozedura Erkideari buruzko urriaren 1eko 39/2015 Legearen 109.2 artikuluan xedatuari jarraituz.

6. oinarria.–Kalifikazio-epaimahaia.

6.1. Kide hauek osatuko dute epaimahaia:

–Epaimahaiburua: Lucía Echegoyen Ojer, Zangozako Eskualdeko Zerbitzuen Mankomunitateko burua.

Ordezkoa: Angel Navallas, Mankomunitateko Batzorde Iraunkorreko kidea.

–Lehen mahaikidea: Jesús Esparza Iriarte, Zangozako Eskualdeko Zerbitzuen Mankomunitateko buruordea.

Ordezkoa: Alberto Goñi, Mankomunitateko Batzorde Iraunkorreko kidea.

–Bigarren mahaikidea: María Paz Berlanga Pons, Zangozako Eskualdeko Zerbitzuen Mankomunitateko langileen ordezkaria.

Ordezkoa: Amaya González Ara, Zangozako Eskualdeko Zerbitzuen Mankomunitateko langileen ordezkaria.

–Hirugarren mahaikidea: Zangozako Udaleko idazkaria.

Ordezkoa: Esako Udaleko idazkaria.

–Epaimahaiko idazkaria: Zangozako Eskualdeko Zerbitzuen Mankomunitateko idazkaria.

Ordezkoa: Oibarko Udaleko idazkaria.

6.2. Epaimahaia ezin izanen da eratu, ezta jardun ere, kideen gehiengo osoa gutxienez bildu gabe.

Kide anitzeko organoaren eraketa baliozkoa izateko, beharrezkoa izanen da elkartzea mahaiburua eta idazkaria, edo haien ordezkoak, eta gutxienez ere mahaikideen erdiak.

6.3. Kalifikazio-epaimahaiko kideek ez dute parte hartuko, eta organo deitzaileari horren berri emanen diote, baldin eta Administrazio Publikoen Administrazio Prozedura Erkideari buruzko urriaren 1eko 39/2015 Legean parte ez hartzeko aipatzen diren egoeretakoren batean badaude.

Izangaiek, halaber, zilegi dute mahaikideak errefusatzea, egoera horietako bat gertatzen denean.

6.4. Epaimahaiak gehiengoz ebatziko ditu deialdiaren oinarrien interpretazioari eta aplikazioari buruz sortzen diren auzi guztiak.

6.5. Epaimahaiak aholkulari adituen laguntza izan dezake proba batzuetan nahiz guztietan. Aholkulari horiek laguntza emanen diete epaimahaikoei, nork bere espezialitatean.

7. oinarria.–Oposizioaldia.

Aurreikuspenen arabera, probak bi hilabeteko epean eginen dira gehienez, deialdiaren iragarkia Nafarroako Aldizkari Ofizialean argitaratzen denetik; data zehatza garaiz emanen da jakitera, Zangozako Eskualdeko Zerbitzuen Mankomunitatearen informazio-taulen eta web-orriaren (www.mscs.es) bidez.

Izangaiari deitzen zaion unean edozein ariketatara aurkezten ez bada, besterik gabe galduko du ariketa horretan eta hurrengoetan parte hartzeko eskubidea eta, beraz, hautapen-prozeduratik baztertuta geldituko da.

7.1. Hautapen-prozesuan, honako ariketa hauek egin beharko dira:

Proba teorikoa: hizkuntza-, matematika- eta ortografia-gaitasunei buruzko aukera anitzeko 50 galderari erantzun beharko zaie, idatziz, gehienez ere bi orduan; erantzun zuzena bakarra izanen da.

Ariketa baztertzailea da eta 50 puntu lortzen ahalko dira gehienez; erantzun zuzen bakoitzeko puntu bat emanen da, eta okerrengatik, 0,25 puntu kenduko, eta erantzun gabe utzitakoak ez dira baloratuko. 25 puntu baino gutxiago lortzen dutenak hautapen-prozesutik baztertuko dira.

Bigarren ariketa: deialdi honen I. eranskineko gaiei buruzko aukera anitzeko 30 galderari erantzun beharko zaie, gehienez ere ordu eta erdian; erantzun zuzena bakarra izanen da.

Ariketa baztertzailea da eta 25 puntu lortzen ahalko dira gehienez; erantzun zuzen bakoitzeko puntu bat emanen da, eta okerrengatik, 0,25 puntu kenduko, eta erantzun gabe utzitakoak ez dira baloratuko. 15 puntu baino gutxiago lortzen dutenak hautapen-prozesutik baztertuko dira.

Aipatu probok egiteko, ezin izanen da inolako testurik erabili, ezta kalkulagailurik edo antzeko materialik ere, bolaluma urdina edo beltza ez bada.

Hirugarren ariketa: oinarrizko kontabilitate orokorrari buruzko proba praktiko bat egin beharko da, gehienez ere ordubetean.

25 puntu lortzen ahalko dira gehienez, eta soilik proba honetan erabiltzen ahalko da kalkulagailua, bolaluma urdin edo beltzez gainera.

Ezein probatan, ez teorikoetan ez praktikoan, ez da zilegi izanen tresna teknologikoak (telefono mugikorrak, tabletak, etab.) erabiltzea. Debeku hau behar bezala gogoraraziko da proba bakoitzaren hasieran, baina, halere erabiliz gero, ariketatik berehala kanporatuko dira.

Oposizioaldian 100 puntu emanen dira gehienez.

7.2. Probarako deialdi bakarra eginen da. Izangaiek Nortasun Agiri Nazionala edo epaimahaiak nahikotzat jotzen duen beste identifikazio agiri bat aldean dutela agertu beharko dute, eta oposiziotik baztertuta geldituko dira agertzen ez diren izangaiak.

8. oinarria.–Epaimahaiaren proposamena.

8.1. Proba bukatuta, epaimahaiak gainditu duten izangaien zerrendaren proposamena igorriko dio deialdia egin duen organoari. Proposamen hori loteslea izanen da deialdia egin duen organoarentzat.

8.2. Deitutako lanpostuak aldi batez betetzeko aukeratuak izan diren izangaien azken zerrendak ariketak gainditu dituztenek osatuko dituzte, puntuazio-hurrenkera zorrotzean (puntuazio handienetik txikienera), ariketa bakoitzean ateratako puntuak batuta.

Berdinketarik gertatuz gero, lehentasuna izanen dute deialdiko I. eranskinari buruzko ariketa teorikoan puntuaziorik altuena lortu dutenek; halere, berdinketak badirau, kalifikazio-epaimahaiaren gehiengoak hartuko du erabakia, puntuazio bera lortu duten izangaiei banakako elkarrizketa eginda.

8.3. Mankomunitateko buruaren Ebazpenaren bidez, hautatutako izangaien zerrenda, puntuazio ordenaren araberakoa, onetsi eta argitara emanen da Zangozako Eskualdeko Zerbitzuen Mankomunitateko iragarki-oholean eta web-orrian.

9. oinarria.–Izangaiei deitzeko arauak.

9.1. Aldi berean kontratu bat baino gehiago egiten bada, lehen tokian dagoen pertsonari aukera eman beharko zaio haietako edozein aukeratzeko.

9.2. Kontratazio-zerrenda batean egonda kontratua onartzen duten izangaiei ez zaie zerrenda bereko beste lanposturik eskainiko kontratuak indarra duen bitartean, salbu eta eskaintza berria 6 hilabete edo gehiagoko kontratu baterako bada, edo lanpostu huts bat bitarte baterako betetzeko.

9.3. Pertsona bati telefonoz deitzen bazaio eta erantzuten ez badu, 24 orduko epea emanen zaio harremanetan jartzeko; epe hori iraganda harekin harremanetan jartzerik lortzen ez bada, zerrendako azken tokira pasako da.

9.4. Izangairen batek eskaini zaion lanpostuari uko egiten baldin badio, zerrendaren bukaerara pasako da, honako egoera hauetakoren batean dagoela frogatu ezean:

–Indarrean dagoen kontratu administratibo edo lan kontratu batengatik horretara behartua badago.

–Aldi baterako ezintasun egoeran badago edo umea izan edo adoptatzeagatik lizentzia badu.

9.5. 9.4 puntuan adierazitako egoeretako batean dauden izangaiek zazpi egun naturaleko epea izanen dute, uko egiten dioten lanpostua eskaintzen zaien egunetik, delako egoera agiri bidez eta behar bezala justifikatzeko. Hala eginez gero, zerrendan zuten toki berean jarraituko dute. Halakoetan, izangaiek idatziz jakinarazi beharko dute noiz dauden berriz lanerako prest, uko egitea ekarri zuen egoera bukatzen den egunetik hasita. Jakinarazpen hori egiten ez den bitartean, ez zaie lanposturik eskainiko.

9.6. Zerrendako azken tokira pasako dira honelakoren bat egiten duten izangaiak:

–Eskainitako lanpostuari uko egiten diotenak, inolako justifikaziorik gabe.

–Sinatutako kontratuari uko egiten diotenak.

–Dei egin eta lanpostua onartu ondotik, dagokion kontratua sinatzen ez dutenak.

9.7. Aurreko egoeraren batean bigarrenez dauden izangaiak, egoera bera izan edo ez, zerrendatik baztertuko dira.

9.8. Langile batek legez ezarritako probaldia gainditzen ez badu, edo diziplina-espediente bat dela-eta kontratua iraungitzen bazaio, dagoen zerrenda guztietatik behin betiko baztertuko da.

10. oinarria.–Errekurtsoak.

Epaimahaiak ahalmen osoa izanen du deialdian sor daitezkeen zalantzak argitzeko eta hura ongi bideratzeko beharrezkoak diren erabakiak hartzeko, oinarri hauetan aurreikusten ez den orotan.

Deialdi honen, haren oinarrien eta hura aplikatzeko egintza administratiboen aurka egiten ahalko du interesdun orok, Herri Administrazioen Araubide Juridikoari eta Administrazio Prozedura Erkideari buruz indarrean den Legean ezarritako kasu, modu eta epeei jarraituz.

Errekurtso hauetariko bat aurkez daiteke, hautara:

–Berraztertzeko errekurtsoa, egintza egin duen organo berari zuzendua, hilabeteko epean, hura jakinarazi edo argitaratu eta biharamunetik aitzina.

–Gora jotzeko errekurtsoa, Nafarroako Administrazio Auzitegiari zuzendua, hilabeteko epean, errekurritutako egintza edo erabakia argitaratu edo jakinarazten denetik hasita.

–Administrazioarekiko auzi-errekurtsoa, Administrazioarekiko Auzien Epaitegiari zuzendua, bi hilabeteko epean, errekurritutako egintza edo erabakia jakinarazi edo argitaratu eta biharamunetik hasita.

Zangozan, 2017ko abenduaren 18an.–Mankomunitateko burua, Lucia Echegoyen Ojer.

I. ERANSKINA

Gai zerrenda

1. gaia.–Nafarroako Toki Administrazioa. Antolaketa eta administrazioa. Entitate motak. Eskumenak.

2. gaia.–Zangozako Eskualdeko Zerbitzuen Mankomunitatearen estatutuak.

3. gaia.–Administrazioaren agiriak. Ofizioa, eskabidea, ziurtagiria, akta, zirkularra, erabakien igorpena. Antolaketa eta artxiboko tratamendua.

4. gaia.–Administrazioaren xedapenak eta egintzak. Administrazio prozedura. Kontzeptua. Printzipioak. Faseak. Prozedura bereziak. Herritarra. Herritarren eskubideak. Eskaerak, idazkiak eta komunikazioak aurkeztea. Erregistroak. Epeen kontaketa. Administrazio egintzen jakinarazpena. Epeak eta moduak. Argitaratzea: modua eta kasuak.

5. gaia.–Zangozako Eskualdeko Zerbitzuen Mankomunitateko erregelamenduak/ordenantzak.

6. gaia.–Errekurtso administratibo eta jurisdikzionalak, Nafarroako toki entitateen egintza eta erabakien aurka. Nafarroako Administrazio Auzitegiari zuzenduriko gora jotzeko errekurtsoaren aipamen berezia.

7. gaia.–Nafarroako toki entitateen kontratuak. Xedapen orokorrak. Prestatzeko jarduketa administratiboak. Adjudikatzeko prozedura eta modua.

8. gaia.–Nafarroako Administrazio Publikoen Zerbitzuko Langileen Estatutua (abuztuaren 30eko 251/1993 Legegintzako Foru Dekretua). Edukia eta egitura.

9. gaia.–Diru-bilketa eta tasen kudeaketa Nafarroako Foru Komunitatean (177/2001 Foru Dekretua).

10. gaia.–Udalaren erroldari buruzko ezagutza orokorrak; katastroa eta tokiko zerga nagusiak.

II. ERANSKINA

Eskabidea, administrari laguntzailerako deialdian parte hartzeko(PDFa).

Iragarkiaren kodea: L1714682