1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
603/2018 EBAZPENA, maiatzaren 3koa, Landa Garapeneko, Nekazaritzako eta Abeltzaintzako zuzendari nagusiak emana, zeinaren bidez aldatzen baita Landa Garapeneko, Nekazaritzako eta Abeltzaintzako zuzendari nagusiaren ekainaren 6ko 668/2017 Ebazpena. Ebazpen horren bidez, 2017-2018 kanpainan mahastia berregituratu eta moldatzeko planetarako laguntzak emateko deialdia eta oinarri arautzaileak onetsi ziren.
Landa Garapeneko, Nekazaritzako eta Abeltzaintzako zuzendari nagusiaren ekainaren 6ko 668/2017 Ebazpenaren bidez, onetsi ziren 2017-2018 kanpainan mahastiak berregituratu eta birmoldatzeko planetarako laguntzak emateko deialdia eta oinarri arautzaileak.
Laguntzaren kalkuluari buruzko Zortzigarren Oinarriko 5. puntuak dio ezen, baldin eta lanak mahastizainak berak egin baditu eta, beraz, ez fakturarik ez ordainagiririk ez badago, honako honen arabera zehaztuko direla diruz laguntzen ahal diren zenbatekoak: batez beste zenbat denbora behar izaten den (ordutan) lan horiek egiteko, norberaren eskulanari eta makineriari dagokionez, bider horrelako lan batek izan ohi duen batez besteko ordainsari tasa eta bider azalera hautagarria. Kantitate zehatz horiek ezin izanen dituzte IV. eranskinean ezarritako gehieneko zenbatekoak gainditu; deialdi honetan bilduta dago eranskin hori.
668/2017 Ebazpeneko IV. eranskinean, errore bat hauteman da norberaren eskulanarekin lotutako gehieneko kostu justifikatuen datuetan, eguneratu ez zirelako; horregatik, eranskina aldatu eta zenbateko zuzenak jarri behar dira.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22. artikuluak eta Landa Garapeneko, Ingurumeneko eta Toki Administrazioko Departamentuaren egitura organikoa onesten duen irailaren 21eko 78/2016 Foru Dekretuak ematen dizkidaten eskudantziak erabiliz,
EBATZI DUT:
1. Landa Garapeneko, Nekazaritzako eta Abeltzaintzako zuzendari nagusiaren ekainaren 6ko 668/2017 Ebazpenaren IV. eranskina aldatzea ebazpen honetako eranskinari jarraikiz.
2. Ebazpen hau Nafarroako Aldizkari Ofizialean argitaratzea.
3. Ebazpen honek ez du administrazio bidea amaitzen, eta interesdunek gora jotzeko errekurtsoa jartzen ahal dute honen kontra, Landa Garapeneko, Ingurumeneko eta Toki Administrazioko kontseilariari zuzendua, argitara eman eta biharamunetik hilabeteko epean.
Iruñean, 2018ko maiatzaren 3an.–Landa Garapeneko, Nekazaritzako eta Abeltzaintzako zuzendari nagusia, Ignacio Gil Jordán.
ERANSKINA Norberaren baliabideez mahastia berregituratu eta birmoldatzeko gehieneko kostuak |
EKINTZAK | LANAK EDO MATERIALAK | GEHIENEKO KOSTU JUSTIFIKATUA
NORBERAK ESKULANA EGINDA | ERAGIKETA
BAKOITZEKO
GEHIENEKO KOSTUA |
Erauzketa | Erauzte lana (mahats orpoak biltzea barne) | 430 euro/ha | 430 euro/ha |
Lurra prestatzea | Hondealana | 159,36 euro/ha | 1.400 euro/ha |
Sakoneko lana | 79,68 euro/ha |
Ongarri minerala zabaltzea | 39,84 euro/ha |
Gorotza zabaltzea | 79,68 euro/ha |
Ongarri minerala/gorotza | Ezin da justifikatu norberak egindako eskulanaren bidez |
Lur gaineko lana | 119,52 euro/ha |
Lurra desinfektatzea | Desinfektatze lana | Ezin da justifikatu norberak egindako eskulanaren bidez | 2.000 euro/ha |
Produktua |
Harriak kentzea | Harriak kentzea | Ezin da justifikatu norberak egindako eskulanaren bidez | 400 euro/ha |
Lurra berdintzea | Lurra berdintzea | Ezin da justifikatu norberak egindako eskulanaren bidez | 800 euro/ha |
Landarea eta landaketa | Landarea | Ezin da justifikatu norberak egindako eskulanaren bidez | 1,69 euro bakoitza |
Landatze lana | 0,35 euro bakoitza |
Landare bakoitzaren babesa untxien kontra | Hodi babeslea | Ezin da justifikatu norberak egindako eskulanaren bidez | 0,5 euro bakoitza |
Babesgarriak jartzeko lana | 0,44 euro bakoitza |
Besorakoa jartzea | Besorako materiala | Ezin da justifikatu norberak egindako eskulanaren bidez | 3.400 euro/ha |
Besorakoak jartzeko lana | 2.640 euro/ha |
Barietatearen gainean txertatzea | Txertatze lana | 0,90 euro bakoitza | 0,90 euro bakoitza |
Ontzi itxurako mahatsondoa besora aldatzea | Kimatu eta hondakinak kentzeko lana | 739,68 euro/ha | 4.000 euro/ha |
Besorako materiala | Ezin da justifikatu norberak egindako eskulanaren bidez |
Besorakoak jartzeko lana | 2.640 euro/ha |
Iragarkiaren kodea: F1806037
