2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ESTERIBAR
Erabakiak tokiko merkataritza sozietatea sortzeko.
Hasierako onespena
Esteribarko Udalak, 2017ko apirilaren 24an egin osoko bilkura arruntean, Udalbatzako legezko kideen gehiengo osoa alde egonik, ondotik hitzez hitz ematen diren erabakiak hartu zituen:
1. Merkataritza sozietate baten bidezko zuzeneko kudeaketa justifikatzeko prestaturiko memoria eta dokumentazio osagarri erantsia, horretarako sortutako batzordeak egina, hasiera batean onestea. Hartan oinarriturik, egiaztatuta gelditu da merkataritza sozietate baten bidezko zuzeneko kudeaketaren onespena, Esteribarko Udalaren kirol instalazioen eta jarduera fisikoen eta kirol jardueren zerbitzu publikoa emateko.
2. Hasiera batean onestea erantzukizun mugatuko merkataritza sozietate publikoaren estatutuen proiektua.
3. Onestea tokiko merkataritza sozietate baten bidezko zuzeneko kudeaketa, Esteribarko Udalaren kirol instalazioen eta jarduera fisikoen eta kirol jardueren zerbitzu publikoa emateko.
4. Espedientea jendaurrean egonen da hogeita hamar egun naturaleko epean, iragarkia Nafarroako Aldizkari Ofizialean eta Udal honen iragarki oholean argitaratzen denetik aitzina, partikularrek nahiz entitateek egokiak iruditzen zaizkien oharrak aurkez ditzaten.
5. Ahalmena ematea Mikel Gastesi Esteribarko Udaleko alkate udalburuari, edo legez hura ordezten duenari, aurretik erabakitako guztia betearazteko behar diren dokumentu guztiak sina ditzan.
Dokumentuak jendaurrean egonen dira hogeita hamar egun naturaleko epean, iragarki hau Nafarroako Aldizkari Ofizialean argitaratu eta biharamunetik hasita.
Epe horretan partikularrek nahiz entitateek aztertzen ahalko dituzte, udal bulegoetan, egokiak iruditzen zaizkien alegazio eta oharrak aurkez ditzaten.
Argitara ematen da honako hauetan xedatuari jarraikiz: Nafarroako Toki Administrazioari buruzko uztailaren 2ko 6/1990 Foru Legearen 192. eta 197. artikuluak; Toki Araubidearen arloan indarra duten lege xedapenen testu bategina onesten duen apirilaren 18ko 781/1986 Legegintzako Errege Dekretuaren 97.1 c) artikulua; eta Toki Araubidearen Oinarriak arautzen dituen apirilaren 2ko 7/1985 Legearen 85.2 artikulua.
Esteribarren, 2017ko maiatzaren 3an.–Alkatea, Mikel Gastesi Zabaleta.
Iragarkiaren kodea: L1705329