93. ALDIZKARIA - 2017ko maiatzaren 16a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

200E/2017 EBAZPENA, maiatzaren 11koa, Politika Ekonomiko eta Enpresarialaren eta Lanaren zuzendari nagusiak emana, Politika Ekonomiko eta Enpresarialaren eta Lanaren zuzendari nagusiaren apirilaren 27ko 186E/2017 Ebazpena zuzentzen duena. Ebazpen horren bidez, laneko arriskuei buruzko proiektuak gauzatzen dituzten irabazi-asmorik gabeko entitateentzako diru-laguntzaren deialdia onetsi zen.

Politika Ekonomiko eta Enpresarialaren eta Lanaren zuzendari nagusiaren apirilaren 27ko 186E/2017 Ebazpenaren bidez laneko arriskuei buruzko proiektuak gauzatzen dituzten irabazi-asmorik gabeko entitateentzako diru-laguntzaren deialdia onetsi zen.

5.3 oinarrian akatsa dagoela ikusirik (oinarri horretan diru-laguntza eskaerarekin batera aurkeztu beharreko dokumentazioa arautzen da), honela dioen tokian:

a) Proiektua, eduki honekin:

–Helburuen deskribapena, adierazleak barne.

–Proiektuak ukituko dituen EJSNak (ekonomia-jardueren sailkapen nazionala).

–Proiektuaren esparrua, Nafarroako Lurralde Estrategian zehaztutako 10 eremuen arabera.

–Helburuak lortzeko garatu gogo diren ekintzen deskripzioa, aurreikusitako kronograma barne.

–Hala bada, emakumeen eta gizonen arteko benetako berdintasuna bultzatzeko ekintzen deskribapena.

–Enpresa jakin batzuetan jarduketak edo bisitak egiteko plana, datu hauek adierazita: langile kopurua, EJSNa eta Nafarroako Lurralde Estrategiako eremua.

–Memoria ekonomikoa eta aurrekontua.

b) Laneko arriskuen prebentzioaren arloan jarduketak egin izana frogatzen duen dokumentazioa, 2. oinarriak eskatzen duen moduan.

c) Eskatzaileak beharrezkotzat jotzen duen dokumentazioa, proiektuak 6. oinarrian ezartzen diren irizpideen arabera baloratzeko.

Honakoa behar du:

a) Proiektua, eduki honekin:

–Helburuen deskribapena, adierazleak barne.

–Proiektuak ukituko dituen EJSNak (ekonomia-jardueren sailkapen nazionala).

–Proiektuaren esparrua, Nafarroako Lurralde Estrategian zehaztutako 10 eremuen arabera.

–Helburuak lortzeko garatu gogo diren ekintzen deskripzioa, aurreikusitako kronograma barne.

–Hala bada, emakumeen eta gizonen arteko benetako berdintasuna bultzatzeko ekintzen deskribapena.

–Enpresa jakin batzuetan jarduketak edo bisitak egiteko plana, datu hauek adierazita: langile kopurua, EJSNa eta Nafarroako Lurralde Estrategiako eremua.

–Memoria ekonomikoa eta aurrekontua.

b) Eskatzaileak beharrezkotzat jotzen duen dokumentazioa, proiektuak 6. oinarrian ezartzen diren irizpideen arabera baloratzeko.

Administrazio Publikoen Administrazio Prozedura Erkideari buruzko urriaren 1eko 39/2015 Legearen 109.2 artikuluan xedatutakoarekin bat, Lan Zerbitzuak proposatu du akats hori zuzentzea.

Hori horrela, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak eman dizkidan eskudantziak erabiliz,

EBATZI DUT:

1. Akatsa zuzentzea Laneko arriskuei buruzko proiektuak gauzatzen dituzten irabazi-asmorik gabeko entitateentzako diru-laguntzaren deialdiaren 5.3 oinarrian (deialdia Politika Ekonomiko eta Enpresarialaren eta Lanaren zuzendari nagusiaren apirilaren 27ko 186E/2017 Ebazpenaren bidez onetsi zen).

2. Ebazpen hau Nafarroako Aldizkari Ofizialean argitaratzea.

Ebazpen honek ez du administrazio bidea amaitzen, eta haren aurka gora jotzeko errekurtsoa jar daiteke, Garapen Ekonomikorako kontseilariari zuzendua, hilabeteko epean, argitaratu eta biharamunetik hasita.

Iruñean, 2017ko maiatzaren 11n.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.

Iragarkiaren kodea: F1705774