92. ALDIZKARIA - 2017ko maiatzaren 15a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

AZKOIEN

Laburpena, Tokiko Gobernu Batzarrak 2017ko apirilaren 27an hartutako erabakiarena. Erabaki horren bidez onetsi ziren 2017ko lankidetza proiektuak egiteko diru-laguntzen deialdiaren oinarriak

Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan ezarritakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhafp.gob.es/bdnstrans/GE/eu/index). BDNS (Identifikazioa): 345131.

Lehena.–Onuradunak.

Gobernuz kanpoko erakundeak eta elkartasun arloko erakunde irabazi asmorik gabeak, elkarte gisa erregistraturik badaude.

Bigarrena.–Xedea.

Garapen bidean diren herrialdeetan nazioarteko lankidetza programendako diru-laguntzak ematea, hango herritarren bizi baldintzak hobetzen laguntzeko jardueretarako. Helburua da herritarren oinarrizko beharrizanak asetzea eta tokiko giza baliabideak bultzatzea.

Hirugarrena.–Oinarri arautzaileak.

Diru-laguntzen Datu Base Nazionala (http://www.pap.minhap.gob.es/bdnstrans/index).

Laugarrena.–Zenbatekoa.

Laguntzen zuzkidura 12.000 eurokoa izanen da.

Bosgarrena.–Eskaerak aurkezteko epea.

Diru-laguntzen Datu Base Nazionalean iragarkia argitaratu eta biharamunetik hilabete bat. Eskaerak, oinarri hauetako I. eranskinean ageri den inprimakiarekin bat, Azkoiengo Udalaren sarrera erregistroan aurkeztuko dira. Diru-laguntzaren xede den proiektua erantsiko zaie.

Azkoienen, 2017ko maiatzaren 4an.–Alkatea, Juan Carlos Castillo Ezpeleta.

Iragarkiaren kodea: L1705454