1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
250/2017 EBAZPENA, apirilaren 12koa, Nafarroako Kirolaren eta Gazteriaren Institutuko zuzendari kudeatzaileak emana, Juan Arcón Alzorriz jauna Nafarroako Kirolaren eta Gazteriaren Institutuko Gazteriaren Zuzendariordetzari atxikitako Argibide eta Prestakuntza Bulegoko buru izendatzen duena bitarte baterako.
2017ko apirilaren 25ean María Dolores Castrejón Gómez andrea jubilatuko da, Argibide eta Prestakuntza Bulegoko burutzan aritu den C mailako funtzionarioa. Beraz, burutza hori hutsik geldituko da. Juan Arcón Alzorriz jaunak, Nafarroako Kirolaren eta Gazteriaren Institutuari atxikita dagoen D mailako funtzionarioak, burutza hori hartzea proposatzen du Institutuak.
Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen otsailaren 21eko 30/2005 Foru Dekretuak lehenbiziko xedapen gehigarrian ezartzen du, erakunde autonomoetako burutzak bitarte baterako betetzeko, kasuan kasuko erakundearen estatutuetan ezarritakoari jarraikiko zaiola.
Horrenbestez, Funtzio Publikoko Zuzendaritza Nagusiaren aldeko txostena jasota, Nafarroako Kirolaren eta Gazteriaren Institutuaren estatutuak onetsi zituen abuztuaren 28ko 133/2015 Foru Dekretuaren 12 ñ) artikuluak ematen dizkidan eskumenak erabiliz,
EBATZI DUT:
1. Juan Arcón Alzorriz jauna Nafarroako Kirolaren eta Gazteriaren Institutuko Gazteriaren Zuzendariordetzari atxikitako Argibide eta Prestakuntza Bulegoko buru izendatzea bitarte baterako.
2. Ebazpen hau Nafarroako Aldizkari Ofizialean argitaratzea, behar diren ondorioak izan ditzan.
3. Ebazpen hau jakinaraztea interesdunari, Gazteriaren Zuzendariordetzari, Administrazio eta Kudeaketa Atalari, Kultura, Kirol eta Gazteria Departamentuko Idazkaritza Tekniko Nagusiari, Funtzio Publikoko Zuzendaritza Nagusiari eta horren mende dauden Langileriaren Gastuaren Kontrolaren eta Nominen Zerbitzuari, Funtzio Publikoaren Antolamenduko Zerbitzuari eta Langileriaren Kudeaketako Zerbitzuari, behar diren ondorioak izan ditzan.
Iruñean, 2017ko apirilaren 12an.–Nafarroako Kirolaren eta Gazteriaren Institutuko zuzendari kudeatzailea, Rubén Goñi Urroz.
Iragarkiaren kodea: F1705203