1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
Laburpena, Herritarrekiko eta Erakundeekiko Harremanetako kontseilariak apirilaren 11n emandako 7E/2017 Foru Aginduarena. Foru agindu horren bidez Nafarroako Berdintasunerako Institutuaren diru-laguntzen deialdi bat onesten da Nafarroako toki entitateentzat, emakumeen eta gizonen arteko berdintasuna bultzatu eta sustatzeko proiektuak eta “Eginkizunak bateratzeko tokiko itunak” programa garatzeko.
Oharra: testu osoa Diru-laguntzen Datu Base Nazionalean kontsulta daiteke (http://www.pap.minhafp.gob.es/bdnstrans/GE/eu/index): BDNS (Identifikazioa): 343060.
Lehena.–Onuradunak:
Nafarroako Toki Administrazioari buruzko uztailaren 2ko 6/1990 Foru Legean araututako Nafarroako toki entitateak, Herritarrekiko eta Erakundeekiko Harremanetako kontseilariaren apirilaren 11ko 7E/2017 Foru Aginduan zehaztutako betebeharrak betetzen badituzte.
Bigarrena.–Xedea:
Nafarroako Berdintasunerako Institutuak Nafarroako toki entitateei diru-laguntzak emateko araubidea ezartzea, 2017an emakumeen eta gizonen arteko berdintasuna bultzatu eta sustatzeko proiektuak gauza ditzaten.
Deialdi honen xedea da, orobat, Nafarroako Berdintasunerako Institutuak Nafarroako toki entitateei emanen dizkien diru-laguntzen araubidea ezartzea, eginkizunak bateratzeko tokiko itunen programan sar daitezen eta/edo eginkizunak bateratzeko tokiko itunen programako proiektuak gara ditzaten.
Hirugarrena.–Oinarri arautzaileak:
http://www.navarra.es/home_es/ServiciosEmpleado/ficha/16116/Subvencion-a-Entidades-Locales-de-Navarra-para-desarrollar-en-2017-proyectos-dirigidos-a-fomentar-y-promover-la-igualdad-entre-mujeres-y-hombres-y-para-el-desarrollo-de-practicas-innovadoras-y-transferibles-del-programa-Pactos-Locales-por-la-Conciliacion-
Laugarrena.–Zenbatekoa:
310.658,43 euro.
Bosgarrena.–Eskaerak aurkezteko epea:
eskabideak eta dokumentazioa aurkezteko epea 21 egun naturalekoa izanen da, oinarri hauek Nafarroako Aldizkari Ofizialean argitaratu eta biharamunetik hasita.
Iruñean, 2017ko apirilaren 11n.–Herritarrekiko eta Erakundeekiko Harremanetako kontseilaria, Ana Ollo Hualde.
Iragarkiaren kodea: F1704761
