1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
Laburpena, Industriaren, Energiaren eta Berrikuntzaren zuzendari nagusiak apirilaren 6an emandako 25E/2017 Ebazpenarena. Honen bidez “2017rako ETEetarako bonu teknologikoak” izeneko diru-laguntza emateko deialdia onesten da.
Diru-laguntzei buruzko azaroaren 17ko 38/2003 Lege Orokorraren 17.3.b eta 2.8.a artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhap.gob.es/bdnstrans/es/index): BDNS (Identifikazioa): 341704.
Lehena.–Onuradunak.
Nafarroan kokatuta dauden enpresa txiki eta ertainak (ETE).
Bigarrena.–Xedea.
Enpresen berrikuntza jarduera handitzea, zentro teknologikoekin, unibertsitateekin eta ikerketa erakundeekin jarduketak kontratatuz, horien bidez ezagutza zientifiko, teknologiko edo berrikuntzakoak transferitzeko.
Hirugarrena.–Oinarri arautzaileak.
25E/2017 Ebazpena, apirilaren 6koa, Industriaren, Energiaren eta Berrikuntzaren zuzendari nagusiak emana.
http://www.navarra.es/home_es/Servicios/ficha/6853/Ayudas-a-pymes-para-contratar-servicios-de-centros-tecnologicos-universidades-y-organismos-de-investigacion-(Bonos-tecnologicos)-2017.
Laugarrena.–Zenbatekoa.
Diru-laguntza jaso dezakeen gastuaren %60koa izanen da diru-laguntza, eta onuradun bakoitzak 23.500 euro hartuko ditu gehienez ere.
Bosgarrena.–Eskaerak aurkezteko epea.
Eskabideak aurkezteko epea deialdi hau Nafarroako Aldizkari Ofizialean argitaratu eta biharamunean hasiko da, eta bukatu:
Deialdia argitaratzeko datan bukatuak dauden jarduketetarako, hilabete bat geroago.
Gainerako jarduketetarako, 2017ko irailaren 29a, hori barne.
Seigarrena.–Beste datu batzuk.
2016ko azaroaren 1etik 2017ko irailaren 29ra bitartekoak izanen dira gastu hautagarriak.
Iruñean, 2017ko apirilaren 6an.–Industriaren, Energiaren eta Berrikuntzaren zuzendari nagusia, Yolanda Blanco Rodríguez.
Iragarkiaren kodea: F1704575
