Iragarkia

84. ALDIZKARIA - 2017ko maiatzaren 3a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

IRUÑA

141/2017 Ebazpena.
Taxi gidari profesionalaren baimena eskuratzeko

Taxiari buruzko 9/2005 Foru Legeak, uztailaren 6koak, ezartzen du 21. artikuluan baterako zerbitzurako eremuko toki erakunde eskudunek, beren ordenantzetan hala ezarrita badago, taxi gidari profesionalaren baimena eskuratzeko agindu ahal izango dietela gidariei, lizentzien titularrak izan edo soldatapeko langileak izan.

Iruñerrian baterako zerbitzurako eremuko taxi zerbitzua arautzeko ordenantzaren 18. artikuluak taxi gidari profesionalaren baimena arautzen du, eta ezartzen du taxi zerbitzua emateko beharrezkoa dela taxi gidari profesionalaren baimena izatea.

25/2017 zenbakiko ebazpenaren bidez, Iruñerriko baterako zerbitzurako eremuko taxi baimen profesionala lortzeko deialdia onetsi zen, eta 2017ko urtarrilaren 30eko Nafarroako Aldizkari Ofizialean argitaratu zen (20. zenbakikoa).

2017ko apirilaren 4an Mankomunitatearen iragarki oholean eta egoitza elektronikoan argitaratu zen Iruñerriko baterako zerbitzurako eremuko taxi gidari profesionalaren baimena lortzeko probak gaindituak zituzten pertsonen zerrenda.

Probak gainditu dituzten pertsonak dira xedapen zatian taxi baimen profesionala ematen zaien pertsonak.

Ematen ez zaien pertsonak dira probak gainditu ez dituztenak.

Eskumena Mankomunitateko lehendakariari dagokio Iruñerriko Mankomunitatearen Estatutuen 20.20 artikuluarekin, Iruñerriko Mankomunitatearen Antolaketa eta Funtzionamendurako Araudiaren 28.20 artikuluarekin, eta Toki Araubidearen Oinarrien 21.1 s) artikuluarekin bat (azken hori aplikatzekoa da Toki Administrazioaren Foru Legearen 8.2 artikuluaren arabera).

Azaldutako guztia kontuan hartuta,

EBATZI DUT:

1. Pertsona hauei Iruñerriko baterako zerbitzurako eremuko taxi gidari profesionalaren baimena ematea:

2. Taxi gidari profesionalaren gidabaimena lortu duten pertsonen zerrenda argitaratzea Nafarroako Aldizkari Ofizialean, adierazita, Toki Araubidearen Oinarriak arautzen dituen 7/1985 Legearen 52.2 artikuluan ezarritakorekin bat, ebazpen horrek amaiera ematen diola administrazio bideari, eta Nafarroako Toki Administrazioari buruzko 6/1990 Foru Legearen 333. artikuluan xedatutakoarekin bat, administrazioarekiko auzi errekurtsoa aurkeztu ahal izango dela Nafarroako Administrazioarekiko Auzien Epaitegiari zuzendua, ebazpen hau jakinarazi eta biharamunetik aurrera, bi hilabeteko epean. Aldez aurretik berraztertzeko errekurtsoa aurkezteko aukera dago, Iruñerriko Mankomunitateko lehendakariari zuzendua, edota gora jotzeko errekurtsoa, Nafarroako Administrazio Auzitegiari zuzendua, bietan hilabeteko epean.

Iruñean, 2017ko apirilaren 12an.–Lehendakaria, Aritz Ayesa Blanco.

Iragarkiaren kodea: L1704797