1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
Laburpena, Eskubide Sozialetako kontseilariak apirilaren 6an eman 160/2017 Foru Aginduarena. Foru Agindu horren bidez “Alokairu Poltsa” izeneko etxebizitza programan sartzeko Navarra de Suelo y Vivienda SAri etxebizitza lagatzen dioten etxejabeei diru-laguntza emateko deialdia onetsi zen.
Oharra: testu osoa Diru-laguntzen Datu Base Nazionalean kontsulta daiteke (http://www.pap.minhafp.gob.es/bdnstrans/GE/eu/index): BDNS (Identifikazioa): 342056.
Diru-laguntzei buruzko azaroaren 17ko 38/2003 Lege Orokorraren 17.3.b) eta 20.8.a) artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean eta Nafarroako Aldizkari Ofizialean kontsulta daiteke.
Xedea:
–Hiru hilabeteko errentaren baliokidea den diru-laguntza ematea “Alokairu Poltsa” izeneko etxebizitza programan sartzeko Navarra de Suelo y Vivienda SAri etxebizitza lagatzen dioten etxejabeei, betiere etxebizitza benetan errentan ematen bada.
Hartzaileak:
–“Alokairu Poltsa” izeneko etxebizitza programan sartzeko Navarra de Suelo y Vivienda SAri etxebizitza lagatzen dioten etxejabeak, betiere diru-laguntzaren oinarri arautzaileetan ezarritako baldintzak betetzen badituzte.
Oinarri arautzaileak:
–Oinarri arautzaileak Eskubide Sozialetako kontseilariaren apirilaren 6ko 160/2017 Foru Aginduan jaso dira.
Aurkezteko epea:
–2017ko abenduaren 1era arte (hori barne).
Iruñean, 2017ko apirilaren 6an.–Eskubide Sozialetako kontseilaria, Miguel Laparra Navarro.
Iragarkiaren kodea: F1704720
