1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
37C/2017 EBAZPENA, martxoaren 16koa, Politika Ekonomiko eta Enpresarialaren eta Lanaren zuzendari nagusiak emana, Leitzako Sarrió Papel y Celulosa SA enpresaren hitzarmen kolektiboko soldaten berrikuspenari buruzko 2017ko akordioa erregistratu, gorde eta Nafarroako Aldizkari Ofizialean argitaratzea erabakitzen duena.
Leitzako Sarrió Papel y Celulosa SA enpresaren hitzarmen kolektiboko soldaten berrikuspenari buruzko 2017ko akordioaren testua aztertu da (kode zenbakia: 31008142012002), erregistro honetan 2017ko otsailaren 21ean sartu zena, enpresaren eta sindikatuen ordezkariek 2017ko urtarrilaren 24an sinatua, Langileen Estatutuari buruzko Legearen Testu Bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. idatz-zatietan eta Hitzarmen Kolektiboen Erregistro eta Gordailuei buruzko maiatzaren 28ko 713/2010 Errege Dekretuan ezarritakoaren arabera. Horrenbestez,
EBATZI DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2017ko martxoaren 16an.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.
Leitzako Sarrió Papel y Celulosa SA enpresaren hitzarmen kolektiboko soldaten berrikuspenari buruzko akordioa. 2017. urtea (PDFa).
Iragarkiaren kodea: F1703581