1. NAFARROAKO FORU KOMUNITATEA
1.7. BESTELAKOAK
17/2017 EBAZPENA, martxoaren 9koa, Nekazaritza Zerbitzuko zuzendariak emana, espezie usaintsuen eta barazkien plantelen (lupulua) ekoizle-ugaltzaile izateko eta Mintegiko Hazien eta Landareen Ekoizleen Erregistroan inskribatzeko baimena ematen duena.
Montes de Cristal y Acero SL enpresak, 2017ko martxoaren 6an erregistratutako eskaeran ageri denez, eskaera egin du Mintegiko Hazien eta Landareen Ekoizleen Erregistroan inskribatzeko eta jarraian adierazten diren espezieen taldeen ekoizle-ugaltzaile izateko baimena lortzeko:
–Espezie usaintsuak eta
–Barazkien plantelak (lupulua).
Eskaera eta produkzio-prozesuen deskripzio-memoria azterturik, eta 2017ko martxoaren 7an instalazioetan ikuskatze-lanak egin ondoren, 3317083 zenbakiko aktaren arabera, eskatutako baimenak ematea proposatu du Ugalketarako Materiala Ziurtatzeko eta Landare Osasuneko Bulegoak, arlo horretako indarreko araudiak eskatutakoa betetzen delako.
Estatuko Administraziotik Nafarroako Foru Komunitatera nekazaritza, abeltzaintza eta mendi arloetako eginkizunak eskualdatzeari buruzko abenduaren 18ko 2654/1985 Errege Dekretuan xedaturikoaz baliatuz.
Adierazitakoarekin bat eta Landa Garapeneko, Nekazaritzako eta Abeltzaintzako zuzendari nagusiak irailaren 23an emandako 175/2015 Ebazpenaren bidez emandako eskuordetza erabiliz, horren bidez Nekazaritza Zerbitzuko zuzendariaren esku utzi baitziren indarreko araudiak Landa Garapeneko, Nekazaritzako eta Abeltzaintzako zuzendari nagusiari esleitutako nekazaritza arloko administrazio eskumen batzuk,
EBATZI DUT:
1. Montes de Cristal y Acero SL enpresari (IFZ: B31937410) espezie usaintsuen eta barazkien plantelen (lupulua) ekoizle-ugaltzaile izateko baimena ematea eta Mintegiko Hazien eta Landareen Ekoizleen Erregistroan inskribatzea.
2. Ebazpen hau interesdunari eta Nekazaritza, Elikadura eta Ingurumen Ministerioko Nekazaritzako Merkatu eta Produkzioen Zuzendaritza Nagusiari jakinaraztea, eta Nafarroako Aldizkari Ofizialean argitaratzea.
3. Ebazpen honen aurka gora jotzeko errekurtsoa jar daiteke, Nafarroako Gobernuko Landa Garapeneko, Ingurumeneko eta Toki Administrazioko kontseilariari zuzendua, hilabeteko epean, jakinarazi eta biharamunetik hasita.
Iruñean, 2017ko martxoaren 9an.–Nekazaritza Zerbitzuko zuzendaria, Rubén Palacios Goñi.
Iragarkiaren kodea: F1703180
