1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
353E/2017 FORU AGINDUA, martxoaren 30ekoa, Osasuneko kontseilariak emana. Horren bidez Osasunbidea-Nafarroako Osasun Zerbitzuko zuzendari kudeatzailearen esku uzten da Nafarroako Ogasun Publikoari buruzko apirilaren 4ko 13/2007 Foru Legearen 45.1 artikuluan aipatzen diren aurrekontu aldaketak baimentzea, Osasunbidea-Nafarroako Osasun Zerbitzuko aurrekontuko partidei buruzko kredituei dagokienez.
Nafarroako Ogasun Publikoari buruzko 13/007 Foru Legearen 45.1 artikuluak ezartzen du Nafarroako Gobernuko kontseilariek, beren departamentuen esparruan, baimena eman dezaketela programa beraren kredituen artean transferentziak egiteko.
Ikusirik Osasunbidea-Nafarroako Osasun Zerbitzuko Kontabilitate eta Aurrekontu Zerbitzuak egindako txostena, Kudeaketa Ekonomikoaren eta Zerbitzu Orokorren Zerbitzuko zuzendariaren oniritziarekin.
Nafarroako Gobernuari eta Lehendakariari buruzko abenduaren 3ko 14/2004 Foru Legearen 41 artikuluaren 2. puntuan ezarritakoan oinarriturik,
AGINDU DUT:
1. Osasun Zerbitzuko zuzendari kudeatzailearen esku uztea Nafarroako Ogasun Publikoari buruzko apirilaren 4ko 13/2007 Foru Legearen 45.1 artikuluan aipatzen diren aurrekontu aldaketak baimentzea, Osasunbidea-Nafarroako Osasun Zerbitzuko aurrekontuko partidei buruzko kredituei dagokienez.
2. Foru agindu hau Nafarroako Aldizkari Ofizialean argitaratzea, behar diren ondorioak izan ditzan.
Iruñean, 2017ko martxoaren 30ean.–Osasuneko kontseilaria, Fernando Domínguez Cunchillos.
Iragarkiaren kodea: F1703975
